Meko 5
5
Ũvũngũ wa Anania na Savila Mũka wake
1Mũndũ weetawa Anania e na mũka wake Savila, o nake nĩwathooisye kĩsio kĩmwe kya kĩtheka kyoo. 2Nĩwavithie mbesa imwe esene na mũka, na atwaa ila ingĩ vala ve atũmwa. 3Ĩndĩ Vetelo nĩwamũkũlilye atĩĩ, “Anania, nĩkĩ weetĩkĩlya Satani alike ngoonĩ yaku ũmũkenge Veva Mũtheu, na kũvitha mbesa imwe sya ila ũnakwatie wathoosya kĩtheka? 4Yĩla ũtanakĩthooetye, kĩinaĩ o kyaku? O na wamina kũkĩthoosya, i mbesa iinaĩ o syaku ũitũmĩe ũndũ ũkwenda? Nĩ kyaũ ĩndĩ kyatuma ũsũanĩa kwĩka ũndũ wa mũthemba ũũ? Ti andũ wakenga, ĩndĩ wakenga Ngai!” 5Anania eew'a ndeto isu, nĩwavalũkile nthĩ na akw'a. Andũ onthe ala meewie ũvoo ũsu nĩmakwatiwe nĩ w'ĩa mwingĩ. 6Anake nĩmookie malinga mwĩĩ wake, na mawumaalya maũthika.
7Ĩtina wa masaa ta atatũ, mũka wake nĩwookie alika vala Vetelo waĩ, ĩndĩ ndamanyaa kĩla kyeekĩka kũla kwĩ mũũme. 8Vetelo nĩwamũkũlilye, “Kwa ndavye atĩĩ, mũnathooisye kĩtheka mbesa o ii?”
Nake amũsũngĩa, “Ĩĩ, tũnathooisye mbesa o isu.”
9Vetelo amwĩa atĩĩ, “Nĩkĩ mwĩw'anie wĩ na mũemeu mũmũtate Veva wa Ngai? Ĩthukĩĩsye ĩndĩ, matuu ma ala mathika mũemeu no asu vaa mũomonĩ, namo nĩmeũkũkuanĩla o naku.” 10O vau kwa vau Savila nĩwavalũkile vakuvĩ na maũũ ma Vetelo na akw'a. Yĩla anake mavikie mamwĩthĩie e mũkw'ũ, na mamũkuanĩla mathi mamũthika vakuvĩ na mũũme. 11Ĩkanisa yonthe nĩyakwatiwe nĩ w'ĩa mwingĩ, o vamwe na andũ onthe ala meewie maũndũ asu.
Atũmwa Mayĩka Syama na Kũvosya Awau Aingĩ
12Atũmwa nĩmeekie syama mbingĩ na maũndũ maingĩ ma kũseng'ya katĩ wa andũ. Aĩkĩĩi onthe moombanaa vamwe me kĩndũ kĩmwe valandanĩ ũla wĩtawa Valanda wa Solomoni. 13Vai mũndũ o na ũmwe ate wa kĩkundi kĩu waatata kwĩkwatany'a namo, o na kau andũ onthe nĩmakumasya aĩkĩĩi asu mũno. 14Ũu wĩ o vo, ũtalo wa andũ ala mamũĩkĩĩie Mwĩai nĩwaendeeie na kwongeleka mũno. 15Kwa kĩtumi kĩu, aingĩ nĩmaetae andũ ala awau kũu nzĩanĩ, na kũmakomya mokomonĩ na mĩkekanĩ, nĩ kana Vetelo avĩtĩte nongo kyuu kyake kĩtonye kwĩsĩla ĩũlũ wa amwe moo na kũmavosya. 16O ta ũu andũ aingĩ nĩmookie kuma ndũanĩ ila syĩ ũtee wa Yelũsalemu, maetete andũ moo ala maĩ awau na ala mathĩnaw'a nĩ maimũ, na onthe mavow'a.
Kũthĩnw'a kwa Atũmwa
17Nĩvo ĩndĩ Mũthembi ũla Mũnene wookĩlile vamwe na andũ ala waĩ namo. Andũ asu maĩ ma kĩkundi kya Asatũkai na nĩmakwatiwe nĩ kĩwĩu kingĩ. 18Nĩmaendie makwata atũmwa na mamavingĩa yela ya andũ onthe. 19Ĩndĩ ũtukũ mũlaĩka wa Mwĩai nĩwavingũie mĩomo ya yela yĩu, na amaumaalya atũmwa asu nza na amea atĩĩ, 20“Endai Ĩkalũnĩ na mũiũngama mũtavye andũ onthe ũvoo ĩũlũ wa mwĩkalo ũũ wa thayũ mweũ.” 21Atũmwa nĩmeewie na kwoou kwakya tene mathi malika Ĩkalũnĩ mambĩĩa kũmanyĩsya.
Yĩla Mũthembi ũla Mũnene na andũ ala waĩ namo mavikie, nĩmeetie nzama yonthe na atumĩa ma Ĩsilaeli na matũmana yela atũmwa makaetwe. 22Ĩndĩ anene ala matũmĩtwe mavika kũu yela, mayaamethĩa na kwoou masyoka vala ve nzama masya atĩĩ, 23“Tweethĩa yela yĩvingĩtwe o nesa na asikalĩ makaũngama kũu mĩomonĩ, ĩndĩ yĩla twavingũa, tũinavethĩa mũndũ o na ũmwe!” 24Yĩla athembi anene na ũla mũnene wa asikalĩ ala masungaa Ĩkalũ meewie ũvoo ũsu, nĩmatelemile mũno na masaanĩw'a nĩ kyaũ kĩthĩwa kĩkĩkie kwa atũmwa asu.
25Mũndũ ũmwe nĩwookie vala maĩ na amea atĩĩ, “Nĩmwĩsĩ! Ala aũme mũnavingĩie yela yu me Ĩkalũnĩ maimanyĩsya andũ!” 26Nĩvo ĩndĩ mũnene wa asikalĩ ala masungaa Ĩkalũ waendie e na asikalĩ make na mamaete, ĩndĩ mateũtũmĩa vinya, nũndũ nĩmakĩaa maikakimangwe na mavia nĩ andũ.
27Yĩla mamaetie, nĩmamaũngamisye mbee wa nzama, nake Mũthembi ũla Mũnene amasilĩthya aimea, 28#Mat 27.25 “Tũnamũkanisye twamwĩa mũikaamanyĩsye ĩngĩ ĩsyĩtwanĩ ya Yesũ. Nayu kwa sisyai, mũkomanisye Yelũsalemu yonthe na momanyĩsyo menyu, na mwĩenda kũtũtũla mũtĩ ĩũlũ wa kĩkw'ũ kya mũndũ ũsu!”
29Ĩndĩ Vetelo na atũmwa ala angĩ mamasũngĩa, “No nginya tũmwĩw'e Ngai vandũ va kwĩw'a andũ. 30Ngai wa aaũmae maitũ nĩwamũthayũũkisye Yesũ kuma kwa akw'ũ, ĩtina wenyu kũmũaa kwa kũmwamba ngelany'onĩ. 31Ngai nũmũnenevetye akamwĩkalya ngalĩko ya kw'oko kwake kwa aũme akethĩwa mũtongoi na Mũtangĩĩi, nĩ kana andũ ma Ĩsilaeli matonye kũnengwa mwanya wa kwĩlila kwondũ wa naĩ syoo na mayĩekewa. 32Ithyĩ twĩ ngũsĩ sya maũndũ asu o vamwe na Veva Mũtheu, ũla Ngai ũmanengete ala mamwĩw'aa.”
33Yĩla andũ asu maĩ nzamanĩ meewie ndeto isu, nĩmathatie mũno kũvika menda kũaa atũmwa asu. 34Ĩndĩ Mũvalisi ũmwe waĩ nzamanĩ ĩsu weetawa Ngamalieli, waĩ mũmanyĩsya wa Mĩao na wanengetwe ndaĩa, nĩwookĩlile na eeyĩaa atũmwa asu mambe kumaalw'a nza vanini. 35Nĩvo ĩndĩ waneenie na andũ asu amea atĩĩ, “Mbaitũ andũ ma Ĩsilaeli, sũanĩai mũno mũtanamba kwĩka ũndũ mũkwenda kwĩkana na aũme aa. 36Nĩmwĩsĩ kana navu ĩtina ve mũndũ waumĩlĩte weetawa Theundasi aketw'ĩkĩthya mũndũ mũnene, na andũ aingĩ vakuvĩ maana ana makamũatĩĩa. Ĩndĩ nĩwooaiwe na aatĩĩi make onthe manyaĩĩka, na ũvoo wake wathela vyũ. 37Ĩtina wa ũsu, nake Yutasi kuma Kalilii nĩwookĩlile yĩla andũ matalawa, na akusya andũ mamũatĩĩa. Ĩndĩ o nake nĩwooaiwe, na andũ onthe ala mamũatĩĩe manyaĩĩka. 38Kwoou o naw'o ũndũnĩ ũũ nyie nĩmwĩa mũikatw'ĩĩe andũ aa ũndũ o na ũmwe; ekanai namo. Ethĩwa mũvango woo kana wĩa woo wumanĩte na mũndũ, nũũvalũka, 39ĩndĩ ethĩwa wumanĩte na Ngai, mũikamatonya. Na ũndũ ũngĩ nĩmũtonya kwĩthĩwa mũyũkitana na Ngai!”
40Andũ asu nĩmeetĩkĩlanile na ndeto sya Ngamalieli, na kwoou yĩla atũmwa meetiwe malike ĩngĩ, nĩmamavũie na mameaĩa maikaaneene ĩngĩ ĩsyĩtwanĩ ya Yesũ, na mamalekya mathi.
41Atũmwa asu nĩmaumie vau nzamanĩ me na ũtanu mwingĩ, nũndũ Ngai nĩwoonie maĩlĩtwe nĩ kũthĩnw'a kwondũ wa Yesũ. 42Kĩla mũthenya me Ĩkalũnĩ na me mũsyĩ, nĩmaendeeie kũmanyĩsya na kũtavany'a kana Yesũ nĩwe Klĩsto.
Currently Selected:
Meko 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 5
5
Ũvũngũ wa Anania na Savila Mũka wake
1Mũndũ weetawa Anania e na mũka wake Savila, o nake nĩwathooisye kĩsio kĩmwe kya kĩtheka kyoo. 2Nĩwavithie mbesa imwe esene na mũka, na atwaa ila ingĩ vala ve atũmwa. 3Ĩndĩ Vetelo nĩwamũkũlilye atĩĩ, “Anania, nĩkĩ weetĩkĩlya Satani alike ngoonĩ yaku ũmũkenge Veva Mũtheu, na kũvitha mbesa imwe sya ila ũnakwatie wathoosya kĩtheka? 4Yĩla ũtanakĩthooetye, kĩinaĩ o kyaku? O na wamina kũkĩthoosya, i mbesa iinaĩ o syaku ũitũmĩe ũndũ ũkwenda? Nĩ kyaũ ĩndĩ kyatuma ũsũanĩa kwĩka ũndũ wa mũthemba ũũ? Ti andũ wakenga, ĩndĩ wakenga Ngai!” 5Anania eew'a ndeto isu, nĩwavalũkile nthĩ na akw'a. Andũ onthe ala meewie ũvoo ũsu nĩmakwatiwe nĩ w'ĩa mwingĩ. 6Anake nĩmookie malinga mwĩĩ wake, na mawumaalya maũthika.
7Ĩtina wa masaa ta atatũ, mũka wake nĩwookie alika vala Vetelo waĩ, ĩndĩ ndamanyaa kĩla kyeekĩka kũla kwĩ mũũme. 8Vetelo nĩwamũkũlilye, “Kwa ndavye atĩĩ, mũnathooisye kĩtheka mbesa o ii?”
Nake amũsũngĩa, “Ĩĩ, tũnathooisye mbesa o isu.”
9Vetelo amwĩa atĩĩ, “Nĩkĩ mwĩw'anie wĩ na mũemeu mũmũtate Veva wa Ngai? Ĩthukĩĩsye ĩndĩ, matuu ma ala mathika mũemeu no asu vaa mũomonĩ, namo nĩmeũkũkuanĩla o naku.” 10O vau kwa vau Savila nĩwavalũkile vakuvĩ na maũũ ma Vetelo na akw'a. Yĩla anake mavikie mamwĩthĩie e mũkw'ũ, na mamũkuanĩla mathi mamũthika vakuvĩ na mũũme. 11Ĩkanisa yonthe nĩyakwatiwe nĩ w'ĩa mwingĩ, o vamwe na andũ onthe ala meewie maũndũ asu.
Atũmwa Mayĩka Syama na Kũvosya Awau Aingĩ
12Atũmwa nĩmeekie syama mbingĩ na maũndũ maingĩ ma kũseng'ya katĩ wa andũ. Aĩkĩĩi onthe moombanaa vamwe me kĩndũ kĩmwe valandanĩ ũla wĩtawa Valanda wa Solomoni. 13Vai mũndũ o na ũmwe ate wa kĩkundi kĩu waatata kwĩkwatany'a namo, o na kau andũ onthe nĩmakumasya aĩkĩĩi asu mũno. 14Ũu wĩ o vo, ũtalo wa andũ ala mamũĩkĩĩie Mwĩai nĩwaendeeie na kwongeleka mũno. 15Kwa kĩtumi kĩu, aingĩ nĩmaetae andũ ala awau kũu nzĩanĩ, na kũmakomya mokomonĩ na mĩkekanĩ, nĩ kana Vetelo avĩtĩte nongo kyuu kyake kĩtonye kwĩsĩla ĩũlũ wa amwe moo na kũmavosya. 16O ta ũu andũ aingĩ nĩmookie kuma ndũanĩ ila syĩ ũtee wa Yelũsalemu, maetete andũ moo ala maĩ awau na ala mathĩnaw'a nĩ maimũ, na onthe mavow'a.
Kũthĩnw'a kwa Atũmwa
17Nĩvo ĩndĩ Mũthembi ũla Mũnene wookĩlile vamwe na andũ ala waĩ namo. Andũ asu maĩ ma kĩkundi kya Asatũkai na nĩmakwatiwe nĩ kĩwĩu kingĩ. 18Nĩmaendie makwata atũmwa na mamavingĩa yela ya andũ onthe. 19Ĩndĩ ũtukũ mũlaĩka wa Mwĩai nĩwavingũie mĩomo ya yela yĩu, na amaumaalya atũmwa asu nza na amea atĩĩ, 20“Endai Ĩkalũnĩ na mũiũngama mũtavye andũ onthe ũvoo ĩũlũ wa mwĩkalo ũũ wa thayũ mweũ.” 21Atũmwa nĩmeewie na kwoou kwakya tene mathi malika Ĩkalũnĩ mambĩĩa kũmanyĩsya.
Yĩla Mũthembi ũla Mũnene na andũ ala waĩ namo mavikie, nĩmeetie nzama yonthe na atumĩa ma Ĩsilaeli na matũmana yela atũmwa makaetwe. 22Ĩndĩ anene ala matũmĩtwe mavika kũu yela, mayaamethĩa na kwoou masyoka vala ve nzama masya atĩĩ, 23“Tweethĩa yela yĩvingĩtwe o nesa na asikalĩ makaũngama kũu mĩomonĩ, ĩndĩ yĩla twavingũa, tũinavethĩa mũndũ o na ũmwe!” 24Yĩla athembi anene na ũla mũnene wa asikalĩ ala masungaa Ĩkalũ meewie ũvoo ũsu, nĩmatelemile mũno na masaanĩw'a nĩ kyaũ kĩthĩwa kĩkĩkie kwa atũmwa asu.
25Mũndũ ũmwe nĩwookie vala maĩ na amea atĩĩ, “Nĩmwĩsĩ! Ala aũme mũnavingĩie yela yu me Ĩkalũnĩ maimanyĩsya andũ!” 26Nĩvo ĩndĩ mũnene wa asikalĩ ala masungaa Ĩkalũ waendie e na asikalĩ make na mamaete, ĩndĩ mateũtũmĩa vinya, nũndũ nĩmakĩaa maikakimangwe na mavia nĩ andũ.
27Yĩla mamaetie, nĩmamaũngamisye mbee wa nzama, nake Mũthembi ũla Mũnene amasilĩthya aimea, 28#Mat 27.25 “Tũnamũkanisye twamwĩa mũikaamanyĩsye ĩngĩ ĩsyĩtwanĩ ya Yesũ. Nayu kwa sisyai, mũkomanisye Yelũsalemu yonthe na momanyĩsyo menyu, na mwĩenda kũtũtũla mũtĩ ĩũlũ wa kĩkw'ũ kya mũndũ ũsu!”
29Ĩndĩ Vetelo na atũmwa ala angĩ mamasũngĩa, “No nginya tũmwĩw'e Ngai vandũ va kwĩw'a andũ. 30Ngai wa aaũmae maitũ nĩwamũthayũũkisye Yesũ kuma kwa akw'ũ, ĩtina wenyu kũmũaa kwa kũmwamba ngelany'onĩ. 31Ngai nũmũnenevetye akamwĩkalya ngalĩko ya kw'oko kwake kwa aũme akethĩwa mũtongoi na Mũtangĩĩi, nĩ kana andũ ma Ĩsilaeli matonye kũnengwa mwanya wa kwĩlila kwondũ wa naĩ syoo na mayĩekewa. 32Ithyĩ twĩ ngũsĩ sya maũndũ asu o vamwe na Veva Mũtheu, ũla Ngai ũmanengete ala mamwĩw'aa.”
33Yĩla andũ asu maĩ nzamanĩ meewie ndeto isu, nĩmathatie mũno kũvika menda kũaa atũmwa asu. 34Ĩndĩ Mũvalisi ũmwe waĩ nzamanĩ ĩsu weetawa Ngamalieli, waĩ mũmanyĩsya wa Mĩao na wanengetwe ndaĩa, nĩwookĩlile na eeyĩaa atũmwa asu mambe kumaalw'a nza vanini. 35Nĩvo ĩndĩ waneenie na andũ asu amea atĩĩ, “Mbaitũ andũ ma Ĩsilaeli, sũanĩai mũno mũtanamba kwĩka ũndũ mũkwenda kwĩkana na aũme aa. 36Nĩmwĩsĩ kana navu ĩtina ve mũndũ waumĩlĩte weetawa Theundasi aketw'ĩkĩthya mũndũ mũnene, na andũ aingĩ vakuvĩ maana ana makamũatĩĩa. Ĩndĩ nĩwooaiwe na aatĩĩi make onthe manyaĩĩka, na ũvoo wake wathela vyũ. 37Ĩtina wa ũsu, nake Yutasi kuma Kalilii nĩwookĩlile yĩla andũ matalawa, na akusya andũ mamũatĩĩa. Ĩndĩ o nake nĩwooaiwe, na andũ onthe ala mamũatĩĩe manyaĩĩka. 38Kwoou o naw'o ũndũnĩ ũũ nyie nĩmwĩa mũikatw'ĩĩe andũ aa ũndũ o na ũmwe; ekanai namo. Ethĩwa mũvango woo kana wĩa woo wumanĩte na mũndũ, nũũvalũka, 39ĩndĩ ethĩwa wumanĩte na Ngai, mũikamatonya. Na ũndũ ũngĩ nĩmũtonya kwĩthĩwa mũyũkitana na Ngai!”
40Andũ asu nĩmeetĩkĩlanile na ndeto sya Ngamalieli, na kwoou yĩla atũmwa meetiwe malike ĩngĩ, nĩmamavũie na mameaĩa maikaaneene ĩngĩ ĩsyĩtwanĩ ya Yesũ, na mamalekya mathi.
41Atũmwa asu nĩmaumie vau nzamanĩ me na ũtanu mwingĩ, nũndũ Ngai nĩwoonie maĩlĩtwe nĩ kũthĩnw'a kwondũ wa Yesũ. 42Kĩla mũthenya me Ĩkalũnĩ na me mũsyĩ, nĩmaendeeie kũmanyĩsya na kũtavany'a kana Yesũ nĩwe Klĩsto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011