Meko 4
4
Vetelo na Yoana me Mbee wa Nzama
1Vetelo na Yoana o maendee na kũneena na andũ, athembi amwe#4.1 athembi amwe: Maandĩko amwe ma tene ma Ndeto ya Ngai maĩtye, athembi anene na mũnene wa asikalĩ ala masungaa Ĩkalũ, o vamwe na amwe ma Asatũkai nĩmookie vala maĩ. 2Mookie me athatu mũno nũndũ atũmwa asu nĩmamanyĩasya andũ, na matavanasya kana akw'ũ makathayũũka o ũndũ Yesũ wathayũũkie kuma kwa akw'ũ. 3Nĩmamakwatie mamavingĩa yela meteele kũvike ũnĩ ũsu nũndũ kwaĩ kũnatuka. 4Ĩndĩ aingĩ katĩ wa ala meewie ũtavany'a ũsu maũĩkĩĩa, na ũtalo wa aĩkĩĩi wavikya andũ vakuvĩ ngili itano.
5Ũnĩ ũsu atongoi ma Ayuti, atumĩa na amanyĩsya ma Mĩao nĩmoombanĩie Yelũsalemu, 6me na Anasi Mũthembi ũla Mũnene, Kaiava, Yoana, Alekisanda na andũ angĩ ma mũsyĩ wa Mũthembi ũsu Mũnene. 7Nĩmaetie Vetelo na Yoana mbee woo na mamakũlya atĩĩ, “Mũneekie ũu na ũkũmũ mwaũ kana na ĩsyĩtwa yaũ?”
8Vetelo ausũĩtwe nĩ Veva Mũtheu nĩwamasũngĩie amea atĩĩ, “Kwa atongoi ma nthĩ na kwa atumĩa, 9ethĩwa twĩsilĩthw'a ũmũnthĩ nũndũ wa ũndũ ũseo ũneekiwe mũndũ ũnatwĩe e na maũũ mathũku, na kũkũlw'a ũndũ ũnavoiw'e, 10ekai nĩmũtavye inyw'onthe o vamwe na andũ onthe ma Ĩsilaeli, kana nĩ ĩsyĩtwanĩ ya Yesũ Klĩsto kuma Nasaleti, ũla inyw'ĩ mwamwambie, nake Ngai amũthayũũkya kuma kwa akw'ũ, mũndũ ũũ ũũngeme mbee wenyu e mũvou vyũ. 11#Sav 118.22 Yesũ ũsu nĩwe:
‘Ĩvia yĩla inyw'ĩ aki ma myako mwaleile,
nayo nĩyĩtw'ĩkĩte ĩvia yĩla ya vata mũno mwakonĩ.’
12Vai mũndũ ũngĩ ũtonya kũtangĩĩa andũ, nũndũ ĩũlũ wa nthĩ yonthe vai mũndũ ũngĩ waanenganwe nĩ Ngai ũtonya kũtũtangĩĩa.”
13Atumĩa asu ma nzama nĩmaseng'ie mũno moona ũndũ Vetelo na Yoana maĩ na ũkũmbaũ wĩana, na nĩmeesĩ kana atũmwa asu mayaĩ asomu, na maĩ andũ mate nguma andũnĩ. Nĩmamanyie nesa kana aũme asu mekalanasya na Yesũ. 14Ĩndĩ vai ũndũ maĩ maneena, nũndũ nĩmeene mũndũ ũla wavoetw'e aũngyĩ vau e na Vetelo na Yoana. 15Atumĩa asu ma nzama nĩmameie nĩmambe kumaala, na ĩndĩ maoany'a 16maikũlany'a atĩĩ, “Mwĩona twĩĩkana ata na aũme aa yu? Andũ onthe ala mekalaa Yelũsalemu nĩmesĩ kana nĩmaneekie kyama kĩnene na tũitonya kũkaĩa. 17Ĩndĩ nĩ kana tũsiĩĩe ũndũ ũũ ndũkaendee andũnĩ mbee wa vau, tũkany'ei aũme aa tũmee maikaaneene ĩngĩ na mũndũ ĩũlũ wa ĩsyĩtwa ya Yesũ.”
18Kwoou nĩmametie ĩngĩ malike, na mameaĩa maikaaneene ĩngĩ kana kũmanyĩsya ĩsyĩtwanĩ ya Yesũ. 19Ĩndĩ Vetelo na Yoana mamasũngĩa atĩĩ, “Kwa tw'ai inyw'ĩ ene kana ũũ nĩ waĩlu methonĩ ma Ngai: Kũmwĩthukĩĩsya inyw'ĩ vandũ va kũmwĩthukĩĩsya Ngai. 20Ithyĩ tũitonya kũeka kũneena ĩũlũ wa maũndũ ala twonete na twĩw'ĩte.” 21Kwoou atongoi asu mamina kũmakany'a ĩngĩ mamathũkĩe mũno nĩmamalekilye mathi. Mayaĩ na nzĩa ya kũmasilĩla, nĩkwĩthĩwa andũ onthe nĩmamũkathaa Ngai nũndũ wa kĩla kyeekĩkĩte, 22nĩkwĩthĩwa mũndũ ũsu wavoetw'e kwa kyama aĩ na ũkũũ wa myaka mbee wa mĩongo ĩna.
Aĩkĩĩi Maivoya Ngai Manengwe Ũkũmbaũ
23Vetelo na Yoana mamina kũthaw'a, nĩmaendie kũla kwĩ andũ ma kĩkundi kyoo, na mamatavya maũndũ onthe ala matavw'a nĩ athembi anene na atumĩa. 24#Kuma 20.11; Nee 9.6; Sav 146.6 Aĩkĩĩi asu meew'a ndeto isu, onthe vamwe nĩmookĩlilye mawasya moo mavoya mayasya atĩĩ, “We Mwĩai Mũsumbĩ, Mũmbi wa ĩtu na nthĩ na ũkanga, na syĩndũ syonthe ila syĩ vo, 25#Sav 2.1-2 nue waneenie kwa nzĩa ya Veva Mũtheu kwĩsĩla kwa ũmae waitũ Ndeviti mũthũkũmi waku wasya atĩĩ,
‘Nĩkĩ Andũ-ma-mbaĩ-ingĩ mathatĩte ũu,
na nĩkĩ andũ mavangaa maũndũ na maũndũ asu maitw'ĩka ma mana?
26Asumbĩ ma nthĩ nĩmeyũmbanĩsye kaũ,
namo atongoi makombana vamwe,
mokite na Mwĩai Ngai na Klĩsto wake.’
27 #
Mat 27.1-2; Mk 15.1; Lk 23.1,7-11; Yoa 18.28-29 Kwa w'o, Elote na Vondio Vilato nĩmoombanie na Andũ-ma-mbaĩ-ingĩ na andũ ma Ĩsilaeli mũsyĩnĩ ũũ, mamũsamĩe Yesũ mũthũkũmi waku mũtheu ũla we ũnyuvĩte. 28Meekie kĩla we mwene kwa ũtonyi waku na kwendanĩ kwaku, watw'ĩte kĩkethĩwa. 29Nayu we Mwĩai, sisya ũndũ meũtũtelemangya, na ũitũtonyethya ithyĩ athũkũmi maku kũtavany'a ndeto yaku na ũkũmbaũ mũnene. 30Onany'a ũtonyi waku kwa kũvosya andũ awau, na ũyĩtĩkĩlya syama na maũndũ ma kũseng'ya mekwe ĩsyĩtwanĩ ya Yesũ mũthũkũmi waku mũtheu.”
31Mamina kũvoya, vau moombanĩe nĩvathingithie, na onthe mausũwa nĩ Veva Mũtheu na matavany'a ndeto ya Ngai na ũkũmbaũ mũnene.
Aĩkĩĩi ma Ĩkanisa ya Mbee Maiaana Syĩndũ
32 #
Meko 2.44-45
Kĩkundi kyonthe kya aĩkĩĩi kyeethĩawa na kĩsũanĩo kĩmwe na ngoo ĩmwe. Vai mũndũ o na ũmwe waasya kana syĩndũ ila wĩ nasyo nĩ syake e weka; nĩmaanaa syĩndũ syonthe ila maĩ nasyo. 33Atũmwa nĩmaendeeie na kũkũsĩĩa kũthayũũka kwa Mwĩai Yesũ na vinya mwingĩ, nake Ngai amanenga mumo mwingĩ me onthe. 34Vai mũndũ ũmwe nthĩnĩ wa kĩkundi kĩu waanyivĩwa nĩ kĩndũ, nĩkwĩthĩwa andũ ala maĩ na syĩndũ ta itheka kana nyũmba nĩmaithooasya na kũtwaa i mbesa 35vala ve atũmwa. Mbesa isu nĩsyaaĩawa andũ kwĩanana na vata wa kĩla ũmwe.
36Nĩvo ĩndĩ Yosevu, mũndũ waĩ Mũlivai na wasyaĩtwe nthĩ yĩtawa Saivulasi, na watw'ĩĩtwe ĩsyĩtwa nĩ atũmwa aketwa Valanava, nayo ũalyũlo wayo nĩ, “Mũndũ wa kũthangaasya andũ,” 37waendie athoosya kĩtheka kyaĩ kyake na atwaa i mbesa vala ve atũmwa.
Currently Selected:
Meko 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 4
4
Vetelo na Yoana me Mbee wa Nzama
1Vetelo na Yoana o maendee na kũneena na andũ, athembi amwe#4.1 athembi amwe: Maandĩko amwe ma tene ma Ndeto ya Ngai maĩtye, athembi anene na mũnene wa asikalĩ ala masungaa Ĩkalũ, o vamwe na amwe ma Asatũkai nĩmookie vala maĩ. 2Mookie me athatu mũno nũndũ atũmwa asu nĩmamanyĩasya andũ, na matavanasya kana akw'ũ makathayũũka o ũndũ Yesũ wathayũũkie kuma kwa akw'ũ. 3Nĩmamakwatie mamavingĩa yela meteele kũvike ũnĩ ũsu nũndũ kwaĩ kũnatuka. 4Ĩndĩ aingĩ katĩ wa ala meewie ũtavany'a ũsu maũĩkĩĩa, na ũtalo wa aĩkĩĩi wavikya andũ vakuvĩ ngili itano.
5Ũnĩ ũsu atongoi ma Ayuti, atumĩa na amanyĩsya ma Mĩao nĩmoombanĩie Yelũsalemu, 6me na Anasi Mũthembi ũla Mũnene, Kaiava, Yoana, Alekisanda na andũ angĩ ma mũsyĩ wa Mũthembi ũsu Mũnene. 7Nĩmaetie Vetelo na Yoana mbee woo na mamakũlya atĩĩ, “Mũneekie ũu na ũkũmũ mwaũ kana na ĩsyĩtwa yaũ?”
8Vetelo ausũĩtwe nĩ Veva Mũtheu nĩwamasũngĩie amea atĩĩ, “Kwa atongoi ma nthĩ na kwa atumĩa, 9ethĩwa twĩsilĩthw'a ũmũnthĩ nũndũ wa ũndũ ũseo ũneekiwe mũndũ ũnatwĩe e na maũũ mathũku, na kũkũlw'a ũndũ ũnavoiw'e, 10ekai nĩmũtavye inyw'onthe o vamwe na andũ onthe ma Ĩsilaeli, kana nĩ ĩsyĩtwanĩ ya Yesũ Klĩsto kuma Nasaleti, ũla inyw'ĩ mwamwambie, nake Ngai amũthayũũkya kuma kwa akw'ũ, mũndũ ũũ ũũngeme mbee wenyu e mũvou vyũ. 11#Sav 118.22 Yesũ ũsu nĩwe:
‘Ĩvia yĩla inyw'ĩ aki ma myako mwaleile,
nayo nĩyĩtw'ĩkĩte ĩvia yĩla ya vata mũno mwakonĩ.’
12Vai mũndũ ũngĩ ũtonya kũtangĩĩa andũ, nũndũ ĩũlũ wa nthĩ yonthe vai mũndũ ũngĩ waanenganwe nĩ Ngai ũtonya kũtũtangĩĩa.”
13Atumĩa asu ma nzama nĩmaseng'ie mũno moona ũndũ Vetelo na Yoana maĩ na ũkũmbaũ wĩana, na nĩmeesĩ kana atũmwa asu mayaĩ asomu, na maĩ andũ mate nguma andũnĩ. Nĩmamanyie nesa kana aũme asu mekalanasya na Yesũ. 14Ĩndĩ vai ũndũ maĩ maneena, nũndũ nĩmeene mũndũ ũla wavoetw'e aũngyĩ vau e na Vetelo na Yoana. 15Atumĩa asu ma nzama nĩmameie nĩmambe kumaala, na ĩndĩ maoany'a 16maikũlany'a atĩĩ, “Mwĩona twĩĩkana ata na aũme aa yu? Andũ onthe ala mekalaa Yelũsalemu nĩmesĩ kana nĩmaneekie kyama kĩnene na tũitonya kũkaĩa. 17Ĩndĩ nĩ kana tũsiĩĩe ũndũ ũũ ndũkaendee andũnĩ mbee wa vau, tũkany'ei aũme aa tũmee maikaaneene ĩngĩ na mũndũ ĩũlũ wa ĩsyĩtwa ya Yesũ.”
18Kwoou nĩmametie ĩngĩ malike, na mameaĩa maikaaneene ĩngĩ kana kũmanyĩsya ĩsyĩtwanĩ ya Yesũ. 19Ĩndĩ Vetelo na Yoana mamasũngĩa atĩĩ, “Kwa tw'ai inyw'ĩ ene kana ũũ nĩ waĩlu methonĩ ma Ngai: Kũmwĩthukĩĩsya inyw'ĩ vandũ va kũmwĩthukĩĩsya Ngai. 20Ithyĩ tũitonya kũeka kũneena ĩũlũ wa maũndũ ala twonete na twĩw'ĩte.” 21Kwoou atongoi asu mamina kũmakany'a ĩngĩ mamathũkĩe mũno nĩmamalekilye mathi. Mayaĩ na nzĩa ya kũmasilĩla, nĩkwĩthĩwa andũ onthe nĩmamũkathaa Ngai nũndũ wa kĩla kyeekĩkĩte, 22nĩkwĩthĩwa mũndũ ũsu wavoetw'e kwa kyama aĩ na ũkũũ wa myaka mbee wa mĩongo ĩna.
Aĩkĩĩi Maivoya Ngai Manengwe Ũkũmbaũ
23Vetelo na Yoana mamina kũthaw'a, nĩmaendie kũla kwĩ andũ ma kĩkundi kyoo, na mamatavya maũndũ onthe ala matavw'a nĩ athembi anene na atumĩa. 24#Kuma 20.11; Nee 9.6; Sav 146.6 Aĩkĩĩi asu meew'a ndeto isu, onthe vamwe nĩmookĩlilye mawasya moo mavoya mayasya atĩĩ, “We Mwĩai Mũsumbĩ, Mũmbi wa ĩtu na nthĩ na ũkanga, na syĩndũ syonthe ila syĩ vo, 25#Sav 2.1-2 nue waneenie kwa nzĩa ya Veva Mũtheu kwĩsĩla kwa ũmae waitũ Ndeviti mũthũkũmi waku wasya atĩĩ,
‘Nĩkĩ Andũ-ma-mbaĩ-ingĩ mathatĩte ũu,
na nĩkĩ andũ mavangaa maũndũ na maũndũ asu maitw'ĩka ma mana?
26Asumbĩ ma nthĩ nĩmeyũmbanĩsye kaũ,
namo atongoi makombana vamwe,
mokite na Mwĩai Ngai na Klĩsto wake.’
27 #
Mat 27.1-2; Mk 15.1; Lk 23.1,7-11; Yoa 18.28-29 Kwa w'o, Elote na Vondio Vilato nĩmoombanie na Andũ-ma-mbaĩ-ingĩ na andũ ma Ĩsilaeli mũsyĩnĩ ũũ, mamũsamĩe Yesũ mũthũkũmi waku mũtheu ũla we ũnyuvĩte. 28Meekie kĩla we mwene kwa ũtonyi waku na kwendanĩ kwaku, watw'ĩte kĩkethĩwa. 29Nayu we Mwĩai, sisya ũndũ meũtũtelemangya, na ũitũtonyethya ithyĩ athũkũmi maku kũtavany'a ndeto yaku na ũkũmbaũ mũnene. 30Onany'a ũtonyi waku kwa kũvosya andũ awau, na ũyĩtĩkĩlya syama na maũndũ ma kũseng'ya mekwe ĩsyĩtwanĩ ya Yesũ mũthũkũmi waku mũtheu.”
31Mamina kũvoya, vau moombanĩe nĩvathingithie, na onthe mausũwa nĩ Veva Mũtheu na matavany'a ndeto ya Ngai na ũkũmbaũ mũnene.
Aĩkĩĩi ma Ĩkanisa ya Mbee Maiaana Syĩndũ
32 #
Meko 2.44-45
Kĩkundi kyonthe kya aĩkĩĩi kyeethĩawa na kĩsũanĩo kĩmwe na ngoo ĩmwe. Vai mũndũ o na ũmwe waasya kana syĩndũ ila wĩ nasyo nĩ syake e weka; nĩmaanaa syĩndũ syonthe ila maĩ nasyo. 33Atũmwa nĩmaendeeie na kũkũsĩĩa kũthayũũka kwa Mwĩai Yesũ na vinya mwingĩ, nake Ngai amanenga mumo mwingĩ me onthe. 34Vai mũndũ ũmwe nthĩnĩ wa kĩkundi kĩu waanyivĩwa nĩ kĩndũ, nĩkwĩthĩwa andũ ala maĩ na syĩndũ ta itheka kana nyũmba nĩmaithooasya na kũtwaa i mbesa 35vala ve atũmwa. Mbesa isu nĩsyaaĩawa andũ kwĩanana na vata wa kĩla ũmwe.
36Nĩvo ĩndĩ Yosevu, mũndũ waĩ Mũlivai na wasyaĩtwe nthĩ yĩtawa Saivulasi, na watw'ĩĩtwe ĩsyĩtwa nĩ atũmwa aketwa Valanava, nayo ũalyũlo wayo nĩ, “Mũndũ wa kũthangaasya andũ,” 37waendie athoosya kĩtheka kyaĩ kyake na atwaa i mbesa vala ve atũmwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011