Meko 6
6
Kũnyuvwa kwa Aũme Mũonza Matetheeasye Atũmwa
1Mĩthenyanĩ ĩsu, yĩla ũtalo wa amanyĩw'a ma Yesũ waendeeie na kwingĩva, Ayuti ala maneenaa Kĩkiliki nĩmambĩĩie kũnyungunyĩĩsya ala maneenaa Kĩevelania, nĩkwĩthĩwa ndiwa syoo iyakwataa ũtethyo ũla wanenganawe kĩla mũthenya. 2Kwoou ala atũmwa ĩkũmi na elĩ nĩmoombanisye aĩkĩĩi onthe na mamea atĩĩ, “Ti waĩlu ithyĩ kũekana na wĩa wa kũtavany'a ndeto ya Ngai, nĩ kana tũtethye wĩa wa kũaĩa andũ syĩndũ. 3Kwoou mbaitũ, nyuvai kuma katĩ wenyu aũme mũonza me nguma nzeo, mausũĩtwe nĩ Veva Mũtheu na me na ũĩ, na nĩtũũmanenga ũthũkũmi ũsu. 4Ithyĩ naitũ nĩtũkwĩnengane maũndũnĩ ma mboya, na ũthũkũminĩ wa kũtavany'a ndeto ya Ngai.”
5Woni ũsu nĩwendeeisye kĩla mũndũ ĩkomanonĩ yĩu, na kwoou manyuva Sitivini, mũndũ waĩ na mũĩkĩĩo mũnene na wausũĩtwe nĩ Veva Mũtheu. O ta ũu nĩmanyuvie Vilivũ, Volokolasi, Nikanoli, Timoni, Valimena na Nikolasi, mũndũ wa mbaĩ ingĩ kuma Andiokia, ĩndĩ waatĩĩaa ũthaithi wa Kĩyuti. 6Nĩmatwaie andũ asu mbee wa atũmwa ala namo mamavoyeie na mamailĩĩla moko.
7Kwoou ndeto ya Ngai nĩyaendeeie na kũnyaĩĩka, ũtalo wa amanyĩw'a Yelũsalemu wongeleka kwa wingĩ, o na athembi aingĩ malika mũĩkĩĩonĩ ũũ.
Kũkwatwa kwa Sitivini
8Sitivini ausũĩtwe nĩ mumo wa Ngai na ũtonyi, nĩweekie maũndũ manene ma kũseng'ya na syama katĩ wa andũ. 9Nĩvo ĩndĩ andũ amwe maĩ ma nyũmba ya Ayuti ya kũthaithĩa na kũmbanĩa, ĩla yeetawa ya Andũ Athasye, mookĩlile mambĩĩa kũkananĩa na Sitivini. Amwe moo maĩ Ayuti kuma Kũlene, na Alekisandĩlĩa na angĩ kuma Silisia na Asia. 10Ĩndĩ mayaatonya kũmũsinda nũndũ wa ũĩ wake, na Veva ũla wamũtongoeasya kũneena. 11Nĩvo ĩndĩ kwa kĩmbithĩ meew'anie na andũ amwe mathi makasye atĩĩ, “Ithyĩ nĩtwĩw'ĩte aineena ndeto sya kũmũuma Mwose na sya kũmũuma Ngai!” 12Kwa nzĩa ĩsu nĩmaingĩanĩisye Sitivini na andũ na atumĩa na amanyĩsya ma Mĩao, namo mamũkwata mamũtwaa mbee wa nzama. 13Nĩmookĩlilye andũ maumya ũkũsĩ wa ũvũngũ masya atĩĩ, “Mũndũ ũũ atindĩaa kũneena ndeto nthũku ĩũlũ wa Ĩkalũ yĩĩ ĩtheu, na ĩũlũ wa Mĩao ya Mwose. 14Nĩtũmwĩw'ĩte ayasya kana Yesũ kuma Nasaleti akaomboanga Ĩkalũ yĩĩ, na aialyũla syĩthĩo syonthe ila Mwose watũnengie.” 15Andũ onthe ala mailyĩ nzamanĩ ĩsu nĩmamũketeeie Sitivini, na moona ũthyũ wake ũilyĩ ta wa mũlaĩka.
Currently Selected:
Meko 6: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 6
6
Kũnyuvwa kwa Aũme Mũonza Matetheeasye Atũmwa
1Mĩthenyanĩ ĩsu, yĩla ũtalo wa amanyĩw'a ma Yesũ waendeeie na kwingĩva, Ayuti ala maneenaa Kĩkiliki nĩmambĩĩie kũnyungunyĩĩsya ala maneenaa Kĩevelania, nĩkwĩthĩwa ndiwa syoo iyakwataa ũtethyo ũla wanenganawe kĩla mũthenya. 2Kwoou ala atũmwa ĩkũmi na elĩ nĩmoombanisye aĩkĩĩi onthe na mamea atĩĩ, “Ti waĩlu ithyĩ kũekana na wĩa wa kũtavany'a ndeto ya Ngai, nĩ kana tũtethye wĩa wa kũaĩa andũ syĩndũ. 3Kwoou mbaitũ, nyuvai kuma katĩ wenyu aũme mũonza me nguma nzeo, mausũĩtwe nĩ Veva Mũtheu na me na ũĩ, na nĩtũũmanenga ũthũkũmi ũsu. 4Ithyĩ naitũ nĩtũkwĩnengane maũndũnĩ ma mboya, na ũthũkũminĩ wa kũtavany'a ndeto ya Ngai.”
5Woni ũsu nĩwendeeisye kĩla mũndũ ĩkomanonĩ yĩu, na kwoou manyuva Sitivini, mũndũ waĩ na mũĩkĩĩo mũnene na wausũĩtwe nĩ Veva Mũtheu. O ta ũu nĩmanyuvie Vilivũ, Volokolasi, Nikanoli, Timoni, Valimena na Nikolasi, mũndũ wa mbaĩ ingĩ kuma Andiokia, ĩndĩ waatĩĩaa ũthaithi wa Kĩyuti. 6Nĩmatwaie andũ asu mbee wa atũmwa ala namo mamavoyeie na mamailĩĩla moko.
7Kwoou ndeto ya Ngai nĩyaendeeie na kũnyaĩĩka, ũtalo wa amanyĩw'a Yelũsalemu wongeleka kwa wingĩ, o na athembi aingĩ malika mũĩkĩĩonĩ ũũ.
Kũkwatwa kwa Sitivini
8Sitivini ausũĩtwe nĩ mumo wa Ngai na ũtonyi, nĩweekie maũndũ manene ma kũseng'ya na syama katĩ wa andũ. 9Nĩvo ĩndĩ andũ amwe maĩ ma nyũmba ya Ayuti ya kũthaithĩa na kũmbanĩa, ĩla yeetawa ya Andũ Athasye, mookĩlile mambĩĩa kũkananĩa na Sitivini. Amwe moo maĩ Ayuti kuma Kũlene, na Alekisandĩlĩa na angĩ kuma Silisia na Asia. 10Ĩndĩ mayaatonya kũmũsinda nũndũ wa ũĩ wake, na Veva ũla wamũtongoeasya kũneena. 11Nĩvo ĩndĩ kwa kĩmbithĩ meew'anie na andũ amwe mathi makasye atĩĩ, “Ithyĩ nĩtwĩw'ĩte aineena ndeto sya kũmũuma Mwose na sya kũmũuma Ngai!” 12Kwa nzĩa ĩsu nĩmaingĩanĩisye Sitivini na andũ na atumĩa na amanyĩsya ma Mĩao, namo mamũkwata mamũtwaa mbee wa nzama. 13Nĩmookĩlilye andũ maumya ũkũsĩ wa ũvũngũ masya atĩĩ, “Mũndũ ũũ atindĩaa kũneena ndeto nthũku ĩũlũ wa Ĩkalũ yĩĩ ĩtheu, na ĩũlũ wa Mĩao ya Mwose. 14Nĩtũmwĩw'ĩte ayasya kana Yesũ kuma Nasaleti akaomboanga Ĩkalũ yĩĩ, na aialyũla syĩthĩo syonthe ila Mwose watũnengie.” 15Andũ onthe ala mailyĩ nzamanĩ ĩsu nĩmamũketeeie Sitivini, na moona ũthyũ wake ũilyĩ ta wa mũlaĩka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011