Meko 16
16
Timotheo Aiendany'a na Vaũlo na Sila
1Vaũlo nĩwaendie Ndelive na Lisitela vala mũĩkĩĩi ũmwe weetawa Timotheo watwĩe. Inyia wa Timotheo ũla o nake waĩ mũĩkĩĩi aĩ Mũyuti, nake ĩthe aĩ Mũkiliki. 2Timotheo aĩ nguma nzeo katĩ wa aĩkĩĩi ala matwĩe Lisitela na Ĩkoniamu. 3Vaũlo nĩwendie Timotheo aendany'e nake, kwoou amwosa amwaĩka nũndũ wa Ayuti ala matwĩe kĩsionĩ kĩu, nĩkwĩthĩwa onthe nĩmeesĩ kana ĩthe wake aĩ Mũkiliki. 4Vaũlo na asu angĩ maendee na kũthyũũka ndũanĩ sya kũu, nĩmatavasya aĩkĩĩi motw'ĩo ala matw'ĩtwe nĩ atũmwa na atumĩa kuma Yelũsalemu na kũmea nĩmameanĩsye. 5Kwoou aĩkĩĩi nĩmalũlũmĩĩilw'e mũĩkĩĩonĩ, na maendeea na kwongeleka kĩla mũthenya.
Vaũlo Ayona Woni e Tiloa
6Vaũlo na ala waĩ namo nĩmaendie mesĩla kĩsionĩ kya Vilikia na kya Kalatia, nũndũ nĩmavatiwe nĩ Veva Mũtheu kũtavany'a ndeto ya Ngai kĩsionĩ kya Asia. 7Yĩla mavikie mũvakanĩ wa Misia, nĩmendie kũthi Mbithinia ĩndĩ Veva wa Yesũ ndaametĩkĩlya. 8Nĩvo ĩndĩ mavĩtĩle Misia matheea mathi Tiloa. 9Ũtukũ ũsu Vaũlo nĩweethĩiwe na woni, oona mũndũ kuma Masendonia aũngeme aimwĩsũva na kũmwĩa, “Inga wũke Masendonia ũtũtethye!” 10Vaũlo amina kwona woni ũsu, nĩtweeyũmbanĩsye o vau kwa vau twambĩĩe kyalo kya kũthi Masendonia, twĩ na ũw'o kana Ngai nũtwĩtĩte tũkatavany'e Ũvoo Mũseo kũu.
Litia Aitw'ĩka Mũĩkĩĩi wa Yesũ
11Nĩtwalikile melinĩ twauma Tiloa twathi ĩmwe kwa ĩmwe nginya kĩthamanĩ kĩtawa Samothulake, na ũnĩ ũsu twaendeea twavika Neavolisi. 12Kuma vau nĩtwaendie Vilivi, nayo yaĩ ungu wa ũsumbĩ wa Loma, na nĩyo yaĩ ndũa ĩla nene vyũ#16.12 ĩla nene vyũ: Maandĩko amwe ma tene ma Ndeto ya Ngai maĩtye ndũa yĩ kĩsionĩ kya mbee vyũ kya nthĩ ya Masendonia kĩsionĩ kĩu kya nthĩ ya Masendonia. Nĩtwekalile ndũanĩ ĩsu vandũ va mĩthenya yĩana ũndũ mũna. 13Mũthenyanĩ wa Savato nĩtwaumaalile nza wa mũvĩa wa ndũa, twathi ũtee wa ũsĩ vala twoonaa nĩtũũkwata vandũ va kũvoyea. Nĩtwekalile nthĩ na twambĩĩa kũneena na aka moombanĩe vau. 14Ũmwe wa aka asu matwĩthukĩĩsye nĩ mũndũ mũka weetawa Litia kuma ndũanĩ yĩtawa Thiatila. Mũndũ mũka ũsu aĩ mũthoosya wa ngũa ndune sya thooa mũnene, na aĩ mũthaithi wa Ngai. Mwĩai nĩwavingũie ngoo yake eetĩkĩla kĩla kyaneeniwe nĩ Vaũlo. 15Nĩvo ĩndĩ ĩtina wa Litia kũvatiswa vamwe na andũ ma mũsyĩ wake watwĩsũvie mũno ayasya atĩĩ, “Ethĩwa nĩmũkwĩtĩkĩla kwa w'o kana nyie nĩ mũĩkĩĩi wa Mwĩai, ũkai kwakwa mwĩkalae vo.” Nĩwatũthing'ĩĩisye nginya tweetĩkĩla.
Vaũlo na Sila Maivingĩwa Yela
16Mũthenya ũmwe tũendete vandũ va kũvoyea, nĩtwakomanie na mwĩĩtu ũmwe ngombo waĩ na veva wamũtonyethasya kũtavya andũ maũndũ makethĩwa. Mwĩĩtu ũsu nĩwoombanĩasya anene make mbesa mbingĩ kwa kwĩka ũu. 17Nĩwatũatĩĩie twĩ na Vaũlo aneenete na wasya mũnene ayasya atĩĩ, “Andũ aa nĩ athũkũmi ma Ngai Ũla wĩ Ĩũlũ Mũno, namo memũtavya nzĩa ĩla mũtonya kũtangĩĩwa nayo.” 18Mwĩĩtu ũsu nĩwaendeeie na kwĩka ũu vandũ va mĩthenya mingĩ kũvika Vaũlo esa kũthata na amũthyũũkĩa na eea veva ũsu, “Nĩngũkwĩaĩa ĩsyĩtwanĩ ya Yesũ Klĩsto, uma mwĩĩtunĩ ũũ.” Naw'o wauma o saanĩ ũsu.
19Yĩla anene ma mwĩĩtu ũsu mamanyie kana wĩkwatyo woo wa ũkwata mbesa kuma mwĩĩtunĩ ũsu nĩwathela, nĩmakwatie Vaũlo na Sila mamakusũlany'a mamatwaa kĩsilĩlonĩ ndũnyũ mbee wa atongoi. 20Nĩmamasikatie kwa asili masya atĩĩ, “Andũ aa nĩ Ayuti na nĩmaetie ithokoo ndũanĩ yaitũ. 21Memanyĩsya syĩthĩo ithyĩ Alomi tũtaĩlĩte kũsyĩtĩkĩla kana kwiatĩĩa.” 22Ĩkomano yonthe ya andũ nĩyalikĩlĩĩile kũkita na Vaũlo na Sila. Asili ma makoani nĩmamatembũangĩie ngũa maisyumya, na matw'a nĩmakũnwe ivoko. 23Ĩtina wa Vaũlo na Sila kũvũwa mũno nĩmavingĩiwe yela, na mũsikalĩ wa yela eeaĩwa amasunge mũno. 24Kumana na kwĩaĩwa kũu, mũsikalĩ ũsu nĩwamatwaie kasũmbanĩ ke naku nthĩnĩ, na ooveea maũũ moo mĩtĩnĩ ya kwova andũ.
25Kĩndũ ta saa sita sya ũtukũ, Vaũlo na Sila nĩmavoyaa na kwina mbathi sya kũmũtaĩa Ngai, ovwa ala angĩ mamethukĩĩsye. 26Kwa kĩthũlũmũko nĩkweethĩiwe na kĩtetemo kĩnene kya nthĩ, kyathingithya mwako w'onthe wa yela yĩu. O vau kwa vau, mĩomo yonthe nĩyavingũkangie na nyololo ila syoovanĩtye ovwa asu onthe syathalĩkanga. 27Ũla mũsikalĩ wa yela nĩwavindũkie, na yĩla woonie mĩomo ya yela yĩmĩvingũku, nĩwakũie ũvyũ nĩ kana eyũae ayona ovwa onthe ta masembie mathi. 28Ĩndĩ Vaũlo aneena na wasya mũnene amwĩa atĩĩ, “Ndũkeyĩũmĩsye! Ithyonthe twĩ o vaa!”
29Mũsikalĩ ũsu nĩweetisye taa na asemba alika nthĩnĩ, atulya ndu mbee wa Vaũlo na Sila athĩlĩĩte. 30Nĩvo ĩndĩ wamatwaie nza amakũlya atĩĩ, “Anene, naĩlĩte kwĩka ata nĩ kana nĩtangĩĩwe?”
31Namo mamũsũngĩa mamwĩa atĩĩ, “Mũĩkĩĩe Mwĩai Yesũ na nũũtangĩĩwa, we vamwe na andũ ma mũsyĩ waku.” 32Vaũlo na Sila nĩmamũtavisye ndeto ya Mwĩai vamwe na andũ onthe ala maĩ nyũmba kwake. 33Mũsikalĩ ũsu nĩwamatwaie saa o isu sya ũtukũ amathambya itau, na avatiswa o vau kwa vau vamwe na andũ onthe ma mũsyĩ wake. 34Nĩvo ĩndĩ wamatwaie nyũmba kwake na amanenga lĩu maye. Nĩwatanie mũno vamwe na mũsyĩ wake w'onthe nĩkwĩthĩwa yu aĩ mũĩkĩĩi wa Ngai.
35Ũnĩ ũsu kwakya, asili ma makoani nĩmatũmie asikalĩ moo kũla kwĩ ũla mũsikalĩ wa yela makamwĩe atĩĩ, “Lekya ala andũ mathi.” 36Mũsikalĩ ũsu wa yela nĩwatavisye Vaũlo ndeto isu amwĩa atĩĩ, “Asili ma makoani matũmana masya nĩnĩmũlekye. Kwoou ĩndĩ nĩmũtonya kumaala na mũithi na mũuo.”
37Ĩndĩ Vaũlo nĩweeie asikalĩ asu atĩĩ, “Manatũvũĩe mbee wa andũ matambĩte kũtũtw'ĩĩa ĩvĩtyo na twĩ Alomi, na ĩtina matũvingĩa yela! Yu meenda kũtũlũngya kwa kĩmbithĩ? Eka moke nemo matumye.”
38Asikalĩ asu nĩmatavisye Asili ma makoani ndeto isu, namo makwatwa nĩ w'ĩa meew'a kana Vaũlo na Sila nĩ Alomi. 39Nĩmookie mametya ũekeo, na mamina kũmaumya yela mamakũlya maume ndũanĩ ĩsu. 40Kwoou Vaũlo na Sila nĩmaumie yela na mathi mũsyĩ kwa Litia. Kũu nĩmakomanie na aĩkĩĩi na mamina kũmathuthya na ndeto mauma kũu mathi.
Currently Selected:
Meko 16: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 16
16
Timotheo Aiendany'a na Vaũlo na Sila
1Vaũlo nĩwaendie Ndelive na Lisitela vala mũĩkĩĩi ũmwe weetawa Timotheo watwĩe. Inyia wa Timotheo ũla o nake waĩ mũĩkĩĩi aĩ Mũyuti, nake ĩthe aĩ Mũkiliki. 2Timotheo aĩ nguma nzeo katĩ wa aĩkĩĩi ala matwĩe Lisitela na Ĩkoniamu. 3Vaũlo nĩwendie Timotheo aendany'e nake, kwoou amwosa amwaĩka nũndũ wa Ayuti ala matwĩe kĩsionĩ kĩu, nĩkwĩthĩwa onthe nĩmeesĩ kana ĩthe wake aĩ Mũkiliki. 4Vaũlo na asu angĩ maendee na kũthyũũka ndũanĩ sya kũu, nĩmatavasya aĩkĩĩi motw'ĩo ala matw'ĩtwe nĩ atũmwa na atumĩa kuma Yelũsalemu na kũmea nĩmameanĩsye. 5Kwoou aĩkĩĩi nĩmalũlũmĩĩilw'e mũĩkĩĩonĩ, na maendeea na kwongeleka kĩla mũthenya.
Vaũlo Ayona Woni e Tiloa
6Vaũlo na ala waĩ namo nĩmaendie mesĩla kĩsionĩ kya Vilikia na kya Kalatia, nũndũ nĩmavatiwe nĩ Veva Mũtheu kũtavany'a ndeto ya Ngai kĩsionĩ kya Asia. 7Yĩla mavikie mũvakanĩ wa Misia, nĩmendie kũthi Mbithinia ĩndĩ Veva wa Yesũ ndaametĩkĩlya. 8Nĩvo ĩndĩ mavĩtĩle Misia matheea mathi Tiloa. 9Ũtukũ ũsu Vaũlo nĩweethĩiwe na woni, oona mũndũ kuma Masendonia aũngeme aimwĩsũva na kũmwĩa, “Inga wũke Masendonia ũtũtethye!” 10Vaũlo amina kwona woni ũsu, nĩtweeyũmbanĩsye o vau kwa vau twambĩĩe kyalo kya kũthi Masendonia, twĩ na ũw'o kana Ngai nũtwĩtĩte tũkatavany'e Ũvoo Mũseo kũu.
Litia Aitw'ĩka Mũĩkĩĩi wa Yesũ
11Nĩtwalikile melinĩ twauma Tiloa twathi ĩmwe kwa ĩmwe nginya kĩthamanĩ kĩtawa Samothulake, na ũnĩ ũsu twaendeea twavika Neavolisi. 12Kuma vau nĩtwaendie Vilivi, nayo yaĩ ungu wa ũsumbĩ wa Loma, na nĩyo yaĩ ndũa ĩla nene vyũ#16.12 ĩla nene vyũ: Maandĩko amwe ma tene ma Ndeto ya Ngai maĩtye ndũa yĩ kĩsionĩ kya mbee vyũ kya nthĩ ya Masendonia kĩsionĩ kĩu kya nthĩ ya Masendonia. Nĩtwekalile ndũanĩ ĩsu vandũ va mĩthenya yĩana ũndũ mũna. 13Mũthenyanĩ wa Savato nĩtwaumaalile nza wa mũvĩa wa ndũa, twathi ũtee wa ũsĩ vala twoonaa nĩtũũkwata vandũ va kũvoyea. Nĩtwekalile nthĩ na twambĩĩa kũneena na aka moombanĩe vau. 14Ũmwe wa aka asu matwĩthukĩĩsye nĩ mũndũ mũka weetawa Litia kuma ndũanĩ yĩtawa Thiatila. Mũndũ mũka ũsu aĩ mũthoosya wa ngũa ndune sya thooa mũnene, na aĩ mũthaithi wa Ngai. Mwĩai nĩwavingũie ngoo yake eetĩkĩla kĩla kyaneeniwe nĩ Vaũlo. 15Nĩvo ĩndĩ ĩtina wa Litia kũvatiswa vamwe na andũ ma mũsyĩ wake watwĩsũvie mũno ayasya atĩĩ, “Ethĩwa nĩmũkwĩtĩkĩla kwa w'o kana nyie nĩ mũĩkĩĩi wa Mwĩai, ũkai kwakwa mwĩkalae vo.” Nĩwatũthing'ĩĩisye nginya tweetĩkĩla.
Vaũlo na Sila Maivingĩwa Yela
16Mũthenya ũmwe tũendete vandũ va kũvoyea, nĩtwakomanie na mwĩĩtu ũmwe ngombo waĩ na veva wamũtonyethasya kũtavya andũ maũndũ makethĩwa. Mwĩĩtu ũsu nĩwoombanĩasya anene make mbesa mbingĩ kwa kwĩka ũu. 17Nĩwatũatĩĩie twĩ na Vaũlo aneenete na wasya mũnene ayasya atĩĩ, “Andũ aa nĩ athũkũmi ma Ngai Ũla wĩ Ĩũlũ Mũno, namo memũtavya nzĩa ĩla mũtonya kũtangĩĩwa nayo.” 18Mwĩĩtu ũsu nĩwaendeeie na kwĩka ũu vandũ va mĩthenya mingĩ kũvika Vaũlo esa kũthata na amũthyũũkĩa na eea veva ũsu, “Nĩngũkwĩaĩa ĩsyĩtwanĩ ya Yesũ Klĩsto, uma mwĩĩtunĩ ũũ.” Naw'o wauma o saanĩ ũsu.
19Yĩla anene ma mwĩĩtu ũsu mamanyie kana wĩkwatyo woo wa ũkwata mbesa kuma mwĩĩtunĩ ũsu nĩwathela, nĩmakwatie Vaũlo na Sila mamakusũlany'a mamatwaa kĩsilĩlonĩ ndũnyũ mbee wa atongoi. 20Nĩmamasikatie kwa asili masya atĩĩ, “Andũ aa nĩ Ayuti na nĩmaetie ithokoo ndũanĩ yaitũ. 21Memanyĩsya syĩthĩo ithyĩ Alomi tũtaĩlĩte kũsyĩtĩkĩla kana kwiatĩĩa.” 22Ĩkomano yonthe ya andũ nĩyalikĩlĩĩile kũkita na Vaũlo na Sila. Asili ma makoani nĩmamatembũangĩie ngũa maisyumya, na matw'a nĩmakũnwe ivoko. 23Ĩtina wa Vaũlo na Sila kũvũwa mũno nĩmavingĩiwe yela, na mũsikalĩ wa yela eeaĩwa amasunge mũno. 24Kumana na kwĩaĩwa kũu, mũsikalĩ ũsu nĩwamatwaie kasũmbanĩ ke naku nthĩnĩ, na ooveea maũũ moo mĩtĩnĩ ya kwova andũ.
25Kĩndũ ta saa sita sya ũtukũ, Vaũlo na Sila nĩmavoyaa na kwina mbathi sya kũmũtaĩa Ngai, ovwa ala angĩ mamethukĩĩsye. 26Kwa kĩthũlũmũko nĩkweethĩiwe na kĩtetemo kĩnene kya nthĩ, kyathingithya mwako w'onthe wa yela yĩu. O vau kwa vau, mĩomo yonthe nĩyavingũkangie na nyololo ila syoovanĩtye ovwa asu onthe syathalĩkanga. 27Ũla mũsikalĩ wa yela nĩwavindũkie, na yĩla woonie mĩomo ya yela yĩmĩvingũku, nĩwakũie ũvyũ nĩ kana eyũae ayona ovwa onthe ta masembie mathi. 28Ĩndĩ Vaũlo aneena na wasya mũnene amwĩa atĩĩ, “Ndũkeyĩũmĩsye! Ithyonthe twĩ o vaa!”
29Mũsikalĩ ũsu nĩweetisye taa na asemba alika nthĩnĩ, atulya ndu mbee wa Vaũlo na Sila athĩlĩĩte. 30Nĩvo ĩndĩ wamatwaie nza amakũlya atĩĩ, “Anene, naĩlĩte kwĩka ata nĩ kana nĩtangĩĩwe?”
31Namo mamũsũngĩa mamwĩa atĩĩ, “Mũĩkĩĩe Mwĩai Yesũ na nũũtangĩĩwa, we vamwe na andũ ma mũsyĩ waku.” 32Vaũlo na Sila nĩmamũtavisye ndeto ya Mwĩai vamwe na andũ onthe ala maĩ nyũmba kwake. 33Mũsikalĩ ũsu nĩwamatwaie saa o isu sya ũtukũ amathambya itau, na avatiswa o vau kwa vau vamwe na andũ onthe ma mũsyĩ wake. 34Nĩvo ĩndĩ wamatwaie nyũmba kwake na amanenga lĩu maye. Nĩwatanie mũno vamwe na mũsyĩ wake w'onthe nĩkwĩthĩwa yu aĩ mũĩkĩĩi wa Ngai.
35Ũnĩ ũsu kwakya, asili ma makoani nĩmatũmie asikalĩ moo kũla kwĩ ũla mũsikalĩ wa yela makamwĩe atĩĩ, “Lekya ala andũ mathi.” 36Mũsikalĩ ũsu wa yela nĩwatavisye Vaũlo ndeto isu amwĩa atĩĩ, “Asili ma makoani matũmana masya nĩnĩmũlekye. Kwoou ĩndĩ nĩmũtonya kumaala na mũithi na mũuo.”
37Ĩndĩ Vaũlo nĩweeie asikalĩ asu atĩĩ, “Manatũvũĩe mbee wa andũ matambĩte kũtũtw'ĩĩa ĩvĩtyo na twĩ Alomi, na ĩtina matũvingĩa yela! Yu meenda kũtũlũngya kwa kĩmbithĩ? Eka moke nemo matumye.”
38Asikalĩ asu nĩmatavisye Asili ma makoani ndeto isu, namo makwatwa nĩ w'ĩa meew'a kana Vaũlo na Sila nĩ Alomi. 39Nĩmookie mametya ũekeo, na mamina kũmaumya yela mamakũlya maume ndũanĩ ĩsu. 40Kwoou Vaũlo na Sila nĩmaumie yela na mathi mũsyĩ kwa Litia. Kũu nĩmakomanie na aĩkĩĩi na mamina kũmathuthya na ndeto mauma kũu mathi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011