Meko 15
15
Nzama ya Yelũsalemu
1 #
Ali 12.3
Andũ amwe nĩmaumie nthĩ ya Yutia matheea Andiokia, na mambĩĩa kũmanyĩsya aĩkĩĩi maimea atĩĩ, “Mũte aĩke kwĩanana na kĩthĩo kya Mwose, mũitonya kũtangĩĩwa.” 2Ũndũ ũsu nĩwatumie Vaũlo na Valanava makananĩa na kũneenany'a mũno na andũ asu. Nĩvo ĩndĩ Vaũlo na Valanava manyuviwe vamwe na aĩkĩĩi angĩ mambate Yelũsalemu, makone atũmwa na atumĩa mamakũlye ĩũlũ wa ũndũ ũsu.
3Kwoou ĩkanisa nĩyamatũmie, na maendete mesĩla Voenisia, na Samalia maimanyĩthya aĩkĩĩi kũu ũndũ Andũ-ma-mbaĩ-ingĩ mambĩĩe kũĩkĩĩa Ngai. Ũvoo ũsu nĩwatanĩthisye aĩkĩĩi kũu mũno. 4Yĩla mavikie Yelũsalemu nĩmathokiw'e nĩ ĩkanisa na atũmwa vamwe na atumĩa, na mamatavya maũndũ onthe ala Ngai ũnamatonyethisye kwĩka. 5Ĩndĩ aĩkĩĩi amwe ala maĩ ma kĩkundi kya Avalisi mookĩla masya atĩĩ, “No nginya Andũ-ma-mbaĩ-ingĩ maĩkawe na maitavw'a mekae ũndũ Mĩao ya Mwose ĩkwasya.”
6Atũmwa na atumĩa nĩmoombanie maoany'e ũndũ ũsu. 7#Meko 10.1-43 Ĩtina wa kũneenany'a mũno, Vetelo nĩwookĩlile amea atĩĩ, “Ana-a-asa, nĩmwĩsĩ kana ĩvinda yĩ na vu ĩtina Ngai nĩwanyuvie kuma katĩ wenyu, nĩtavany'e Ũvoo Mũseo kwa Andũ-ma-mbaĩ-ingĩ mawĩw'e maĩkĩĩe. 8#Meko 2.4; 10.44 Nake Ngai ũla wĩsĩ ngoo sya andũ, oonany'a kana nũmetĩkĩlĩte kwa kũmanenga Veva Mũtheu o ũndũ watũnengie ithyĩ. 9Ndaaĩkĩa kĩvathũkany'o katĩ woo naitũ; nĩwatheisye ngoo syoo nũndũ wa mũĩkĩĩo woo. 10Kwoou ĩndĩ nĩkĩ mũenda kũmũtata Ngai kwa kwaĩkya aĩkĩĩi mũio mũito ũla aaũmae maitũ, o naitũ ene twaemiwe nĩ kũũkua? 11Aiee! Tũĩkĩĩaa kana nĩ kwĩsĩla mumonĩ wa Mwĩai Yesũ twovoaw'a o tondũ mo movoaw'a.”
12Andũ onthe ala maĩ vau nĩmavindisye ki methukĩĩsye Valanava na Vaũlo, makĩmatavya ũvoo wa syama na maũndũ ma kũseng'ya, ala Ngai ũneekie Andũnĩ-ma-mbaĩ-ingĩ kwĩsĩla vala maĩ. 13Mamina kũneena, Yakovo nĩwasũngĩie asya atĩĩ, “Ana-a-asa, kwa mbĩthukĩĩsyei! 14Simioni nĩwatũelesya ũndũ Ngai wambie kwonany'a kana e na vata na Andũ-ma-mbaĩ-ingĩ, kwa kumya andũ katĩ woo methĩwe make. 15Ũndũ ũsu nũkwosana na ndeto sya athani o tondũ kũandĩkĩtwe Maandĩkonĩ Matheu:
16 #
Amo 9.11-12
‘Ĩtina wa maũndũ aa,
ngasyoka ĩngĩ na ngaaka ũsumbĩ wa Ndeviti ũla wavalũkile.
Ngatũngĩĩa kũla waombokie,
na ngawũũngamya ĩngĩ.
17Kwoou andũ ala angĩ onthe makooka kwakwa,
Andũ-ma-mbaĩ-ingĩ ala nĩtĩte matw'ĩke makwa.
18Easya ũu Mwĩai, ũla watumie maũndũ aa mamanyĩka kuma tene.’
19“Kwoou ũtw'ĩo wakwa nyie nĩ kana, tũyaĩlĩte kũnenga Andũ-ma-mbaĩ-ingĩ thĩna ala mamũĩkĩĩaa Ngai. 20#Kuma 34.15-17; Ali 17.10-16; 18.6-23 #Kuma 34.15-17; Ali 17.10-16; 18.6-23 Vandũ va ũu tũmaandĩkĩe valũa tũmeete maikaye syĩndũ ivukĩtw'e nĩkwĩthĩwa ithembeetwe ngai sya mĩvw'anano, na o ta ũu nĩmevetane na molaalai, maikaye nyama sya nyamũ yĩkĩte kwitwa, na maikanyw'e nthakame. 21Nĩkwĩthĩwa kuma tene nthĩnĩ wa kĩla ndũa, Mĩao ya Mwose nĩsomawa nyũmbanĩ sya Ayuti sya kũthaithĩa na kũmbanĩa kĩla mũthenyanĩ wa Savato, na ndeto syake nitavanaw'a.”
Valũa wa Nzama kwa Andũ-ma-mbaĩ-ingĩ ala maĩ Aĩkĩĩi
22Nĩvo ĩndĩ atũmwa, na atumĩa, vamwe na ĩkanisa yonthe moonie nĩ ũseo manyuve andũ amwe katĩ woo, mamatũme Andiokia vamwe na Vaũlo na Valanava. Nĩmanyuvie Yutasi ũla weetawa kwa ĩsyĩtwa yĩngĩ Mbasambasi na Sila namo maĩ atongoi katĩ wa ana-a-asa. 23Nĩmamatũmie na valũa ũũ:
“Ithyĩ, atũmwa na atumĩa, ana-a-ĩthe menyu nĩtwamũkethya inyw'ĩ ana-a-asa, Andũ-ma-mbaĩ-ingĩ ala mwĩ ndũanĩ ya Andiokia, na ala mwĩ nthĩnĩ wa kĩsio kya Silia na kya Silisia. 24Nĩtwĩwie kana andũ amwe kuma kũũ tũĩ ĩndĩ tũtanamatũmĩte, nĩmanamũthokoie na ndeto iũmũya mũtwe. 25Kwoou, ithyonthe nĩtwĩtĩkĩlanile twoona nĩ ũseo tũnyuve andũ tũmatũme kwenyu vamwe na endwa maitũ, Valanava na Vaũlo, 26andũ manenganĩte mathayũ moo kwondũ wa Mwĩai waitũ Yesũ Klĩsto. 27Nĩtwatũma Yutasi na Sila ala namo meũmũtũngĩlĩĩla na kanyw'a maũndũ aa tũandĩkĩte. 28Veva Mũtheu o vamwe naitũ, nĩwonie nĩ ũseo tũikamwaĩkye mũio mũnenange kwĩ maũndũ ala me vata namo nĩmo aa: 29Mũikaye syĩndũ ila ithembeetwe ngai sya mĩvw'anano, na kũnyw'a nthakame, na mũikaye nyama sya nyamũ yĩkĩte kwitwa, na o ta ũu ĩvetanei na molaalai. Ethĩwa mũkeeka maũndũ asu mũkeethĩwa mweeka nesa. Ĩkalai na ũvoo.”
30Andũ asu matũmiwe mamina kũnengwa ũthei wa kũthi nĩmatheeie mathi Andiokia, na meeta wũmbano wa aĩkĩĩi onthe mamanenga valũa ũsu. 31Aĩkĩĩi asu nĩmaũsomie na matana mũno, nũndũ wa ndeto sya kũmathuthya ila syaandĩkĩtwe vo. 32Yutasi na Sila, ala namo maĩ athani nĩmamathuthisye na mamalũlũmĩĩlya na ndeto ingĩ mbingĩ. 33Ĩtina wa kwĩkala kũu vandũ va ĩvinda ĩasa, aĩkĩĩi nĩmameie nĩmasyoke na mũuo kwa ala mamatũmĩte.
[ 34Ĩndĩ Sila asũanĩa kwĩkala kũu.#15.34 Maandĩko amwe ma tene ma Ndeto ya Ngai nĩmatiĩte mũsoa ũũ ]
35Vaũlo na Valanava nĩmatiĩlilwe kũu Andiokia, makĩmanyĩsya na kũtavany'a ndeto ya Mwĩai me na andũ angĩ aingĩ.
Vaũlo na Valanava Maitaanĩsya
36Ĩtina wa mĩthenya yĩana ũndũ mũna, Vaũlo nĩwamwĩie Valanava atĩĩ, “Ũka tũsyoke tũkone aĩkĩĩi kĩla ndũanĩ twaatavany'a ndeto ya Mwĩai, na tũimanya ũndũ maendee.” 37Valanava nĩwendie maendany'e na Yoana ũla weetawa kwa ĩsyĩtwa yĩngĩ Maliko, 38#Meko 13.13 ĩndĩ Vaũlo oona ũte ũseo maendany'e na mũndũ waendie amatia me Vambilia, na ũtaaendeea kwĩthĩwa namo ĩngĩ ũthũkũminĩ. 39Nĩvo ĩndĩ vookĩlile ngusanĩsyo na mataanĩsya. Valanava nĩwoosie Maliko, na malika melinĩ mathi Saivulasi, 40nake Vaũlo anyuva Sila, na aendany'a nake mamina kũnenganwe ũsũvĩonĩ wa mumo wa Mwĩai nĩ aĩkĩĩi. 41Nĩmesĩlile Silia na Silisia malũlũmĩĩlye makanisa.
Currently Selected:
Meko 15: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 15
15
Nzama ya Yelũsalemu
1 #
Ali 12.3
Andũ amwe nĩmaumie nthĩ ya Yutia matheea Andiokia, na mambĩĩa kũmanyĩsya aĩkĩĩi maimea atĩĩ, “Mũte aĩke kwĩanana na kĩthĩo kya Mwose, mũitonya kũtangĩĩwa.” 2Ũndũ ũsu nĩwatumie Vaũlo na Valanava makananĩa na kũneenany'a mũno na andũ asu. Nĩvo ĩndĩ Vaũlo na Valanava manyuviwe vamwe na aĩkĩĩi angĩ mambate Yelũsalemu, makone atũmwa na atumĩa mamakũlye ĩũlũ wa ũndũ ũsu.
3Kwoou ĩkanisa nĩyamatũmie, na maendete mesĩla Voenisia, na Samalia maimanyĩthya aĩkĩĩi kũu ũndũ Andũ-ma-mbaĩ-ingĩ mambĩĩe kũĩkĩĩa Ngai. Ũvoo ũsu nĩwatanĩthisye aĩkĩĩi kũu mũno. 4Yĩla mavikie Yelũsalemu nĩmathokiw'e nĩ ĩkanisa na atũmwa vamwe na atumĩa, na mamatavya maũndũ onthe ala Ngai ũnamatonyethisye kwĩka. 5Ĩndĩ aĩkĩĩi amwe ala maĩ ma kĩkundi kya Avalisi mookĩla masya atĩĩ, “No nginya Andũ-ma-mbaĩ-ingĩ maĩkawe na maitavw'a mekae ũndũ Mĩao ya Mwose ĩkwasya.”
6Atũmwa na atumĩa nĩmoombanie maoany'e ũndũ ũsu. 7#Meko 10.1-43 Ĩtina wa kũneenany'a mũno, Vetelo nĩwookĩlile amea atĩĩ, “Ana-a-asa, nĩmwĩsĩ kana ĩvinda yĩ na vu ĩtina Ngai nĩwanyuvie kuma katĩ wenyu, nĩtavany'e Ũvoo Mũseo kwa Andũ-ma-mbaĩ-ingĩ mawĩw'e maĩkĩĩe. 8#Meko 2.4; 10.44 Nake Ngai ũla wĩsĩ ngoo sya andũ, oonany'a kana nũmetĩkĩlĩte kwa kũmanenga Veva Mũtheu o ũndũ watũnengie ithyĩ. 9Ndaaĩkĩa kĩvathũkany'o katĩ woo naitũ; nĩwatheisye ngoo syoo nũndũ wa mũĩkĩĩo woo. 10Kwoou ĩndĩ nĩkĩ mũenda kũmũtata Ngai kwa kwaĩkya aĩkĩĩi mũio mũito ũla aaũmae maitũ, o naitũ ene twaemiwe nĩ kũũkua? 11Aiee! Tũĩkĩĩaa kana nĩ kwĩsĩla mumonĩ wa Mwĩai Yesũ twovoaw'a o tondũ mo movoaw'a.”
12Andũ onthe ala maĩ vau nĩmavindisye ki methukĩĩsye Valanava na Vaũlo, makĩmatavya ũvoo wa syama na maũndũ ma kũseng'ya, ala Ngai ũneekie Andũnĩ-ma-mbaĩ-ingĩ kwĩsĩla vala maĩ. 13Mamina kũneena, Yakovo nĩwasũngĩie asya atĩĩ, “Ana-a-asa, kwa mbĩthukĩĩsyei! 14Simioni nĩwatũelesya ũndũ Ngai wambie kwonany'a kana e na vata na Andũ-ma-mbaĩ-ingĩ, kwa kumya andũ katĩ woo methĩwe make. 15Ũndũ ũsu nũkwosana na ndeto sya athani o tondũ kũandĩkĩtwe Maandĩkonĩ Matheu:
16 #
Amo 9.11-12
‘Ĩtina wa maũndũ aa,
ngasyoka ĩngĩ na ngaaka ũsumbĩ wa Ndeviti ũla wavalũkile.
Ngatũngĩĩa kũla waombokie,
na ngawũũngamya ĩngĩ.
17Kwoou andũ ala angĩ onthe makooka kwakwa,
Andũ-ma-mbaĩ-ingĩ ala nĩtĩte matw'ĩke makwa.
18Easya ũu Mwĩai, ũla watumie maũndũ aa mamanyĩka kuma tene.’
19“Kwoou ũtw'ĩo wakwa nyie nĩ kana, tũyaĩlĩte kũnenga Andũ-ma-mbaĩ-ingĩ thĩna ala mamũĩkĩĩaa Ngai. 20#Kuma 34.15-17; Ali 17.10-16; 18.6-23 #Kuma 34.15-17; Ali 17.10-16; 18.6-23 Vandũ va ũu tũmaandĩkĩe valũa tũmeete maikaye syĩndũ ivukĩtw'e nĩkwĩthĩwa ithembeetwe ngai sya mĩvw'anano, na o ta ũu nĩmevetane na molaalai, maikaye nyama sya nyamũ yĩkĩte kwitwa, na maikanyw'e nthakame. 21Nĩkwĩthĩwa kuma tene nthĩnĩ wa kĩla ndũa, Mĩao ya Mwose nĩsomawa nyũmbanĩ sya Ayuti sya kũthaithĩa na kũmbanĩa kĩla mũthenyanĩ wa Savato, na ndeto syake nitavanaw'a.”
Valũa wa Nzama kwa Andũ-ma-mbaĩ-ingĩ ala maĩ Aĩkĩĩi
22Nĩvo ĩndĩ atũmwa, na atumĩa, vamwe na ĩkanisa yonthe moonie nĩ ũseo manyuve andũ amwe katĩ woo, mamatũme Andiokia vamwe na Vaũlo na Valanava. Nĩmanyuvie Yutasi ũla weetawa kwa ĩsyĩtwa yĩngĩ Mbasambasi na Sila namo maĩ atongoi katĩ wa ana-a-asa. 23Nĩmamatũmie na valũa ũũ:
“Ithyĩ, atũmwa na atumĩa, ana-a-ĩthe menyu nĩtwamũkethya inyw'ĩ ana-a-asa, Andũ-ma-mbaĩ-ingĩ ala mwĩ ndũanĩ ya Andiokia, na ala mwĩ nthĩnĩ wa kĩsio kya Silia na kya Silisia. 24Nĩtwĩwie kana andũ amwe kuma kũũ tũĩ ĩndĩ tũtanamatũmĩte, nĩmanamũthokoie na ndeto iũmũya mũtwe. 25Kwoou, ithyonthe nĩtwĩtĩkĩlanile twoona nĩ ũseo tũnyuve andũ tũmatũme kwenyu vamwe na endwa maitũ, Valanava na Vaũlo, 26andũ manenganĩte mathayũ moo kwondũ wa Mwĩai waitũ Yesũ Klĩsto. 27Nĩtwatũma Yutasi na Sila ala namo meũmũtũngĩlĩĩla na kanyw'a maũndũ aa tũandĩkĩte. 28Veva Mũtheu o vamwe naitũ, nĩwonie nĩ ũseo tũikamwaĩkye mũio mũnenange kwĩ maũndũ ala me vata namo nĩmo aa: 29Mũikaye syĩndũ ila ithembeetwe ngai sya mĩvw'anano, na kũnyw'a nthakame, na mũikaye nyama sya nyamũ yĩkĩte kwitwa, na o ta ũu ĩvetanei na molaalai. Ethĩwa mũkeeka maũndũ asu mũkeethĩwa mweeka nesa. Ĩkalai na ũvoo.”
30Andũ asu matũmiwe mamina kũnengwa ũthei wa kũthi nĩmatheeie mathi Andiokia, na meeta wũmbano wa aĩkĩĩi onthe mamanenga valũa ũsu. 31Aĩkĩĩi asu nĩmaũsomie na matana mũno, nũndũ wa ndeto sya kũmathuthya ila syaandĩkĩtwe vo. 32Yutasi na Sila, ala namo maĩ athani nĩmamathuthisye na mamalũlũmĩĩlya na ndeto ingĩ mbingĩ. 33Ĩtina wa kwĩkala kũu vandũ va ĩvinda ĩasa, aĩkĩĩi nĩmameie nĩmasyoke na mũuo kwa ala mamatũmĩte.
[ 34Ĩndĩ Sila asũanĩa kwĩkala kũu.#15.34 Maandĩko amwe ma tene ma Ndeto ya Ngai nĩmatiĩte mũsoa ũũ ]
35Vaũlo na Valanava nĩmatiĩlilwe kũu Andiokia, makĩmanyĩsya na kũtavany'a ndeto ya Mwĩai me na andũ angĩ aingĩ.
Vaũlo na Valanava Maitaanĩsya
36Ĩtina wa mĩthenya yĩana ũndũ mũna, Vaũlo nĩwamwĩie Valanava atĩĩ, “Ũka tũsyoke tũkone aĩkĩĩi kĩla ndũanĩ twaatavany'a ndeto ya Mwĩai, na tũimanya ũndũ maendee.” 37Valanava nĩwendie maendany'e na Yoana ũla weetawa kwa ĩsyĩtwa yĩngĩ Maliko, 38#Meko 13.13 ĩndĩ Vaũlo oona ũte ũseo maendany'e na mũndũ waendie amatia me Vambilia, na ũtaaendeea kwĩthĩwa namo ĩngĩ ũthũkũminĩ. 39Nĩvo ĩndĩ vookĩlile ngusanĩsyo na mataanĩsya. Valanava nĩwoosie Maliko, na malika melinĩ mathi Saivulasi, 40nake Vaũlo anyuva Sila, na aendany'a nake mamina kũnenganwe ũsũvĩonĩ wa mumo wa Mwĩai nĩ aĩkĩĩi. 41Nĩmesĩlile Silia na Silisia malũlũmĩĩlye makanisa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011