Meko 11
11
Vetelo Ainengane Livoti kwa Ĩkanisa ya Yelũsalemu
1Atũmwa na aĩkĩĩi ala angĩ maĩ Yutia, nĩmeewie kana Andũ-ma-mbaĩ-ingĩ o namo nĩmetĩkĩlile ndeto ya Ngai. 2Kwoou yĩla Vetelo wambatie Yelũsalemu, nĩwatũlilwe mũtĩ nĩ andũ ala maĩkĩĩaa maũndũ ma nzaĩko. 3Nĩmamũkũlilye atĩĩ, “Ũnaendie kwa andũ mataĩkawa na waĩsanĩa namo nĩkĩ?” 4Ĩndĩ Vetelo amaelesya kĩla ũndũ aatĩanĩsye amea:
5“Mũthenya ũmwe nĩ Yova ngĩvoya, nĩnakwatiwe nĩ too mwingĩ na noona woni. Woninĩ ũsu nĩnoonie kĩndũ kĩtheete kuma ĩtunĩ kĩilyĩ suka nene ĩkwetwe mĩthya yonthe, na kyatheew'a kyaiwa vakuvĩ nakwa. 6Nĩnakĩketeeie nthĩnĩ na noona nyamũ sya maũũ ana sya kĩthekanĩ, o na ila iĩsaa nyama, na ila itambũkaa na ĩvu, o vamwe na nyũnyi sya yayaya. 7Nĩvo ĩndĩ neewie wasya ũimbĩa atĩĩ, ‘Vetelo, ũkĩla! Ũaa nyamũ isu ũye!’ 8Nakwa nasũngĩa, ‘Aiee, Mwĩai! Ĩvinda o na yĩmwe nyie ndyaaya kĩndũ kĩthũku kana kĩla kĩvukasya.’ 9Ĩndĩ wasya ũsu kuma ĩtunĩ wasyoka wambĩa, ‘Kĩla Ngai ũminĩte kũthesya, ndwaĩlĩte kwasya atĩ nĩ kĩvuku.’ 10Ũndũ ũsu weekĩkie mavinda atatũ, na syĩndũ isu syonthe syambatw'a ĩngĩ ĩtunĩ. 11Saanĩ o ũsu andũ atatũ nĩmavikie nyũmbanĩ ĩla twekalaa matũmĩtwe vala nĩĩ kuma Kaisalea. 12Veva nĩwambĩie nĩnĩendany'e namo vate kwĩkalanga. Ana-a-asa aa thanthatũ me vaa maendanisye nakwa twathi twalika nyũmba kwa Kolineliasi. 13Nĩwatũtavisye ũndũ waĩ aumĩlĩĩlwe nĩ mũlaĩka nyũmbanĩ kwake na kũmwĩa, ‘Tũmana Yova ũketĩwe Simioni ũla wĩtawa Vetelo. 14Ũsu nũkũũtavya ũtũmani ũla ũtuma we vamwe na mũsyĩ waku w'onthe mũtangĩĩwa.’ 15Nambĩĩa kũneena oou, Veva Mũtheu nĩwatheeie ĩũlũ woo, o ũndũ watheeie ĩũlũ waitũ mbeenĩ. 16#Meko 1.5 Vau nĩnalilikanile ũndũ Mwĩai waĩtye: ‘Yoana avatisie andũ na kĩw'ũ, ĩndĩ inyw'ĩ mũkavatiswa na Veva Mũtheu.’ 17Ethĩwa ĩndĩ Ngai amanengie andũ asu mũthĩnzĩo o ũla watũnengie ithyĩ yĩla twamwĩtĩkĩlile Mwĩai Yesũ Klĩsto, nyie yu ninyie ũũ nambĩĩe kũmũsiĩĩa Ngai?”
18Mamina kwĩw'a ndeto isu sya Vetelo nĩmaekie vyũ kũmũtũla mũtĩ, na mamũkumya Ngai mayasya atĩĩ, “Kwoou ĩndĩ Ngai nũnengie Andũ-ma-mbaĩ-ingĩ mwanya wa kwĩlila kwondũ wa naĩ syoo, nĩ kana o namo makwate thayũ!”
Ĩkanisa ya Andiokia
19 #
Meko 8.1-4
Aĩkĩĩi ala manyaĩĩkie nũndũ wa mathĩna ala mambĩĩie ĩtina wa kũawa kwa Sitivini, nĩmaendie ngalĩko sya Voenisia, Saivulasi na Andiokia, matavanĩtye ũvoo ĩũlũ wa Yesũ Klĩsto, ĩndĩ o kwa Ayuti me oka. 20Ĩndĩ katĩ wa aĩkĩĩi asu, vaĩ amwe kuma Saivulasi na angĩ kuma Kũlene, ala mavika Andiokia maneenie na Andũ-ma-mbaĩ-ingĩ#11.20 Andũ-ma-mbaĩ-ingĩ: Maandĩko amwe ma tene ma Ndeto ya Ngai maĩtye Andũ ala maneenaa Kĩkiliki o namo mamatavya Ũvoo Mũseo ĩũlũ wa Mwĩai Yesũ. 21Vinya wa Mwĩai waĩ vamwe namo, na andũ aingĩ mũno nĩmaĩkĩĩie na meenengane kwa Mwĩai.
22Ũvoo ĩũlũ wa ũndũ ũsu nĩwavikĩie ĩkanisa ya Yelũsalemu, nayo yatũma Valanava athi kũu Andiokia. 23Yĩla mavikie kũu na oona ũndũ Ngai ũnengete andũ asu mumo wĩana, nĩwatanie mũno na amathuthya maendee na kũlũmany'a na Mwĩai na ngoo syoo syonthe. 24Valanava aĩ mũndũ mũseo, wausũĩtwe nĩ Veva Mũtheu na waĩ na mũĩkĩĩo mwingĩ, na kwoou andũ aingĩ mũno nĩmakusiw'e mooka kwa Mwĩai.
25Nĩvo ĩndĩ Valanava waendie Taliso akamanthe Saũlo, 26na yĩla wamwonie amũete Andiokia. Me elĩ nĩmekalile na athaithi ma ĩkanisa yĩu vandũ va mwaka mũima, na mamanyĩsya kĩkundi kĩnene kya andũ. Kũu Andiokia nĩkw'o aĩkĩĩi kwa ĩvinda ya mbee meetiwe Aklĩsto.
27Ĩvindanĩ o yĩu, athani amwe nĩmookie Andiokia maumĩte Yelũsalemu. 28#Meko 21.10 Ũmwe woo weetawa Akambusi, nĩwookĩlile athana kwa vinya wa Veva Mũtheu, kana kũkeethĩwa na yũa ĩnene nthĩ yonthe. (Yũa yĩu yeethĩiwe yĩla Kĩlaũndiasi waĩ mũsumbĩ wa Loma.)#11.28 Yĩla Kĩlaũndiasi waĩ mũsumbĩ: Nĩ 41-54 ĩtina wa kũsyawa kwa Klĩsto 29Amanyĩw'a ala maĩ Andiokia nĩmasũanĩie matw'a kana kĩla ũmwe woo, kwĩanana na ũtonyi wake, nĩanengane ũtethyo kwa aĩkĩĩi ala matwĩe Yutia. 30Nĩmeekie ũu na manenga Valanava na Saũlo ũtethyo ũsu matwaĩa atumĩa ma ĩkanisa Yelũsalemu.
Currently Selected:
Meko 11: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 11
11
Vetelo Ainengane Livoti kwa Ĩkanisa ya Yelũsalemu
1Atũmwa na aĩkĩĩi ala angĩ maĩ Yutia, nĩmeewie kana Andũ-ma-mbaĩ-ingĩ o namo nĩmetĩkĩlile ndeto ya Ngai. 2Kwoou yĩla Vetelo wambatie Yelũsalemu, nĩwatũlilwe mũtĩ nĩ andũ ala maĩkĩĩaa maũndũ ma nzaĩko. 3Nĩmamũkũlilye atĩĩ, “Ũnaendie kwa andũ mataĩkawa na waĩsanĩa namo nĩkĩ?” 4Ĩndĩ Vetelo amaelesya kĩla ũndũ aatĩanĩsye amea:
5“Mũthenya ũmwe nĩ Yova ngĩvoya, nĩnakwatiwe nĩ too mwingĩ na noona woni. Woninĩ ũsu nĩnoonie kĩndũ kĩtheete kuma ĩtunĩ kĩilyĩ suka nene ĩkwetwe mĩthya yonthe, na kyatheew'a kyaiwa vakuvĩ nakwa. 6Nĩnakĩketeeie nthĩnĩ na noona nyamũ sya maũũ ana sya kĩthekanĩ, o na ila iĩsaa nyama, na ila itambũkaa na ĩvu, o vamwe na nyũnyi sya yayaya. 7Nĩvo ĩndĩ neewie wasya ũimbĩa atĩĩ, ‘Vetelo, ũkĩla! Ũaa nyamũ isu ũye!’ 8Nakwa nasũngĩa, ‘Aiee, Mwĩai! Ĩvinda o na yĩmwe nyie ndyaaya kĩndũ kĩthũku kana kĩla kĩvukasya.’ 9Ĩndĩ wasya ũsu kuma ĩtunĩ wasyoka wambĩa, ‘Kĩla Ngai ũminĩte kũthesya, ndwaĩlĩte kwasya atĩ nĩ kĩvuku.’ 10Ũndũ ũsu weekĩkie mavinda atatũ, na syĩndũ isu syonthe syambatw'a ĩngĩ ĩtunĩ. 11Saanĩ o ũsu andũ atatũ nĩmavikie nyũmbanĩ ĩla twekalaa matũmĩtwe vala nĩĩ kuma Kaisalea. 12Veva nĩwambĩie nĩnĩendany'e namo vate kwĩkalanga. Ana-a-asa aa thanthatũ me vaa maendanisye nakwa twathi twalika nyũmba kwa Kolineliasi. 13Nĩwatũtavisye ũndũ waĩ aumĩlĩĩlwe nĩ mũlaĩka nyũmbanĩ kwake na kũmwĩa, ‘Tũmana Yova ũketĩwe Simioni ũla wĩtawa Vetelo. 14Ũsu nũkũũtavya ũtũmani ũla ũtuma we vamwe na mũsyĩ waku w'onthe mũtangĩĩwa.’ 15Nambĩĩa kũneena oou, Veva Mũtheu nĩwatheeie ĩũlũ woo, o ũndũ watheeie ĩũlũ waitũ mbeenĩ. 16#Meko 1.5 Vau nĩnalilikanile ũndũ Mwĩai waĩtye: ‘Yoana avatisie andũ na kĩw'ũ, ĩndĩ inyw'ĩ mũkavatiswa na Veva Mũtheu.’ 17Ethĩwa ĩndĩ Ngai amanengie andũ asu mũthĩnzĩo o ũla watũnengie ithyĩ yĩla twamwĩtĩkĩlile Mwĩai Yesũ Klĩsto, nyie yu ninyie ũũ nambĩĩe kũmũsiĩĩa Ngai?”
18Mamina kwĩw'a ndeto isu sya Vetelo nĩmaekie vyũ kũmũtũla mũtĩ, na mamũkumya Ngai mayasya atĩĩ, “Kwoou ĩndĩ Ngai nũnengie Andũ-ma-mbaĩ-ingĩ mwanya wa kwĩlila kwondũ wa naĩ syoo, nĩ kana o namo makwate thayũ!”
Ĩkanisa ya Andiokia
19 #
Meko 8.1-4
Aĩkĩĩi ala manyaĩĩkie nũndũ wa mathĩna ala mambĩĩie ĩtina wa kũawa kwa Sitivini, nĩmaendie ngalĩko sya Voenisia, Saivulasi na Andiokia, matavanĩtye ũvoo ĩũlũ wa Yesũ Klĩsto, ĩndĩ o kwa Ayuti me oka. 20Ĩndĩ katĩ wa aĩkĩĩi asu, vaĩ amwe kuma Saivulasi na angĩ kuma Kũlene, ala mavika Andiokia maneenie na Andũ-ma-mbaĩ-ingĩ#11.20 Andũ-ma-mbaĩ-ingĩ: Maandĩko amwe ma tene ma Ndeto ya Ngai maĩtye Andũ ala maneenaa Kĩkiliki o namo mamatavya Ũvoo Mũseo ĩũlũ wa Mwĩai Yesũ. 21Vinya wa Mwĩai waĩ vamwe namo, na andũ aingĩ mũno nĩmaĩkĩĩie na meenengane kwa Mwĩai.
22Ũvoo ĩũlũ wa ũndũ ũsu nĩwavikĩie ĩkanisa ya Yelũsalemu, nayo yatũma Valanava athi kũu Andiokia. 23Yĩla mavikie kũu na oona ũndũ Ngai ũnengete andũ asu mumo wĩana, nĩwatanie mũno na amathuthya maendee na kũlũmany'a na Mwĩai na ngoo syoo syonthe. 24Valanava aĩ mũndũ mũseo, wausũĩtwe nĩ Veva Mũtheu na waĩ na mũĩkĩĩo mwingĩ, na kwoou andũ aingĩ mũno nĩmakusiw'e mooka kwa Mwĩai.
25Nĩvo ĩndĩ Valanava waendie Taliso akamanthe Saũlo, 26na yĩla wamwonie amũete Andiokia. Me elĩ nĩmekalile na athaithi ma ĩkanisa yĩu vandũ va mwaka mũima, na mamanyĩsya kĩkundi kĩnene kya andũ. Kũu Andiokia nĩkw'o aĩkĩĩi kwa ĩvinda ya mbee meetiwe Aklĩsto.
27Ĩvindanĩ o yĩu, athani amwe nĩmookie Andiokia maumĩte Yelũsalemu. 28#Meko 21.10 Ũmwe woo weetawa Akambusi, nĩwookĩlile athana kwa vinya wa Veva Mũtheu, kana kũkeethĩwa na yũa ĩnene nthĩ yonthe. (Yũa yĩu yeethĩiwe yĩla Kĩlaũndiasi waĩ mũsumbĩ wa Loma.)#11.28 Yĩla Kĩlaũndiasi waĩ mũsumbĩ: Nĩ 41-54 ĩtina wa kũsyawa kwa Klĩsto 29Amanyĩw'a ala maĩ Andiokia nĩmasũanĩie matw'a kana kĩla ũmwe woo, kwĩanana na ũtonyi wake, nĩanengane ũtethyo kwa aĩkĩĩi ala matwĩe Yutia. 30Nĩmeekie ũu na manenga Valanava na Saũlo ũtethyo ũsu matwaĩa atumĩa ma ĩkanisa Yelũsalemu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011