Meko 10
10
Vetelo Aitavya Kolineliasi Ũvoo Mũseo
1Kwaĩ mũndũ ũmwe ndũanĩ ya Kaisalea weetawa Kolineliasi, waĩ mũnene wa kĩkundi kya asikalĩ ĩana kyeetawa, “Kĩkundi kya Italĩa.” 2We mwene vamwe na andũ onthe ma nyũmba yake maĩ athaithi me kĩthito, na me kĩkĩo kya Ngai. Nĩwatethasya ngya mũno kwa ũlau na nĩwavoyaa Ngai ateũtĩĩa. 3Mũthenya ũmwe vaa kĩndũ saa kenda, Kolineliasi nĩweethĩiwe na woni, oona nesa vyũ mũlaĩka wa Ngai ooka vala ũĩ na amwĩta, “Kolineliasi!”
4Nake amũketeea e na w'ĩa na amwĩa atĩĩ, “Wĩasya ata Mwĩai?”
Mũlaĩka ũsu amwĩa atĩĩ, “Ngai nĩwĩw'ĩte mboya syaku na nĩwonete motethyo ala ũnengae ngya. 5Yu tũma andũ mathi Yova makete mũndũ ũmwe wĩtawa Simioni na ĩsyĩtwa yĩngĩ nĩ Vetelo. 6Ekalaa na mũndũ ũmwe wĩtawa Simioni, mũseũvya wa ithuma na nyũmba yake yĩ ũtee wa ũkanga.” 7Mũlaĩka ũsu wanenaa nake amina kũthi, Kolineliasi nĩweetie athũkũmi elĩ make ma nyũmba, na mũsikalĩ ũmwe wake katĩ wa ala mamũthũkũmaa kĩla mũthenya, na waĩ mũthaithi wĩ kĩthito. 8Nĩwamatavisye maũndũ onthe ala maĩ maneekĩka, na amatũma mathi Yova.
9Ũnĩ ũsu, andũ asu me o kyalonĩ ĩndĩ makilĩlyĩ kũvika Yova, Vetelo nĩwalĩsile kĩalanĩ ĩũlũ akavoye vaa kĩndũ saa sita sya mũthenya. 10Nĩwakwatiwe nĩ nzaa na enda kũya. Lĩu ũendee na kũuwa, Vetelo nĩwakomie too mũnene na eethĩwa na woni. 11Nĩwoonie ĩtu yĩ ĩvingũe, na kĩndũ kĩtheete kĩilyĩ suka nene ĩkwetwe mĩthya yonthe. 12Nthĩnĩ wa suka ĩsu, vaĩ mĩthemba yonthe ya nyamũ: Nyamũ ila syĩ maũũ ana, ila itambũkaa na ĩvu, na nyũnyi sya yayaya. 13Vetelo nĩweewie wasya ũũmwĩa, “Vetelo, ũkĩla! Ũaa nyamũ isu ũye.”
14Ĩndĩ Vetelo asũngĩa, “Aiee Mwĩai, ĩvinda o na yĩmwe nyie ndyaaya kĩndũ kĩthũku kana kĩla kĩvukasya.”
15Vetelo nĩweewie wasya ũsu ĩngĩ ũimwĩa, “Kĩla Ngai ũminĩte kũthesya ndwaĩlĩte kwasya atĩ nĩ kĩvuku.” 16Ũndũ ũsu weekĩkie mavinda atatũ, na o vau kwa vau ĩla suka yambatw'a ĩtunĩ.
17Vetelo aendee na kũsaanĩw'a nĩ kĩla kĩũwetwa nĩ ũla woni waĩ naw'o, ala andũ matũmĩtwe nĩ Kolineliasi nĩmaĩ manamanya vala nyũmba ya Simioni yaĩ, na yu maũngeme mũvĩanĩ. 18Nĩmeetanie makũlya kana Simioni ũla wĩtawa Vetelo ekalaa kũu.
19Vetelo o aendee na kũsũanĩa ĩũlũ wa ũla woni, Veva nĩwamwĩie, “Ĩthukĩĩsye! Ve andũ atatũ#10.19 atatũ: Maandĩko amwe ma tene maĩtye elĩ, na angĩ makasya amwe me vaa maikũmantha. 20Kwoou ũkĩla ũthee na ũiendany'a namo ũtekwĩkalanga; ninyie nĩmatũmĩte.”
21Vetelo nĩwatheeie kũu kwĩ andũ asu na amea atĩĩ, “Ninyie ũla mũũmantha; nĩ kyaũ kyamũete kũũ?”
22Namo mamũsũngĩa, “Mũnene ũmwe wa kĩkundi kya asikalĩ ĩana wĩtawa Kolineliasi, mũndũ mwaĩlu na wĩ kĩkĩo kya Ngai na ũnengetwe ndaĩa mũno nĩ Ayuti onthe, nũneeiwe nĩ mũlaĩka wa Ngai nĩakũtũmane ũthi mũsyĩ kwake, nĩ kana akew'e kĩla wĩ nakyo kya kũweta.” 23Kwoou Vetelo amathokya malike nyũmba, na makomela kũu ũtukũ ũsu.
Vetelo e Mũsyĩ kwa Kolineliasi
Ũnĩ ũsu Vetelo nĩwambĩĩie kyalo vamwe na ala andũ, na aĩkĩĩi amwe ma kũu Yova maendany'a nake. 24Mũthenya ũla waatĩĩe nĩmavikie Kaisalea. Kolineliasi nĩwameteelete, na nĩ waĩ ombanĩtye andũ ma mũsyĩ woo na anyanyae. 25Vetelo ailika mũsyĩ oou, Kolineliasi nĩwamũthaũie na atulya ndu vakuvĩ na maũũ make amũthaithe. 26Ĩndĩ Vetelo amũkĩlya aimwĩa atĩĩ, “Ũngama; nyie nĩ o mũndũ taku.” 27Vetelo nĩwaendie aeete ngewa na Kolineliasi alika nyũmba, na avethĩa andũ aingĩ mũno mombanĩe vo. 28Nĩwameie atĩĩ, “Inyw'ĩ nĩmwĩsĩ nesa kana Mũyuti ndetĩkĩlĩtw'e kũvulana kana kũthokea mũndũ wa mbaĩ ĩngĩ. Ĩndĩ Ngai nũmbonisye kana ndyaĩlĩte kwasya mũndũ o na wĩva nĩ mũthũku kana nĩ mũvuku. 29Kwoou yĩla ndũmaniwe, nũkie vate kũkananĩa. Yu ĩndĩ nĩngũkũlya nĩtavw'e mwĩndũmanĩaa kĩ.”
30Kolineliasi nĩwookĩlile asya atĩĩ, “Mĩthenya ĩna mĩvĩtũku, saa ta isu tũĩ, saa kenda, naĩ nyũmbanĩ kwakwa ngĩvoya. Nĩnoonie kwa mĩtũkĩ mũndũ aũngama mbee wakwa weekĩĩte ngũa ĩkũtisatisa, 31na ambĩa atĩĩ, ‘Kolineliasi, Ngai nĩwĩw'ĩte mboya syaku na nĩwonete motethyo ala ũnengae ngya. 32Tũmana ĩndĩ yu ndũanĩ ya Yova ũketĩwe Simioni ũla wĩtawa Vetelo; ekalaa na mũndũ ũmwe wĩtawa Simioni, mũseũvya wa ithuma ũtwĩe ũtee wa ĩia.’ 33Kwoou nĩnĩnakũtũmanie kwa mĩtũkĩ, naku weeka nesa mũno kũka. Yu ĩndĩ ithyonthe nithyĩ aa vaa mbee wa Ngai, twĩw'e kyonthe kĩla Mwĩai ũkwĩaĩĩte ũtavany'e.”
Ũneeni wa Vetelo
34 #
Kũt 10.17
Nĩvo ĩndĩ Vetelo wambĩĩie kũneena asya atĩĩ, “Yu nĩnamanya w'o kana Ngai ti mwendeesya wa andũ; 35etĩkĩlaa mũndũ o na ethĩwa nĩ wa mbaĩ yĩva, ũla ũmũkĩaa na wĩkaa ũla waĩlu. 36Inyw'ĩ nĩmwĩsĩ ũtũmani ũla Ngai wanengie andũ ma Ĩsilaeli, aitavany'a Ũvoo Mũseo wa mũuo kwĩsĩla kwa Yesũ Klĩsto, ũla nĩ Mwĩai wa andũ onthe. 37Nĩmwĩsĩ nesa vyũ ũndũ mũnene ũla weekĩkie nthĩ yonthe ya Yutia, kwambĩĩa Kalilii ĩtina wa ũvatiso ũla Yoana watavanasya; 38ũndũ Ngai wamũnyuvie Yesũ kuma Nasaleti na amũnenge Veva Mũtheu na ũtonyi, na ũndũ Yesũ waendie kĩla vandũ ayĩka andũ nesa, na kũvosya ala mavinyĩĩtwe nĩ Satani, nĩkwĩthĩwa Ngai aĩ vamwe nake. 39Ithyĩ twĩ ngũsĩ sya maũndũ onthe ala weekie nthĩ ya Ayuti na mũsyĩnĩ wa Yelũsalemu. Nĩmamũaie kwa kũmwamba ngelany'onĩ, 40ĩndĩ nake Ngai amũthayũũkya ĩtina wa mĩthenya ĩtatũ. Ngai nĩwamumĩlilye, 41o na kau ti kwa andũ onthe, ĩndĩ o kwitũ ithyĩ ala wanyuvie twĩthĩwe ngũsĩ; ithyĩ ala twaĩsanĩie na twanyusanĩa nake amina kũthayũũka kuma kwa akw'ũ. 42Nĩwatwĩaĩie tũtavye andũ Ũvoo Mũseo, na tũikũsĩĩa kana nĩwe ũnyuvĩtwe nĩ Ngai asilĩlae ala me thayũ na ala akw'ũ. 43Athani onthe maneenie ĩũlũ wa Yesũ masya kana mũndũ o na wĩva ũla wĩmũĩkĩĩa, akaekewa naĩ syake kwĩsĩla ĩsyĩtwanĩ yake.”
44Vetelo o aendee na kũneena ũu, Veva Mũtheu nĩwatheeie ĩũlũ wa andũ onthe ala meethukĩĩasya ndeto isu. 45Aĩkĩĩi ala maĩ Ayuti, ala mookanĩtye na Vetelo kuma Yova, nĩmaseng'ie mũno moona Andũ-ma-mbaĩ-ingĩ o namo manengwa Veva Mũtheu, nake nĩ mũthĩnzĩo kuma kwa Ngai, 46nũndũ nĩmamewie maineena na ithyomo na kũmũkatha Ngai. 47Nĩvo ĩndĩ Vetelo wakũlilye atĩĩ, “Ve mũndũ ũtonya kũsiĩĩa andũ aa maivatiswa na kĩw'ũ na nĩmanengwa Veva Mũtheu o taitũ?” 48Kwoou Vetelo nĩweeaie mavatiswe ĩsyĩtwanĩ ya Yesũ Klĩsto. Nĩvo ĩndĩ andũ asu mamwĩsũvie Vetelo ekalange namo vandũ va ĩvinda yĩana ũndũ mũna.
Currently Selected:
Meko 10: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 10
10
Vetelo Aitavya Kolineliasi Ũvoo Mũseo
1Kwaĩ mũndũ ũmwe ndũanĩ ya Kaisalea weetawa Kolineliasi, waĩ mũnene wa kĩkundi kya asikalĩ ĩana kyeetawa, “Kĩkundi kya Italĩa.” 2We mwene vamwe na andũ onthe ma nyũmba yake maĩ athaithi me kĩthito, na me kĩkĩo kya Ngai. Nĩwatethasya ngya mũno kwa ũlau na nĩwavoyaa Ngai ateũtĩĩa. 3Mũthenya ũmwe vaa kĩndũ saa kenda, Kolineliasi nĩweethĩiwe na woni, oona nesa vyũ mũlaĩka wa Ngai ooka vala ũĩ na amwĩta, “Kolineliasi!”
4Nake amũketeea e na w'ĩa na amwĩa atĩĩ, “Wĩasya ata Mwĩai?”
Mũlaĩka ũsu amwĩa atĩĩ, “Ngai nĩwĩw'ĩte mboya syaku na nĩwonete motethyo ala ũnengae ngya. 5Yu tũma andũ mathi Yova makete mũndũ ũmwe wĩtawa Simioni na ĩsyĩtwa yĩngĩ nĩ Vetelo. 6Ekalaa na mũndũ ũmwe wĩtawa Simioni, mũseũvya wa ithuma na nyũmba yake yĩ ũtee wa ũkanga.” 7Mũlaĩka ũsu wanenaa nake amina kũthi, Kolineliasi nĩweetie athũkũmi elĩ make ma nyũmba, na mũsikalĩ ũmwe wake katĩ wa ala mamũthũkũmaa kĩla mũthenya, na waĩ mũthaithi wĩ kĩthito. 8Nĩwamatavisye maũndũ onthe ala maĩ maneekĩka, na amatũma mathi Yova.
9Ũnĩ ũsu, andũ asu me o kyalonĩ ĩndĩ makilĩlyĩ kũvika Yova, Vetelo nĩwalĩsile kĩalanĩ ĩũlũ akavoye vaa kĩndũ saa sita sya mũthenya. 10Nĩwakwatiwe nĩ nzaa na enda kũya. Lĩu ũendee na kũuwa, Vetelo nĩwakomie too mũnene na eethĩwa na woni. 11Nĩwoonie ĩtu yĩ ĩvingũe, na kĩndũ kĩtheete kĩilyĩ suka nene ĩkwetwe mĩthya yonthe. 12Nthĩnĩ wa suka ĩsu, vaĩ mĩthemba yonthe ya nyamũ: Nyamũ ila syĩ maũũ ana, ila itambũkaa na ĩvu, na nyũnyi sya yayaya. 13Vetelo nĩweewie wasya ũũmwĩa, “Vetelo, ũkĩla! Ũaa nyamũ isu ũye.”
14Ĩndĩ Vetelo asũngĩa, “Aiee Mwĩai, ĩvinda o na yĩmwe nyie ndyaaya kĩndũ kĩthũku kana kĩla kĩvukasya.”
15Vetelo nĩweewie wasya ũsu ĩngĩ ũimwĩa, “Kĩla Ngai ũminĩte kũthesya ndwaĩlĩte kwasya atĩ nĩ kĩvuku.” 16Ũndũ ũsu weekĩkie mavinda atatũ, na o vau kwa vau ĩla suka yambatw'a ĩtunĩ.
17Vetelo aendee na kũsaanĩw'a nĩ kĩla kĩũwetwa nĩ ũla woni waĩ naw'o, ala andũ matũmĩtwe nĩ Kolineliasi nĩmaĩ manamanya vala nyũmba ya Simioni yaĩ, na yu maũngeme mũvĩanĩ. 18Nĩmeetanie makũlya kana Simioni ũla wĩtawa Vetelo ekalaa kũu.
19Vetelo o aendee na kũsũanĩa ĩũlũ wa ũla woni, Veva nĩwamwĩie, “Ĩthukĩĩsye! Ve andũ atatũ#10.19 atatũ: Maandĩko amwe ma tene maĩtye elĩ, na angĩ makasya amwe me vaa maikũmantha. 20Kwoou ũkĩla ũthee na ũiendany'a namo ũtekwĩkalanga; ninyie nĩmatũmĩte.”
21Vetelo nĩwatheeie kũu kwĩ andũ asu na amea atĩĩ, “Ninyie ũla mũũmantha; nĩ kyaũ kyamũete kũũ?”
22Namo mamũsũngĩa, “Mũnene ũmwe wa kĩkundi kya asikalĩ ĩana wĩtawa Kolineliasi, mũndũ mwaĩlu na wĩ kĩkĩo kya Ngai na ũnengetwe ndaĩa mũno nĩ Ayuti onthe, nũneeiwe nĩ mũlaĩka wa Ngai nĩakũtũmane ũthi mũsyĩ kwake, nĩ kana akew'e kĩla wĩ nakyo kya kũweta.” 23Kwoou Vetelo amathokya malike nyũmba, na makomela kũu ũtukũ ũsu.
Vetelo e Mũsyĩ kwa Kolineliasi
Ũnĩ ũsu Vetelo nĩwambĩĩie kyalo vamwe na ala andũ, na aĩkĩĩi amwe ma kũu Yova maendany'a nake. 24Mũthenya ũla waatĩĩe nĩmavikie Kaisalea. Kolineliasi nĩwameteelete, na nĩ waĩ ombanĩtye andũ ma mũsyĩ woo na anyanyae. 25Vetelo ailika mũsyĩ oou, Kolineliasi nĩwamũthaũie na atulya ndu vakuvĩ na maũũ make amũthaithe. 26Ĩndĩ Vetelo amũkĩlya aimwĩa atĩĩ, “Ũngama; nyie nĩ o mũndũ taku.” 27Vetelo nĩwaendie aeete ngewa na Kolineliasi alika nyũmba, na avethĩa andũ aingĩ mũno mombanĩe vo. 28Nĩwameie atĩĩ, “Inyw'ĩ nĩmwĩsĩ nesa kana Mũyuti ndetĩkĩlĩtw'e kũvulana kana kũthokea mũndũ wa mbaĩ ĩngĩ. Ĩndĩ Ngai nũmbonisye kana ndyaĩlĩte kwasya mũndũ o na wĩva nĩ mũthũku kana nĩ mũvuku. 29Kwoou yĩla ndũmaniwe, nũkie vate kũkananĩa. Yu ĩndĩ nĩngũkũlya nĩtavw'e mwĩndũmanĩaa kĩ.”
30Kolineliasi nĩwookĩlile asya atĩĩ, “Mĩthenya ĩna mĩvĩtũku, saa ta isu tũĩ, saa kenda, naĩ nyũmbanĩ kwakwa ngĩvoya. Nĩnoonie kwa mĩtũkĩ mũndũ aũngama mbee wakwa weekĩĩte ngũa ĩkũtisatisa, 31na ambĩa atĩĩ, ‘Kolineliasi, Ngai nĩwĩw'ĩte mboya syaku na nĩwonete motethyo ala ũnengae ngya. 32Tũmana ĩndĩ yu ndũanĩ ya Yova ũketĩwe Simioni ũla wĩtawa Vetelo; ekalaa na mũndũ ũmwe wĩtawa Simioni, mũseũvya wa ithuma ũtwĩe ũtee wa ĩia.’ 33Kwoou nĩnĩnakũtũmanie kwa mĩtũkĩ, naku weeka nesa mũno kũka. Yu ĩndĩ ithyonthe nithyĩ aa vaa mbee wa Ngai, twĩw'e kyonthe kĩla Mwĩai ũkwĩaĩĩte ũtavany'e.”
Ũneeni wa Vetelo
34 #
Kũt 10.17
Nĩvo ĩndĩ Vetelo wambĩĩie kũneena asya atĩĩ, “Yu nĩnamanya w'o kana Ngai ti mwendeesya wa andũ; 35etĩkĩlaa mũndũ o na ethĩwa nĩ wa mbaĩ yĩva, ũla ũmũkĩaa na wĩkaa ũla waĩlu. 36Inyw'ĩ nĩmwĩsĩ ũtũmani ũla Ngai wanengie andũ ma Ĩsilaeli, aitavany'a Ũvoo Mũseo wa mũuo kwĩsĩla kwa Yesũ Klĩsto, ũla nĩ Mwĩai wa andũ onthe. 37Nĩmwĩsĩ nesa vyũ ũndũ mũnene ũla weekĩkie nthĩ yonthe ya Yutia, kwambĩĩa Kalilii ĩtina wa ũvatiso ũla Yoana watavanasya; 38ũndũ Ngai wamũnyuvie Yesũ kuma Nasaleti na amũnenge Veva Mũtheu na ũtonyi, na ũndũ Yesũ waendie kĩla vandũ ayĩka andũ nesa, na kũvosya ala mavinyĩĩtwe nĩ Satani, nĩkwĩthĩwa Ngai aĩ vamwe nake. 39Ithyĩ twĩ ngũsĩ sya maũndũ onthe ala weekie nthĩ ya Ayuti na mũsyĩnĩ wa Yelũsalemu. Nĩmamũaie kwa kũmwamba ngelany'onĩ, 40ĩndĩ nake Ngai amũthayũũkya ĩtina wa mĩthenya ĩtatũ. Ngai nĩwamumĩlilye, 41o na kau ti kwa andũ onthe, ĩndĩ o kwitũ ithyĩ ala wanyuvie twĩthĩwe ngũsĩ; ithyĩ ala twaĩsanĩie na twanyusanĩa nake amina kũthayũũka kuma kwa akw'ũ. 42Nĩwatwĩaĩie tũtavye andũ Ũvoo Mũseo, na tũikũsĩĩa kana nĩwe ũnyuvĩtwe nĩ Ngai asilĩlae ala me thayũ na ala akw'ũ. 43Athani onthe maneenie ĩũlũ wa Yesũ masya kana mũndũ o na wĩva ũla wĩmũĩkĩĩa, akaekewa naĩ syake kwĩsĩla ĩsyĩtwanĩ yake.”
44Vetelo o aendee na kũneena ũu, Veva Mũtheu nĩwatheeie ĩũlũ wa andũ onthe ala meethukĩĩasya ndeto isu. 45Aĩkĩĩi ala maĩ Ayuti, ala mookanĩtye na Vetelo kuma Yova, nĩmaseng'ie mũno moona Andũ-ma-mbaĩ-ingĩ o namo manengwa Veva Mũtheu, nake nĩ mũthĩnzĩo kuma kwa Ngai, 46nũndũ nĩmamewie maineena na ithyomo na kũmũkatha Ngai. 47Nĩvo ĩndĩ Vetelo wakũlilye atĩĩ, “Ve mũndũ ũtonya kũsiĩĩa andũ aa maivatiswa na kĩw'ũ na nĩmanengwa Veva Mũtheu o taitũ?” 48Kwoou Vetelo nĩweeaie mavatiswe ĩsyĩtwanĩ ya Yesũ Klĩsto. Nĩvo ĩndĩ andũ asu mamwĩsũvie Vetelo ekalange namo vandũ va ĩvinda yĩana ũndũ mũna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011