2Ako Ũelesyo wa ĩvuku Yĩĩ
Ũelesyo wa ĩvuku Yĩĩ
Valũa wa kelĩ wa Vaũlo kwa Akolintho waandĩkiwe ĩvindanĩ vaĩ thĩna katĩ wake na ĩkanisa yĩu. Andũ amwe ma ĩkanisa yĩu nĩmamũneeneaa naĩ mũno, ĩndĩ valũanĩ ũu Vaũlo nũkwenda mũno methĩwe na kwĩw'ana, na nũkũtana mũno mavikĩa mwĩw'ano ũsu.
Nthĩnĩ wa ilungu sya mbee sya Valũa ũũ, Vaũlo aneenete ĩũlũ wa mwĩkalanĩlye wake na ĩkanisa ya Kolintho, ayĩelesya kĩla kĩtumĩte atũmĩa ndeto ngito kũsũngĩa kũumangwa kwake na kũkitwa nĩ ĩkanisa, na o ta ũu ayonany'a ũtanu wake nũndũ wa kwĩthĩwa ndeto isu nĩsyatumie andũ melila na kwĩw'ana. Nĩvo ĩndĩ ũsyokete akakũlya ĩkanisa yĩu yumye na ũlau mũvothi wa kũtethya Aklĩsto ma Yutia, ala maĩ na vata wa ũtethyo. Ilungunĩ sya mũthya, Vaũlo nũteteete ũthũkũmi wake ta mũtũmwa kumana na andũ avũthũ ma Kolintho, ala maasya kana nĩmo atũmwa maw'o, na kwasya Vaũlo nĩ mũtũmwa ũte wa w'o.
Maũndũ ala me Ĩvukunĩ Yĩĩ
Ndeto sya mbee 1.1-11
Vaũlo na ĩkanisa ya Kolintho 1.12—7.16
Mũvothi kwondũ wa Aklĩsto ma Yutia 8.1—9.15
Vaũlo ayonany'a kana kwa w'o we nĩ mũtũmwa 10.1—13.10
Mũminũkĩlyo 13.11-13
Currently Selected:
2Ako Ũelesyo wa ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011