2Ako 4
4
Ũthwii wa Kĩ-veva wĩ Mĩionĩ ya Yũmba
1Nũndũ wa kwĩthĩwa Ngai kwa tei wake nũtũnengete ũthũkũmi ũũ, tũikusaa ngoo. 2Nĩtũekanĩte vyũ na maũndũ onthe ala me nthoni na ma kĩmbithĩ; tũitũmĩaa ũkengani kana kũthyoekya ndeto ya Ngai. Ĩndĩ kwa kũneena ũla w'o ũtheinĩ mbee wa Ngai, nĩtũkwĩkwatya kana kĩla mũndũ nũkwĩthĩwa na mosũanĩo maseo ĩũlũ waitũ. 3O na ethĩwa Ũvoo Mũseo ũla tũtavanasya nĩmũvw'ĩke kĩtambaa, ũvw'ĩkĩtwe kwa ala maendee na kwaa. 4Maitonya kũĩkĩĩa nũndũ ĩla ngai ya nthĩ ĩno nĩyĩkĩĩte mbindu ilĩkonĩ syoo, nĩ kana maikone kyeni kya Ũvoo Mũseo ĩũlũ wa ũkumyo wa Klĩsto, ũla nĩwe wũmbo wa Ngai mwene. 5Nĩkwĩthĩwa tũikũtavany'a ĩũlũ waitũ ithyĩ ene; twĩtavany'a ĩũlũ wa Yesũ Klĩsto kana nĩwe Mwĩai, naitũ twĩ athũkũmi menyu kwondũ wa Yesũ. 6#Mwa 1.3 Ngai ũla waisye, “Kyeni kĩkakena kuma kĩvindunĩ,” nowe ũkenetye kyeni kyake ngoonĩ sitũ, nĩ kana kĩtũnenge ũmanyi wa ũkumyo wa Ngai, ũla ũkenaa ũthyũnĩ wa Yesũ Klĩsto.
7Ĩndĩ ithyĩ ala twĩ na ũthwii ũũ wa kĩ-veva, tũilyĩ o ta mĩio ya yũmba, kwonany'a kana ũtonyi ũũ mũnene ndumaa kwitũ, ĩndĩ wumaa kwa Ngai. 8Nĩtũkwataa mathĩna kuma kĩla ngalĩko, ĩndĩ tũisindawa; nĩtũsaanĩaw'a twĩĩka ata, ĩndĩ tũyĩkasya ngoo. 9Nĩtũthĩnaw'a nĩ andũ, ĩndĩ Ngai ndatũtiaa; nĩtũkũnawa mũno, ĩndĩ tũyũaawa. 10Kĩla ĩvinda twĩthĩawa tũkuĩte kĩkw'ũ kya Yesũ mĩĩnĩ yaitũ, nĩ kana thayũ wake o naw'o ũtonye kwoneka mĩĩnĩ yaitũ. 11Ĩĩ, matukũnĩ onthe ma thayũ witũ, twĩkalaa twĩ mũisyonĩ wa kĩkw'ũ kwondũ wa Yesũ, nĩ kana thayũ wa Yesũ woneke nthĩnĩ wa mwĩĩ ũũ witũ ũkusaa. 12Kwoou kĩkw'ũ nĩkĩũtethya wĩa nthĩnĩ waitũ, ĩndĩ thayũ naw'o wĩtethya wĩa nthĩnĩ wenyu.
13 #
Sav 116.10
Maandĩko Matheu maĩtye, “Nĩnaĩkĩĩie na kwoou nĩnaneenie.” Ithyĩ o naitũ twĩ na veva o ũsu wa mũĩkĩĩo, nĩtũkũĩkĩĩa na kwoou nĩtũũneena. 14Nĩtwĩsĩ kana Ngai ũla wamũthayũũkisye Mwĩai Yesũ, akatũthayũũkya ithyĩ o naitũ, o tondũ wamũthayũũkisye Yesũ, na kũtũtwaa mbee wake vamwe nenyu. 15Ũu w'onthe nĩ kwondũ wenyu, nĩ kana o ũndũ mumo wa Ngai ũendee na kũvikĩa andũ aingĩ mbee na mbee, o nasyo mboya sya kũtũnga mũvea syongeleke kwa kũmũkumya Ngai.
Kwĩkalaa Thayũ kwa Mũĩkĩĩo
16Kwoou tũikusaa ngoo. O na kau mĩĩ yaitũ ĩendeeaa na kũthela vinya o kavola kwa kavola, thayũ witũ ũendeeaa na kwongeleka vinya mũthenya kwa mũthenya. 17Tũthĩna tũũ tũnini twa kavinda tũthĩnaa, tũkatũetee ũkumyo mwingĩ ũtathimĩka wa tene na tene. 18Nĩkwĩthĩwa metho maitũ mailũmĩte syĩndũnĩ ila syonekaa; malũmĩte syĩndũnĩ ila itonekaa. Syĩndũ ila syonekaa no sya kavinda, ĩndĩ ila itonekaa syĩkalaa tene na tene.
Currently Selected:
2Ako 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Ako 4
4
Ũthwii wa Kĩ-veva wĩ Mĩionĩ ya Yũmba
1Nũndũ wa kwĩthĩwa Ngai kwa tei wake nũtũnengete ũthũkũmi ũũ, tũikusaa ngoo. 2Nĩtũekanĩte vyũ na maũndũ onthe ala me nthoni na ma kĩmbithĩ; tũitũmĩaa ũkengani kana kũthyoekya ndeto ya Ngai. Ĩndĩ kwa kũneena ũla w'o ũtheinĩ mbee wa Ngai, nĩtũkwĩkwatya kana kĩla mũndũ nũkwĩthĩwa na mosũanĩo maseo ĩũlũ waitũ. 3O na ethĩwa Ũvoo Mũseo ũla tũtavanasya nĩmũvw'ĩke kĩtambaa, ũvw'ĩkĩtwe kwa ala maendee na kwaa. 4Maitonya kũĩkĩĩa nũndũ ĩla ngai ya nthĩ ĩno nĩyĩkĩĩte mbindu ilĩkonĩ syoo, nĩ kana maikone kyeni kya Ũvoo Mũseo ĩũlũ wa ũkumyo wa Klĩsto, ũla nĩwe wũmbo wa Ngai mwene. 5Nĩkwĩthĩwa tũikũtavany'a ĩũlũ waitũ ithyĩ ene; twĩtavany'a ĩũlũ wa Yesũ Klĩsto kana nĩwe Mwĩai, naitũ twĩ athũkũmi menyu kwondũ wa Yesũ. 6#Mwa 1.3 Ngai ũla waisye, “Kyeni kĩkakena kuma kĩvindunĩ,” nowe ũkenetye kyeni kyake ngoonĩ sitũ, nĩ kana kĩtũnenge ũmanyi wa ũkumyo wa Ngai, ũla ũkenaa ũthyũnĩ wa Yesũ Klĩsto.
7Ĩndĩ ithyĩ ala twĩ na ũthwii ũũ wa kĩ-veva, tũilyĩ o ta mĩio ya yũmba, kwonany'a kana ũtonyi ũũ mũnene ndumaa kwitũ, ĩndĩ wumaa kwa Ngai. 8Nĩtũkwataa mathĩna kuma kĩla ngalĩko, ĩndĩ tũisindawa; nĩtũsaanĩaw'a twĩĩka ata, ĩndĩ tũyĩkasya ngoo. 9Nĩtũthĩnaw'a nĩ andũ, ĩndĩ Ngai ndatũtiaa; nĩtũkũnawa mũno, ĩndĩ tũyũaawa. 10Kĩla ĩvinda twĩthĩawa tũkuĩte kĩkw'ũ kya Yesũ mĩĩnĩ yaitũ, nĩ kana thayũ wake o naw'o ũtonye kwoneka mĩĩnĩ yaitũ. 11Ĩĩ, matukũnĩ onthe ma thayũ witũ, twĩkalaa twĩ mũisyonĩ wa kĩkw'ũ kwondũ wa Yesũ, nĩ kana thayũ wa Yesũ woneke nthĩnĩ wa mwĩĩ ũũ witũ ũkusaa. 12Kwoou kĩkw'ũ nĩkĩũtethya wĩa nthĩnĩ waitũ, ĩndĩ thayũ naw'o wĩtethya wĩa nthĩnĩ wenyu.
13 #
Sav 116.10
Maandĩko Matheu maĩtye, “Nĩnaĩkĩĩie na kwoou nĩnaneenie.” Ithyĩ o naitũ twĩ na veva o ũsu wa mũĩkĩĩo, nĩtũkũĩkĩĩa na kwoou nĩtũũneena. 14Nĩtwĩsĩ kana Ngai ũla wamũthayũũkisye Mwĩai Yesũ, akatũthayũũkya ithyĩ o naitũ, o tondũ wamũthayũũkisye Yesũ, na kũtũtwaa mbee wake vamwe nenyu. 15Ũu w'onthe nĩ kwondũ wenyu, nĩ kana o ũndũ mumo wa Ngai ũendee na kũvikĩa andũ aingĩ mbee na mbee, o nasyo mboya sya kũtũnga mũvea syongeleke kwa kũmũkumya Ngai.
Kwĩkalaa Thayũ kwa Mũĩkĩĩo
16Kwoou tũikusaa ngoo. O na kau mĩĩ yaitũ ĩendeeaa na kũthela vinya o kavola kwa kavola, thayũ witũ ũendeeaa na kwongeleka vinya mũthenya kwa mũthenya. 17Tũthĩna tũũ tũnini twa kavinda tũthĩnaa, tũkatũetee ũkumyo mwingĩ ũtathimĩka wa tene na tene. 18Nĩkwĩthĩwa metho maitũ mailũmĩte syĩndũnĩ ila syonekaa; malũmĩte syĩndũnĩ ila itonekaa. Syĩndũ ila syonekaa no sya kavinda, ĩndĩ ila itonekaa syĩkalaa tene na tene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011