2Ako 3
3
Ũtianĩo Mweũ wa Ngai
1Ko twambĩĩa kwĩkathĩĩa ithyĩ ene ĩngĩ? Kana ko twĩ na vata ta andũ amwe, wa kũandĩkĩwa mavalũa ma kũmanyĩthanw'a andũnĩ, mavalũa asu maetwe kwenyu kana maume kwenyu? 2Inyw'ĩ ene ninyw'ĩ valũa witũ, ũandĩkĩtwe ngoonĩ syenyu ũmanyĩke na kũsomwa nĩ kĩla mũndũ. 3#Kuma 24.12; Yel 31.33; Esek 11.19; 36.26 Kwa w'o nĩmũkwonany'a mwĩ valũa ũandĩkĩtwe nĩ Klĩsto mwene, na akaũtũma kwĩsĩla vala tũĩ. Ndũandĩkĩtwe na ingi; ũandĩkĩtwe na Veva wa Ngai ũla wĩ thayũ, na ndũandĩkĩtwe masengeanĩ ma mavia; ũandĩkĩtwe ngoonĩ sya andũ.
4Twĩneena maũndũ asu nũndũ wa mũĩkĩĩo ũla twĩ naw'o nthĩnĩ wa Ngai kwĩsĩla kwa Klĩsto. 5Ithyĩ ene tũi na ũndũ ũtuma twasya nĩtũtonya wĩa ũũ; tũtonyethaw'a kũũtethya nĩ Ngai. 6#Yel 31.31 Nĩwe ũtũtonyethetye kwĩthĩwa athũkũmi ma ũtianĩo mweũ, naw'o ti wa mĩao mĩandĩke; nĩ wa Veva. Nĩkwĩthĩwa mĩao mĩandĩke ĩeteae andũ kĩkw'ũ, ĩndĩ Veva anengae andũ thayũ.
7 #
Kuma 34.29
Mĩao yaandĩkiwe kwa kũtemeleela ndeto masengeanĩ ma mavia, na kyeni kĩtisu mũno kya Ngai nĩkyaumĩlile yĩla mĩao ĩsu yanenganawe. Ĩvindanĩ yĩu ũthyũ wa Mwose nĩwatisatisie mũno weethĩa andũ ma Ĩsilaeli maitonya kũũsisya nũndũ wa kũtisatisa kwa w'o, o na kau kũtisatisa kũu kwaĩ o kwa kavinda. Ethĩwa ĩndĩ Mĩao ĩla ĩetae kĩkw'ũ kwa andũ nthĩnĩ wa ũthũkũmi wayo, yookie na kyeni kĩtisĩte ũu, 8ũthũkũmi wa Veva wĩ na kyeni kĩtisĩte ata? 9Ethĩwa ũthũkũmi ũla ũsilĩlaa mũndũ waĩ na kyeni kĩtisu, ũthũkũmi ũla ũetae ũlũngalu no nginya wĩthĩwe na kyeni kĩtisu mũno mbee. 10Kwa kĩtumi kĩu, nĩtũtonya kwasya kwa w'o kana kĩla kyoonekaa kĩ na kyeni kĩtisu navu mbeenĩ, kyeni kĩu yu nĩ kĩthelu nũndũ wa kyeni kĩngĩ kĩla kĩsindĩte kĩu na vaasa. 11Nĩkwĩthĩwa ethĩwa kĩndũ kyekalile o kwa kavinda kyookie kĩna kyeni kĩtisu, no nginya kĩla kĩkalaa tene na tene kĩthĩwe na kyeni kĩtisu mũno mbee.
12Twĩneena twĩ na ũkũmbaũ mwingĩ, nũndũ twĩ na wĩkwatyo ũsu. 13#Kuma 34.33 Tũyĩilyĩ ta Mwose ũla wavw'ĩkie ũthyũ wake na kĩtambaa, nĩ kana andũ ma Ĩsilaeli maikone kũtisa kwa ũthyũ wake kũendee na kũthela. 14Ilĩko sya andũ asu nĩsyakomie vyũ, nĩkwĩthĩwa kũka kũvika ũmũnthĩ, yĩla mekũsoma mavuku ma ũtianĩo mũkũũ, kĩtambaa kĩu kĩyaavetwa. No kwĩsĩla kwa Klĩsto kĩtambaa kĩu kĩtonya kũvetwa. 15Kwa w'o kũvika o na ũmũnthĩ yĩla Mĩao ya Mwose ĩkũsomwa, kĩtambaa kĩu kĩthĩawa kĩvw'ĩkĩte ilĩko syoo. 16#Kuma 34.34 Ĩndĩ yĩla mũndũ wamũvĩndũkĩa Mwĩai, kĩtambaa kĩu nĩkĩvetawa. 17Nake Mwĩai ũsu ũkũwetwa nĩ Veva, na vala Veva wa Mwĩai ũĩ, vethĩawa na ũthasyo. 18Ithyonthe ĩndĩ ala twĩ na mothyũ mate mavw'ĩke kĩtambaa, nĩtwonanasya ta kĩoo ũkumyo wa Mwĩai, na nĩtũendee kũalyũlwa tũvw'anane nake, na nĩtũendeeaa kwongeleka ũkumyo mbee na mbee; ũsu nĩ wĩa wa Mwĩai, nake nĩ Veva.
Currently Selected:
2Ako 3: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Ako 3
3
Ũtianĩo Mweũ wa Ngai
1Ko twambĩĩa kwĩkathĩĩa ithyĩ ene ĩngĩ? Kana ko twĩ na vata ta andũ amwe, wa kũandĩkĩwa mavalũa ma kũmanyĩthanw'a andũnĩ, mavalũa asu maetwe kwenyu kana maume kwenyu? 2Inyw'ĩ ene ninyw'ĩ valũa witũ, ũandĩkĩtwe ngoonĩ syenyu ũmanyĩke na kũsomwa nĩ kĩla mũndũ. 3#Kuma 24.12; Yel 31.33; Esek 11.19; 36.26 Kwa w'o nĩmũkwonany'a mwĩ valũa ũandĩkĩtwe nĩ Klĩsto mwene, na akaũtũma kwĩsĩla vala tũĩ. Ndũandĩkĩtwe na ingi; ũandĩkĩtwe na Veva wa Ngai ũla wĩ thayũ, na ndũandĩkĩtwe masengeanĩ ma mavia; ũandĩkĩtwe ngoonĩ sya andũ.
4Twĩneena maũndũ asu nũndũ wa mũĩkĩĩo ũla twĩ naw'o nthĩnĩ wa Ngai kwĩsĩla kwa Klĩsto. 5Ithyĩ ene tũi na ũndũ ũtuma twasya nĩtũtonya wĩa ũũ; tũtonyethaw'a kũũtethya nĩ Ngai. 6#Yel 31.31 Nĩwe ũtũtonyethetye kwĩthĩwa athũkũmi ma ũtianĩo mweũ, naw'o ti wa mĩao mĩandĩke; nĩ wa Veva. Nĩkwĩthĩwa mĩao mĩandĩke ĩeteae andũ kĩkw'ũ, ĩndĩ Veva anengae andũ thayũ.
7 #
Kuma 34.29
Mĩao yaandĩkiwe kwa kũtemeleela ndeto masengeanĩ ma mavia, na kyeni kĩtisu mũno kya Ngai nĩkyaumĩlile yĩla mĩao ĩsu yanenganawe. Ĩvindanĩ yĩu ũthyũ wa Mwose nĩwatisatisie mũno weethĩa andũ ma Ĩsilaeli maitonya kũũsisya nũndũ wa kũtisatisa kwa w'o, o na kau kũtisatisa kũu kwaĩ o kwa kavinda. Ethĩwa ĩndĩ Mĩao ĩla ĩetae kĩkw'ũ kwa andũ nthĩnĩ wa ũthũkũmi wayo, yookie na kyeni kĩtisĩte ũu, 8ũthũkũmi wa Veva wĩ na kyeni kĩtisĩte ata? 9Ethĩwa ũthũkũmi ũla ũsilĩlaa mũndũ waĩ na kyeni kĩtisu, ũthũkũmi ũla ũetae ũlũngalu no nginya wĩthĩwe na kyeni kĩtisu mũno mbee. 10Kwa kĩtumi kĩu, nĩtũtonya kwasya kwa w'o kana kĩla kyoonekaa kĩ na kyeni kĩtisu navu mbeenĩ, kyeni kĩu yu nĩ kĩthelu nũndũ wa kyeni kĩngĩ kĩla kĩsindĩte kĩu na vaasa. 11Nĩkwĩthĩwa ethĩwa kĩndũ kyekalile o kwa kavinda kyookie kĩna kyeni kĩtisu, no nginya kĩla kĩkalaa tene na tene kĩthĩwe na kyeni kĩtisu mũno mbee.
12Twĩneena twĩ na ũkũmbaũ mwingĩ, nũndũ twĩ na wĩkwatyo ũsu. 13#Kuma 34.33 Tũyĩilyĩ ta Mwose ũla wavw'ĩkie ũthyũ wake na kĩtambaa, nĩ kana andũ ma Ĩsilaeli maikone kũtisa kwa ũthyũ wake kũendee na kũthela. 14Ilĩko sya andũ asu nĩsyakomie vyũ, nĩkwĩthĩwa kũka kũvika ũmũnthĩ, yĩla mekũsoma mavuku ma ũtianĩo mũkũũ, kĩtambaa kĩu kĩyaavetwa. No kwĩsĩla kwa Klĩsto kĩtambaa kĩu kĩtonya kũvetwa. 15Kwa w'o kũvika o na ũmũnthĩ yĩla Mĩao ya Mwose ĩkũsomwa, kĩtambaa kĩu kĩthĩawa kĩvw'ĩkĩte ilĩko syoo. 16#Kuma 34.34 Ĩndĩ yĩla mũndũ wamũvĩndũkĩa Mwĩai, kĩtambaa kĩu nĩkĩvetawa. 17Nake Mwĩai ũsu ũkũwetwa nĩ Veva, na vala Veva wa Mwĩai ũĩ, vethĩawa na ũthasyo. 18Ithyonthe ĩndĩ ala twĩ na mothyũ mate mavw'ĩke kĩtambaa, nĩtwonanasya ta kĩoo ũkumyo wa Mwĩai, na nĩtũendee kũalyũlwa tũvw'anane nake, na nĩtũendeeaa kwongeleka ũkumyo mbee na mbee; ũsu nĩ wĩa wa Mwĩai, nake nĩ Veva.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011