2Ako 5
5
1Nĩtwĩsĩ kana ĩeema yĩĩ twĩkalaa nthĩnĩ wayo twĩ vaa nthĩ, nayo nĩ mĩĩ yaitũ, yĩla yĩanangĩka, twĩ na mwako ũngĩ wumaa kwa Ngai, nyũmba ya tene na tene ĩtunĩ ĩtakĩtwe na moko. 2Kwa w'o yĩla twĩ wĩkalonĩ ũũ wa kũũ, nĩtũlumaa twĩ na wendi mũnene wa kũvw'ĩkwa wĩkalo witũ ũla wumaa ĩtunĩ, 3nĩ kana kwa kũwĩvw'ĩka tũikaaĩthĩwe twĩ athei. 4Tũendee kwĩkala ĩeemanĩ yĩĩ ya kũũ nthĩ, nĩtũlumaa tũyĩw'a twĩ avinyĩĩe. Ti atĩ twĩenda mwĩĩ ũũ twĩ naw'o wa kũũ nthĩ ũvetwe, ĩndĩ twĩenda ũvw'ĩkwe ũla wumaa ĩtunĩ, nĩ kana kĩla kĩkusaa kĩmelw'e nĩ thayũ. 5Ngai nĩwe ũtũmbanĩtye kwondũ wa ũalyũko ũũ, na nũtũnengete Veva wake atũĩkĩĩthye kana ũu ũkeekĩka.
6Kwoou matukũ onthe twĩthĩawa na ũkũmbaũ. Nĩtwĩsĩ kana yĩla tũkwĩw'a twĩanĩwe twĩ nthĩnĩ wa mwĩĩ, twĩthĩawa twĩ vaasa na Mwĩai, 7nĩkwĩthĩwa twĩkalaa thayũ kwa mũĩkĩĩo, ti kwa kĩla twene. 8Nĩngwasya kana twĩ na ũkũmbaũ, na twenda mũno tũkatia mĩĩ ĩno yaitũ tũkathi kwĩkala na Mwĩai. 9Kwoou yĩla twĩ wĩkalonĩ ũũ kana twĩ ũsu ũngĩ, wendi witũ mũnene nĩ kũmwendeesya we. 10#Alo 14.10 Nũndũ ithyonthe nĩtũkaũngama mbee wa kĩvĩla kya sila kya Klĩsto atũsilĩle. Kĩla mũndũ nũkakwata kĩla kĩmwaĩlĩte kwĩanana na maũndũ ala weekie e kũũ nthĩ, me maseo kana me mathũku.
Kwĩw'anĩthw'a na Ngai kwĩsĩla kwa Klĩsto
11Ithyĩ nĩtwĩsĩ vata wa kũmũkĩa Mwĩai, na kwoou nĩtũthing'ĩĩasya andũ angĩ mamũkĩe. Ngai nũtwĩsĩ nesa vyũ, na nĩĩkwatya o nenyu nthĩnĩ wa ngoo syenyu no mũtwĩsĩ nithyĩ aaũ. 12Ti atĩ twĩenda kwĩkathĩĩa ĩngĩ vala mũĩ, ĩndĩ twĩenda kũmũnenge kĩtumi kĩseo kya kwĩkathĩĩa nũndũ witũ, nĩ kana mwĩthĩwe mũtonya kũsũngĩa andũ ala mekathĩĩaa maũndũnĩ ala monekaa nĩ andũ, eka ala ma ngoonĩ. 13Ethĩwa twĩ na mũtwe mũthũku nĩ kwondũ wa Ngai, na ethĩwa twĩ na mũtwe mũseo nĩ kwondũ wenyu. 14Ithyĩ tũtongoew'e nĩ wendo wa Klĩsto, nĩkwĩthĩwa nĩtwĩsĩ nesa kana mũndũ ũmwe nĩwakwie kwondũ wa andũ onthe, na kwoou andũ onthe nĩmakwie. 15Akwie kwondũ wa andũ onthe, nĩ kana ala me thayũ maikekale thayũ kwondũ woo ene, ĩndĩ mekale thayũ kwondũ wake ũsu wakwie na athayũũka kwondũ woo.
16Kwoou kuma yu tũisiasya mũndũ na mosũanĩo ma kĩ-mũndũ. O na kau ĩvinda yĩ na vu ĩtina twamũsiasya Klĩsto na mosũanĩo ma kĩ-mũndũ, yu tũimũsiasya ũu. 17Kwoou yĩla mũndũ watw'ĩka wa Klĩsto atw'ĩkaa kyũmbe kyeũ; mwĩkalo wa tene nũthelaa, na mwĩkalo mweũ ũyambĩĩa. 18Ũndũ ũsu wĩkawa nĩ Ngai mwene, ũla kwĩsĩla kwa Klĩsto ũtwĩw'anĩthĩtye nake mwene, na akatũnenga ũthũkũmi wa kwĩw'anĩthya andũ nake. 19Ũu nĩ kwasya kana Ngai eew'anĩthasya andũ onthe nake mwene kwĩsĩla kwa Klĩsto, ateũmatalĩla mavĩtyo moo, na nũtũnengete wĩa ũsu wa kũtavany'a ũvoo ũsu wa wĩw'anĩthyo.
20Kwoou nĩtũtũmĩtwe kũneenaa vandũ va Klĩsto, o ta Ngai mwene ũkwĩsũvana kwĩsĩla vala tũĩ. Nĩtũũmwĩsũva vandũ va Klĩsto: Ĩw'anĩthw'ai na Ngai. 21Klĩsto ndaĩ na naĩ, ĩndĩ Ngai nĩwamũkuĩthisye naĩ kwondũ witũ, nĩ kana kwĩsĩla kwake tũtonye kũtw'ĩka andũ alũngalu ma Ngai.
Currently Selected:
2Ako 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Ako 5
5
1Nĩtwĩsĩ kana ĩeema yĩĩ twĩkalaa nthĩnĩ wayo twĩ vaa nthĩ, nayo nĩ mĩĩ yaitũ, yĩla yĩanangĩka, twĩ na mwako ũngĩ wumaa kwa Ngai, nyũmba ya tene na tene ĩtunĩ ĩtakĩtwe na moko. 2Kwa w'o yĩla twĩ wĩkalonĩ ũũ wa kũũ, nĩtũlumaa twĩ na wendi mũnene wa kũvw'ĩkwa wĩkalo witũ ũla wumaa ĩtunĩ, 3nĩ kana kwa kũwĩvw'ĩka tũikaaĩthĩwe twĩ athei. 4Tũendee kwĩkala ĩeemanĩ yĩĩ ya kũũ nthĩ, nĩtũlumaa tũyĩw'a twĩ avinyĩĩe. Ti atĩ twĩenda mwĩĩ ũũ twĩ naw'o wa kũũ nthĩ ũvetwe, ĩndĩ twĩenda ũvw'ĩkwe ũla wumaa ĩtunĩ, nĩ kana kĩla kĩkusaa kĩmelw'e nĩ thayũ. 5Ngai nĩwe ũtũmbanĩtye kwondũ wa ũalyũko ũũ, na nũtũnengete Veva wake atũĩkĩĩthye kana ũu ũkeekĩka.
6Kwoou matukũ onthe twĩthĩawa na ũkũmbaũ. Nĩtwĩsĩ kana yĩla tũkwĩw'a twĩanĩwe twĩ nthĩnĩ wa mwĩĩ, twĩthĩawa twĩ vaasa na Mwĩai, 7nĩkwĩthĩwa twĩkalaa thayũ kwa mũĩkĩĩo, ti kwa kĩla twene. 8Nĩngwasya kana twĩ na ũkũmbaũ, na twenda mũno tũkatia mĩĩ ĩno yaitũ tũkathi kwĩkala na Mwĩai. 9Kwoou yĩla twĩ wĩkalonĩ ũũ kana twĩ ũsu ũngĩ, wendi witũ mũnene nĩ kũmwendeesya we. 10#Alo 14.10 Nũndũ ithyonthe nĩtũkaũngama mbee wa kĩvĩla kya sila kya Klĩsto atũsilĩle. Kĩla mũndũ nũkakwata kĩla kĩmwaĩlĩte kwĩanana na maũndũ ala weekie e kũũ nthĩ, me maseo kana me mathũku.
Kwĩw'anĩthw'a na Ngai kwĩsĩla kwa Klĩsto
11Ithyĩ nĩtwĩsĩ vata wa kũmũkĩa Mwĩai, na kwoou nĩtũthing'ĩĩasya andũ angĩ mamũkĩe. Ngai nũtwĩsĩ nesa vyũ, na nĩĩkwatya o nenyu nthĩnĩ wa ngoo syenyu no mũtwĩsĩ nithyĩ aaũ. 12Ti atĩ twĩenda kwĩkathĩĩa ĩngĩ vala mũĩ, ĩndĩ twĩenda kũmũnenge kĩtumi kĩseo kya kwĩkathĩĩa nũndũ witũ, nĩ kana mwĩthĩwe mũtonya kũsũngĩa andũ ala mekathĩĩaa maũndũnĩ ala monekaa nĩ andũ, eka ala ma ngoonĩ. 13Ethĩwa twĩ na mũtwe mũthũku nĩ kwondũ wa Ngai, na ethĩwa twĩ na mũtwe mũseo nĩ kwondũ wenyu. 14Ithyĩ tũtongoew'e nĩ wendo wa Klĩsto, nĩkwĩthĩwa nĩtwĩsĩ nesa kana mũndũ ũmwe nĩwakwie kwondũ wa andũ onthe, na kwoou andũ onthe nĩmakwie. 15Akwie kwondũ wa andũ onthe, nĩ kana ala me thayũ maikekale thayũ kwondũ woo ene, ĩndĩ mekale thayũ kwondũ wake ũsu wakwie na athayũũka kwondũ woo.
16Kwoou kuma yu tũisiasya mũndũ na mosũanĩo ma kĩ-mũndũ. O na kau ĩvinda yĩ na vu ĩtina twamũsiasya Klĩsto na mosũanĩo ma kĩ-mũndũ, yu tũimũsiasya ũu. 17Kwoou yĩla mũndũ watw'ĩka wa Klĩsto atw'ĩkaa kyũmbe kyeũ; mwĩkalo wa tene nũthelaa, na mwĩkalo mweũ ũyambĩĩa. 18Ũndũ ũsu wĩkawa nĩ Ngai mwene, ũla kwĩsĩla kwa Klĩsto ũtwĩw'anĩthĩtye nake mwene, na akatũnenga ũthũkũmi wa kwĩw'anĩthya andũ nake. 19Ũu nĩ kwasya kana Ngai eew'anĩthasya andũ onthe nake mwene kwĩsĩla kwa Klĩsto, ateũmatalĩla mavĩtyo moo, na nũtũnengete wĩa ũsu wa kũtavany'a ũvoo ũsu wa wĩw'anĩthyo.
20Kwoou nĩtũtũmĩtwe kũneenaa vandũ va Klĩsto, o ta Ngai mwene ũkwĩsũvana kwĩsĩla vala tũĩ. Nĩtũũmwĩsũva vandũ va Klĩsto: Ĩw'anĩthw'ai na Ngai. 21Klĩsto ndaĩ na naĩ, ĩndĩ Ngai nĩwamũkuĩthisye naĩ kwondũ witũ, nĩ kana kwĩsĩla kwake tũtonye kũtw'ĩka andũ alũngalu ma Ngai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011