2Ako 2
2
1Kwoou nĩnatwie ngoonĩ yakwa ndikamũthokee mũikasyoke kwĩw'a woo. 2Nũndũ ethĩwa ngamwĩw'ĩthya woo, nũũ ũla wĩndanĩthya eka inyw'ĩ nĩw'ĩthĩtye woo? 3Kĩtumi kya kũmũandĩkĩa valũa wa mũthemba ũla namũandĩkĩie, nĩ kana ndyendaa kũka kwenyu nĩw'ĩthw'e woo nĩ andũ ala maĩlĩte kũndanĩthya, nũndũ nĩneesĩ nesa ki kana yĩla nĩ mũtanu, o nenyu mwĩthĩawa mwĩ atanu. 4Namũandĩkĩaa nĩ na thĩna mwingĩ na woo ngoonĩ, o na nĩnaĩaa; ĩndĩ ndyeekaa ũu nĩ kana nĩmwĩw'ĩthye woo, nendaa mũmanye ũndũ nĩmwendete na wendo wingĩvĩte.
Kũekea Mũndũ ũla Ũvĩtĩtye
5Ethĩwa ve mũndũ wĩw'ĩthĩtye ũngĩ woo, nyie ti inyie wĩw'ĩthĩtye woo, ĩndĩ ndekwongela amwĩw'ĩthĩtye inyw'onthe. Nĩneena ũu nũndũ ndikwenda kũmũvinyĩĩa mũno. 6Ũkany'o ũla ũnengetwe nĩ andũ aingĩ nĩwĩanĩtye mũndũ wa mũthemba wake. 7Kwoou kĩla yu mwaĩlĩte kwĩka nĩ kũmũekea na kũmũkiakisya, ndakemakĩe avikĩe kũkw'a ngoo. 8Nĩngũmwĩsũva mũmũĩkĩĩthye kana nĩmũmwendete. 9Kĩtumi kya kũmũandĩkĩa ũla valũa nĩ kana nendaa kũmũsisya, nĩmanye kana mwĩ ewi maũndũnĩ onthe. 10Yĩla mwaekea mũndũ kwondũ wa ũndũ wĩkĩte, o nakwa nĩnĩekeaa mũndũ ũsu. Kĩla naekea, ethĩwa ve kĩndũ kya kũekea, nĩekeaa kwondũ wenyu, Klĩsto e ngũsĩ, 11nĩ kana tũmũsiĩĩe Satani ndakakwate mwanya wa kũtũvalũkya, nũndũ nĩtwĩsĩ mĩvango yake.
Vaũlo Aithĩnĩka Ngoonĩ e ndũanĩ ya Tiloa
12 #
Meko 20.1
Yĩla navikie Tiloa kũtavany'a Ũvoo Mũseo ĩũlũ wa Klĩsto, nĩneethĩie Mwĩai ambingũĩe mwanya kũu. 13Ĩndĩ nĩnavũavũanie kĩlĩkonĩ nũndũ ndyaamwĩthĩa mwana-a-asa Tito kũu. Kwoou nĩnatianĩie ũvoo na andũ kũu na nathi Masendonia.
Kũkwata Ũsindi Kwondũ wa Klĩsto
14Ĩndĩ Ngai nakathwe ũla nthĩnĩ wa Klĩsto ũtũtongoeasya kĩla ĩvinda tũkasinda, na ũla kwĩsĩla vala tũĩ ũnyaĩĩkasya ũmanyi ĩũlũ wa Klĩsto ta mũuke mũseo kĩla vandũ. 15Nĩkwĩthĩwa ithyĩ tũilyĩ mũuke mũseo wa ũvani ũũthembwa nĩ Klĩsto kwa Ngai, na ũnyaĩĩkĩtye mũuke kwa andũ ala maendee na kũtangĩĩwa, na ala maendee na kwaa. 16Kwa ala maendee na kwaa mũuke ũsu kwoo ũetae kĩkw'ũ, ĩndĩ kwa ala maendee na kũtangĩĩwa, mũuke ũsu kwoo ũetae thayũ. Nũũ ĩndĩ ũla ũtonya kũtethya wĩa ũsu? 17Ithyĩ tũyĩilyĩ ta andũ aingĩ ala matandĩthasya ndeto ya Ngai; ithyĩ ta twĩ ala maw'o matũmĩtwe nĩ Ngai, tũneenaa w'o mbee wa Ngai ta athũkũmi ma Klĩsto.
Currently Selected:
2Ako 2: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Ako 2
2
1Kwoou nĩnatwie ngoonĩ yakwa ndikamũthokee mũikasyoke kwĩw'a woo. 2Nũndũ ethĩwa ngamwĩw'ĩthya woo, nũũ ũla wĩndanĩthya eka inyw'ĩ nĩw'ĩthĩtye woo? 3Kĩtumi kya kũmũandĩkĩa valũa wa mũthemba ũla namũandĩkĩie, nĩ kana ndyendaa kũka kwenyu nĩw'ĩthw'e woo nĩ andũ ala maĩlĩte kũndanĩthya, nũndũ nĩneesĩ nesa ki kana yĩla nĩ mũtanu, o nenyu mwĩthĩawa mwĩ atanu. 4Namũandĩkĩaa nĩ na thĩna mwingĩ na woo ngoonĩ, o na nĩnaĩaa; ĩndĩ ndyeekaa ũu nĩ kana nĩmwĩw'ĩthye woo, nendaa mũmanye ũndũ nĩmwendete na wendo wingĩvĩte.
Kũekea Mũndũ ũla Ũvĩtĩtye
5Ethĩwa ve mũndũ wĩw'ĩthĩtye ũngĩ woo, nyie ti inyie wĩw'ĩthĩtye woo, ĩndĩ ndekwongela amwĩw'ĩthĩtye inyw'onthe. Nĩneena ũu nũndũ ndikwenda kũmũvinyĩĩa mũno. 6Ũkany'o ũla ũnengetwe nĩ andũ aingĩ nĩwĩanĩtye mũndũ wa mũthemba wake. 7Kwoou kĩla yu mwaĩlĩte kwĩka nĩ kũmũekea na kũmũkiakisya, ndakemakĩe avikĩe kũkw'a ngoo. 8Nĩngũmwĩsũva mũmũĩkĩĩthye kana nĩmũmwendete. 9Kĩtumi kya kũmũandĩkĩa ũla valũa nĩ kana nendaa kũmũsisya, nĩmanye kana mwĩ ewi maũndũnĩ onthe. 10Yĩla mwaekea mũndũ kwondũ wa ũndũ wĩkĩte, o nakwa nĩnĩekeaa mũndũ ũsu. Kĩla naekea, ethĩwa ve kĩndũ kya kũekea, nĩekeaa kwondũ wenyu, Klĩsto e ngũsĩ, 11nĩ kana tũmũsiĩĩe Satani ndakakwate mwanya wa kũtũvalũkya, nũndũ nĩtwĩsĩ mĩvango yake.
Vaũlo Aithĩnĩka Ngoonĩ e ndũanĩ ya Tiloa
12 #
Meko 20.1
Yĩla navikie Tiloa kũtavany'a Ũvoo Mũseo ĩũlũ wa Klĩsto, nĩneethĩie Mwĩai ambingũĩe mwanya kũu. 13Ĩndĩ nĩnavũavũanie kĩlĩkonĩ nũndũ ndyaamwĩthĩa mwana-a-asa Tito kũu. Kwoou nĩnatianĩie ũvoo na andũ kũu na nathi Masendonia.
Kũkwata Ũsindi Kwondũ wa Klĩsto
14Ĩndĩ Ngai nakathwe ũla nthĩnĩ wa Klĩsto ũtũtongoeasya kĩla ĩvinda tũkasinda, na ũla kwĩsĩla vala tũĩ ũnyaĩĩkasya ũmanyi ĩũlũ wa Klĩsto ta mũuke mũseo kĩla vandũ. 15Nĩkwĩthĩwa ithyĩ tũilyĩ mũuke mũseo wa ũvani ũũthembwa nĩ Klĩsto kwa Ngai, na ũnyaĩĩkĩtye mũuke kwa andũ ala maendee na kũtangĩĩwa, na ala maendee na kwaa. 16Kwa ala maendee na kwaa mũuke ũsu kwoo ũetae kĩkw'ũ, ĩndĩ kwa ala maendee na kũtangĩĩwa, mũuke ũsu kwoo ũetae thayũ. Nũũ ĩndĩ ũla ũtonya kũtethya wĩa ũsu? 17Ithyĩ tũyĩilyĩ ta andũ aingĩ ala matandĩthasya ndeto ya Ngai; ithyĩ ta twĩ ala maw'o matũmĩtwe nĩ Ngai, tũneenaa w'o mbee wa Ngai ta athũkũmi ma Klĩsto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011