ALOMI 10
10
Nzĩa nzaĩĩ ya ũlũngalu nĩ ya onthe
1Ana‐a‐asa makwa, kwenda kwa ngoo yakwa na kũvoya kwakwa kwa Ngai nĩ kwondũ woo, nĩ kana matangĩĩwe. 2#Meko 22.3.Nũndũ nĩngũmakũsĩĩa kana me na ũthangaau mũnene kwa Ngai, ĩndĩ ti kwĩanana na ũmanyi. 3#Alo 9.31,32.Nũndũ wa kwĩthĩwa matyaamanya ũlũngalu wa Ngai, na makĩmantha kũlũlũmĩlya ũlũngalu woo ene, malea kwĩnyivĩsya ũlũngalu wa Ngai. 4#Mt 5.17; Yoa 3.18; Aevl 8.13.Nũndũ Klĩsto nĩ mũminũkĩlyo wa ĩla mĩao nĩ kana o ũla wĩtĩkĩlaa ethĩwe na ũlũngalu.
5 #
Ali 18.5; Aka 3.12. Nũndũ Mose eandĩka kana mũndũ ũla wĩkaa, ũlũngalu ũla wonekaa ĩla mĩaonĩ akekala thayũ nthĩnĩ waw’o. 6#Kũt 30.12,13.Ĩndĩ ũlungalu ũla wonekaa mũĩkĩĩonĩ wĩneena atĩĩ, Ndũkasye ngooni yaku, Nũũ ũla ũkambata ĩtunĩ? (Naw’o, nĩ kũmũtheesya Klĩsto kũũ nthĩ:) 7kana, Nũũ ũla ũkatheea ĩimanĩ yĩte kĩtulu? (Naw’o, nĩ kũmũkĩlya Klisto kũmumya akw’ũnĩ.) 8#Kũt 30.14.Ĩndĩ maandĩko measya ata? Ĩla ndeto yĩ vakuvĩ naku, kanyw’anĩ waku na ngoonĩ yaku: nayo nĩ ĩla ndeto ya mũĩkĩĩo, ĩla ithyĩ tũtavanasya: 9#2 Ako 4.5.nĩkwĩthĩwa ethĩwa ũkamumbũla Yesũ na kanyw’a waku kana nĩwe Mwĩaĩi, na ũkeetĩkĩla ngoonĩ yaku kana Ngai nĩwamũthayũũkisye kũmumya akw’ũnĩ, ũkatangĩĩwa: 10nũndũ mũndũ nĩwĩtĩkĩlaa na ngoo kũvikĩa ũlũngalu; na nĩwumbũlaa na kanyw’a kũvikĩa ũtangĩĩo. 11#Isa 28.16.Nũndũ maandĩko measya, O ũla ũkamwĩtĩkĩla ndakaasonokw’a. 12#Meko 10.34; 15.9.Nũndũ kũi kĩvathũkan’yo kati wa Mũyuti na Mũkiliki: nũndũ Mwĩaii o ũsu ũmwe nĩ Mwĩaĩĩ wa onthe, na ni mũthwii kwa onthe ala mamwĩkaĩlaa: 13#Yoe 2.32.nũndũ, O ũla ũkekaĩla syĩtwa ya Mwĩaĩi, nũkatangĩĩwa. 14Ĩndĩ makamwĩkaĩla ata ũla matamwĩtĩkĩlĩte? Na makamwĩtĩkĩla ata we ũla mataamwĩw’a? Na makeew’a ata vate mũtavan’ya? 15#Isa 52.7.Na makatavan’ya ata mate atũme? O ũndũ kũandĩkitwe. A! Kote maseo maũũ ala maetae ũvoo wĩ mũyo wa maũndũ maseo!
16 #
Isa 53.1. Ĩndĩ ti onthe meewie ũla ũvoo mũseo. Nũndũ Isaia easya, Mwĩaĩi, ũla wetĩkĩlile ũvoo witũ nũũ? 17#Yoa 17.20.Kwa ũu mũĩkĩĩo wũkaa kwondũ wa kwĩw’a, na kwĩw’a kũkaa kwondũ wa ndeto ya Klĩsto. 18#Sav 19.4.Ĩndĩ nĩngũkũlya, Matyaawĩw’a? Ĩĩ, nĩ w’o,
Wasya woo nĩwatũnganie nthĩ yonthe,
Na ndeto syoo syavika itulunĩ sya nthĩ.
19 #
Kũt 32.21. Ĩndĩ ningũkũlya, Isilaeli matyaamanya? Mbee Mose easya,
Ngamwĩw’ĩthya kĩwĩu na asu mate mbaĩ,
Ngamũthatya na mbaĩ ĩte na ũmanyi,
20 #
Isa 65.1. Na Isaia nĩ ngũmbaũ nene, na easya,
Nonekie nĩ andũ mataamantha;
Naumila kwa ala mataangũlya.
21 #
Isa 65.2. Ĩndĩ kwondũ wa Isilaeli easya, Mũthenya mũima natambũũkĩsye moko makwa andũ matekwĩw’a, ala me na ngananĩo.
Currently Selected:
ALOMI 10: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
