AVILIVI 2
2
Wĩsũvano kwĩthĩwe na ngwatanĩo na wĩnyivyo
1Ethĩwa ĩndĩ kwĩ ũtao o na wĩva nthĩnĩ wa Klĩsto, ethĩwa kwĩ ũkiakisyo o na wĩva wa wendo, ethĩwa kwĩ mũamba o na wĩva wa Veva, ethĩwa kwĩ matei mololo na kwĩw’anĩa manee o na meva, 2wusũsyei ũtanu wakwa, kana mwĩthĩwe na kĩlilikano o kĩmwe, mwĩ na wendo ũmwe, mwĩ na ngoo ĩmwe, mũkĩlilikana ũndũ ũmwe; 3#Aka 5.26; Alo 12.10.mũikeke ũndũ o na wĩva na ngananĩo kana kwĩkathĩĩa kwa mana, ĩndĩ na wĩnyivyo kĩla mũndũ namũtale ũla ũngĩ mũseo kwĩ we mwene; 4#1 Ako 10.24,33.kĩla mũndũ wenyu ndakasũvĩe syĩndũ syake mwene, ĩndĩ kĩla ũmwe wenyu nasũvĩe syĩndũ sya ala angĩ nasyo. 5Ĩthĩwai na kĩlilikano kĩĩ nthĩnĩ wenyu, o kĩla kyaĩ nthĩnĩ wa Klĩsto Yesũ: 6#Yoa 1.1,2; 17.5; Mwa 1.27; 3.5.nake, yĩla waĩ na mũvw’ano wa Ngai, ndaatala kwĩanana na Ngai ta nĩ ũndũ wa kũkwatwa, 7#Isa 53.3; 2 Ako 8.9; Aevl 2.14,17.ĩndĩ eeyĩkalya e mũthei, aiosa mũvw’ano wa ngombo, eethĩwa ailyĩ ũndũ ũmwe na mũndũ; 8#Aevl 12.2; 5.8; Yoa 10.17.na ooneka e na wũmbe wa mũndũ, eenyivya mwene, atw’ĩka mwĩwi, o na kũvika kĩkw’ũ, ĩĩ, kĩkw’ũ kya ngelan’yo. 9#Meko 2.33; Aev 1.21; Aevl 1.3,4.Kwondũ wa ũu Ngai amũnenevya mũno, na amũnenga syĩtwa yĩla yĩ mbee wa masyĩtwa onthe; 10#Isa 45.23; Yoa 5.23; Ũvu 5.13.nĩ kana kwa syĩtwa ya Yesũ kĩla ĩu yĩtulya ndu, ya ala me ĩtunĩ na ala me nthĩ na ala me ungu wa nthĩ, 11na nĩ kana kĩla ũĩmĩ wĩumbũla kana Yesũ Klĩsto nĩ Mwĩaĩi, kwa ndaĩa ya Ngai Asa.
Ũtangĩĩo wĩanĩw’e mwĩkalĩlenĩ wa mũndũ
12 #
1 Vet 1.17; Sav 2.11. Kwondũ wa ũu ĩndĩ, endwa makwa, o ũndũ mwaĩ ewi mavinda onthe, ti yĩla naĩ vo yoka, ĩndĩ yu mbee mũno nde vo, ĩanĩsyai ũtangĩĩo wenyu na kĩkĩo na kĩtetemo; 13#Yoa 15.5; 2 Ako 3.5; 1 Ath 2.13.nũndũ nĩ Ngai ũla wĩkaa nthĩnĩ wenyu akĩtuma mwendaa na kwĩkaa kwenda kwake kũseo. 14#1 Vet 4.9.Ĩkai maũndũ onthe mũtekũnyungunyĩsya na kũkananĩa; 15#Mt 5.14; 10.16; Avi 1.10; Aev 5.8; Kũt 32.5; Meko 2.40.nĩ kana mwĩthĩwe mũtailĩĩlĩka ũthũku na mwĩ auu, syana sya Ngai ite na ũndũ ũtaĩle katĩ wa ũsyao mũthũku na mũemu, naw’o nthĩnĩ waw’o nĩmwonekaa ta syeni kũũ nthĩ, 16#1 Ath 2.19; Aka 2.2; Isa 49.4; 65.23.mũkĩlĩtye ndeto ya thayũ; nĩ kana nĩthĩwe na ũndũ wa kwĩkathĩĩa mũthenya wa Klĩsto, kana ndyaasemba mana kana kũtethya wĩa mana. 17#Alo 15.16; 2 Tim 4.6.Ĩĩ, na ethĩwa nĩtulũlwa ĩũlũ wa nthembo na ũthũkũmi wa mũĩkĩĩo wenyu, nĩngwĩw’a mũyo, na kũtana vamwe nenyu inyw’onthe: 18#Avi 3.1; 4.4.na inyw’ĩ o ta ũu tanai, na ĩthiwai na mũyo vamwe nakwa.
Timotheo
19Ĩndĩ nĩngwĩkwatya nthĩnĩ wa Mwĩaĩi Yesũ kũmũtũma Timotheo kwenyu mĩtũkĩ, nĩ kana nyie nĩtonye kũkiakiw’a, namanya ũndũ mũilyĩ. 20#1 Ako 16.10.Nũndũ ndi na mũndũ ũngĩ ũla ũlilikanaa ũndũ ũmwe nakwa, ũla ũtonya kũsisya w’o mwĩkalĩle wenyu. 21#2 Tim 4.10,16; Aka 4.17.Nũndũ onthe nĩmeũmantha maũndũ moo ene, ti maũndũ ma Yesũ Klĩsto. 22Ĩndĩ nĩmwĩsĩ ũndũ wake, kana nĩwatethisye wĩa vamwe nakwa kwondũ wa ũnyaĩĩkya ũla ũvoo mũseo, o ũndũ mwana ũtethasya ĩthe wake. 23Ĩndĩ nĩngwĩkwatya kũtũma ũsu mĩtũkĩ, o yĩla nĩmanya ũndũ nĩĩkwa: 24#Avi 1.25.ĩndĩ nĩngũĩkĩĩa Mwĩaĩi kana nyie mwene ngooka mĩtũkĩ.
Evavilotito
25 #
Avi 4.18. Ĩndĩ nona no mũvaka nĩmũtũme Evavilotito kwenyu, mwana‐a‐asa wakwa na mũtethya wa wĩa vamwe nakwa na mũsikalĩ vamwe nakwa, nake nĩ mũtũmwa wenyu na mũthũkũmi wa vata wakwa; 26nĩkwĩthĩwa aĩ na mea nenyu inyw’onthe, na aũũyaa ngoonĩ, nũndũ mwewie kana aĩ mũwau: 27nũndũ nĩ w’o, aĩ mũwau mũno, vakuvĩ kũkw’a: ĩndĩ Ngai nĩwamwĩwĩie tei; na ti we weka, ĩndĩ o na nyie nakwa, nĩ kana ndikethĩwe na woo ĩũlũ wa woo. 28Kwondũ wa ũu neethĩwa na kĩthing’ĩĩsyo kingĩ kya ũmũtũma, nĩ kana, mwamwona ĩngĩ, mũtonye kũtana, nakwa nĩnyivĩwe nĩ woo. 29#1 Ako 16.16; 1 Tim 5.17.Mwosei ĩndĩ nthĩnĩ wa Mwĩaĩi na ũtanu w’onthe; na mataĩei ala mailyĩ take: 30nĩkwĩthĩwa kwondũ wa wĩa wa Klĩsto aĩ vakuvĩ kũkw’a, na ndaasũvĩa thayũ wake nĩ kana eanĩsye kĩla kyatialĩte kwenyu kya ũndethya.
Currently Selected:
AVILIVI 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
