Popular Bible Verses from AVILIVI 2

Share

mũikeke ũndũ o na wĩva na ngananĩo kana kwĩkathĩĩa kwa mana, ĩndĩ na wĩnyivyo kĩla mũndũ namũtale ũla ũngĩ mũseo kwĩ we mwene; kĩla mũndũ wenyu ndakasũvĩe syĩndũ syake mwene, ĩndĩ kĩla ũmwe wenyu nasũvĩe syĩndũ sya ala angĩ nasyo.

Ĩthĩwai na kĩlilikano kĩĩ nthĩnĩ wenyu, o kĩla kyaĩ nthĩnĩ wa Klĩsto Yesũ

nake, yĩla waĩ na mũvw’ano wa Ngai, ndaatala kwĩanana na Ngai ta nĩ ũndũ wa kũkwatwa, ĩndĩ eeyĩkalya e mũthei, aiosa mũvw’ano wa ngombo, eethĩwa ailyĩ ũndũ ũmwe na mũndũ; na ooneka e na wũmbe wa mũndũ, eenyivya mwene, atw’ĩka mwĩwi, o na kũvika kĩkw’ũ, ĩĩ, kĩkw’ũ kya ngelan’yo.

nũndũ nĩ Ngai ũla wĩkaa nthĩnĩ wenyu akĩtuma mwendaa na kwĩkaa kwenda kwake kũseo.

Kwondũ wa ũu Ngai amũnenevya mũno, na amũnenga syĩtwa yĩla yĩ mbee wa masyĩtwa onthe; nĩ kana kwa syĩtwa ya Yesũ kĩla ĩu yĩtulya ndu, ya ala me ĩtunĩ na ala me nthĩ na ala me ungu wa nthĩ, na nĩ kana kĩla ũĩmĩ wĩumbũla kana Yesũ Klĩsto nĩ Mwĩaĩi, kwa ndaĩa ya Ngai Asa.

Ĩkai maũndũ onthe mũtekũnyungunyĩsya na kũkananĩa; nĩ kana mwĩthĩwe mũtailĩĩlĩka ũthũku na mwĩ auu, syana sya Ngai ite na ũndũ ũtaĩle katĩ wa ũsyao mũthũku na mũemu, naw’o nthĩnĩ waw’o nĩmwonekaa ta syeni kũũ nthĩ

Kwondũ wa ũu ĩndĩ, endwa makwa, o ũndũ mwaĩ ewi mavinda onthe, ti yĩla naĩ vo yoka, ĩndĩ yu mbee mũno nde vo, ĩanĩsyai ũtangĩĩo wenyu na kĩkĩo na kĩtetemo