AEVELANIA 5
5
1Nũndũ kĩla mũthembi mũnene, aumĩtw’e katĩ wa andũ, aiĩtwe kwondũ wa andũ maũndũnĩ ala melekele Ngai, nĩ kana athembe mĩthĩnzĩo na nthembo kwondũ wa naĩ: 2#Aevl 4.15.ũla ũtonya kũmĩĩsya e mũuu kwa ala mate na ũmanyi na ala mavĩtasya, nũndũ we mwene nũthyũlũlũkĩtwe nĩ wonzu; 3#Ali 9.7; 16.6.na kwondũ wa ũu nĩwaĩlwe nĩ kũthemba kwondũ wa naĩ, ũndũ wa naĩ sya andũ o na syake mwene. 4#Kuma 28.1.Na vai mũndũ ũkwĩyosea mwene ndaĩa ĩsu, no ũla wĩĩtwa nĩ Ngai, o ta Aluni. 5Ta ũu Klĩsto nake ndaaĩnenevya mwene atuwe mũthembi mũnene, ĩndĩ nĩ ũla waneenie nake,
We nue Mwana wakwa,
#
Sav 2.7; Meko 13.33. Ũmũnthĩ nĩnaũsyaa:
6o tondũ easya vandũ vangĩ,
We wĩ mũthembi wa tene na tene
#
Aevl 7.1; Sav 110.4. O ta ũndũ Melikiseteki wailyĩ.
7 #
Mt 26.39–46. Ũla, matukũ ma mwĩĩ wake, wamũvoyie ũla waĩ atonya kũmũtangĩĩa kũmumya kĩkw’ũnĩ, na mboya na mawĩsũvano vamwe na kũĩa mũno na methoi, na eethukĩĩw’a nũndũ wa kũmũkĩa Ngai, 8#Avi 2.8.o na kau aĩ Mwana, eemanyĩsya kwĩw’aa ũndũ wa mathĩna ala mamũkwatie; 9#Isa 45.17; Yoa 17.1,5.na eanĩw’a, atw’ĩka mwambĩlĩlya wa ũtangĩĩo wa tene na tene kwa onthe ala mamwĩw’aa; 10ũla wetiwe nĩ Ngai ethĩwe mũthembi mũnene o ta ũndũ Melikiseteki wailyĩ.
Vata wa kũendeea nzĩanĩ ya Ũklĩsto
11Twĩ na maũndũ maingĩ ma ũneena ũvoonĩ wake, namo nĩ vinya kũmavuan’ya nũndũ mũtw’ĩkĩte andũ ala matew’aa nesa. 12#1 Ako 3.1–3; 1 Vet 2.2.Nũndũ wa ĩvinda ĩasa yĩvĩtĩte mwaĩle kwĩthĩwa mwĩ amanyĩsya, ĩndĩ mwĩ na vata wa mũndũ kũmũmanyĩsya ĩngĩ momanyĩsyo ma mbee ma ndeto ila syaneeniwe nĩ Ngai; na mũtw’ĩkĩte ala me na vata wa ĩia, na ti lĩu mũmũ. 13#Aev 4.14.Nũndũ kĩla mũndũ ũnyusaa ĩia ndesĩ mũno ndeto ya ũlũngalu; nũndũ nĩ kana kanini. 14#Avi 1.10; Alo 16.19; Mwa 2.17.Ĩndĩ lĩu mũmũ nĩ wa andũ aima, ala, nũndũ wa kwĩmanyĩsya, ilĩko syoo nimanyĩĩtw’e kũvathũkan’ya ũseo na ũthũku.
Currently Selected:
AEVELANIA 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
