AEVELANIA 4
4
Ũthũmũo wa Ngai mũthenya wa mũonza
1 #
Sav 95.11. Nĩkwĩthĩwa watho nĩvo ũĩ wa kũlika ũthũmũonĩ wake, twĩthĩwe ĩndĩ na w’ĩa, kũikethĩwe mũndũ o na wĩva katĩ wenyu ũla ũnũkwoneka ta waemiwe nĩ kũvikĩa. 2Nũndũ nĩ w’o ithyĩ nĩtwataviw’e ũla ũvoo mũseo, o tamo: ĩndĩ ĩla ndeto yew’ĩkie ndĩaamauna nĩkwĩthĩwa ndyaavulanw’a na mũĩkĩĩo kwa ala mamĩwie. 3Nũndũ ithyĩ ala twĩtĩkĩlĩte nĩtũvotaa ũthũmũonĩ ũsu; o tondũ waisye,
O ũndũ neevĩtie ũthilĩkunĩ wakwa,
Matikalika ũthũmũonĩ wakwa:
o na kau mawĩa nĩmaminiwe kuma mwambĩlĩlyo wa nthĩ. 4#Mwa 2.2.Nũndũ nũneenete vandũ vamwe ũvoo wa mũthenya wa mũonza ta ũũ, Na Ngai nĩwathũmũie mũthenya wa mũonza ũndũ wa mawĩa make onthe; 5na vaa navo,
Matikalika ũthũmũonĩ wakwa.
6Ĩndĩ nĩkũtialĩte amwe makalika nthĩnĩ waw’o, na ala mambie ũtavw’a ũla ũvoo mũseo maiaalika nũndũ wa kũlea kwĩw’a, 7nĩwiĩte ĩngĩ mũthenya ũmwe, Ũmũnthĩ, akyasya nthĩnĩ wa Ndaviti ĩtina wa ĩvinda ĩasa (o tondũ kwaneeniwe mbee),
Ũmũnthĩ ethĩwa nĩmũkwĩw’a wasya wake,
Mũikomye ngoo syenyu.
8 #
Kũt 31.7; Yos 22.4. Nũndũ kethĩwa Yosua amanengie ũthũmũo, ndethĩwa aaneena ĩtina ũvoo wa mũthenya ũngĩ. 9Nĩvatialĩte ĩndĩ ũthũmũo wa savato ũndũ wa andũ ma Ngai. 10#Ũvu 14.13.Nũndũ ũla ũlikĩte ũthũmũonĩ wake nũthũmũĩte mwene ũndũ wa mawĩa make, o ũndũ Ngai wathũmũie ũndũ wa mawĩa make. 11Twĩthing’ĩĩsye ĩndĩ kũvota ũthũmũoni ũsu, nĩ kana mũndũ o na wĩva ndakavalũke kwondũ wa kũatĩĩa ngelekan’yo ĩsu ya kũlea kwĩw’a. 12#Yel 23.29; Isa 49.2; Aev 6.17; Yoa 12.48; Ũvu 19.15.Nĩkwĩthĩwa ndeto ya Ngai ĩ thayũ, na nĩ nthangaau, na nĩ mbũĩ kwĩ ũvyũ ũla mũĩ ngalĩ syelĩ, nayo ĩtonyaa kũvika kũaan’ya thayũ na veva, na maleenyũ na mũthungo, na ĩ mĩtũkĩ ya kũmanya mosũanĩo na kwenda kwa ngoo. 13Na vai kĩndũ kyũmbe kĩtaumĩlĩte mbee wake: ĩndĩ syĩndũ syonthe nĩ nthei na kumĩlw’a methonĩ ma ũla wĩ na maũndũ maitũ.
Yesũ ũla Mũthembi Mũnene mbee nĩ mũnene mũno kwĩ Aluni
14 #
Aevl 3.1; 6.20; 7.26; 8.1; 9.11. Ĩndĩ nĩkwĩthĩwa twĩ na mũthembi mũnene mbee, ũla walikile ĩtunĩ, Yesũ Mwana wa Ngai, tũkwate mũno kumbũla kwitũ. 15#Aevl 2.17.Nũndũ tũi na mũthembi mũnene ũla ũtatonya kũtwĩw’ĩa tei mawonzunĩ maitũ; ĩndĩ nĩ ũmwe watatiwe maũndũnĩ onthe o tondũ tũtatawa, ate na naĩ. 16#1 Yoa 3.21; Alo 3.25.Nĩtũthengeee ĩndĩ na ũkũmbaũ kĩla kĩvĩla kya ũsumbĩ kya mumo, nĩ kana twose ĩnee, na kwona mumo wa kũtũtethya ĩvinda ya vata.
Currently Selected:
AEVELANIA 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
