AEVELANIA 6
6
1 #
Aevl 9.14. Kwondũ wa ũu tũkĩtia momanyĩsyo ma maũndũ ma mbee ma Klĩsto, twĩthing’ĩĩsye kũendeea mbee kũvikĩa wĩanĩu; tũte kwia ĩngĩ wambĩlĩlyo wa ũalyũlo wa ngoo kuma mawĩanĩ ala makw’ũ, na wa kũĩkĩĩa Ngai, 2na wa momanyĩsyo ma movatiso, na wa kwilĩĩlwa moko, na wa kũthayũũkw’a kwa akw’ũ, na wa ũsilĩlo wa tene na tene. 3Na ũu tũkeeka ethĩwa Ngai akatũtethya. 4#Aevl 10.26,27; Mt 12.31; 1 Yoa 5.16.Na ũndũ wa ala maminĩte kũnengwa kyeni na kũsama ũla mũthĩnzĩo wa ĩtunĩ, na kũtuwa osi ma Veva Mũtheu, 5#1 Vet 2.3.na kũsama ndeto nzeo ya Ngai, na mavinya ma ĩvinda yĩla yũkĩte, 6na ĩndĩ makĩalyũka na kũtia, kũtitonyeka kũmatũnga eũ ĩngĩ kũvikĩa ũalyũlo wa ngoo; nĩkwĩthĩwa memwambĩthya ĩngĩ Mwana wa Ngai kwa o ene, na kũmũsonokya ũtheinĩ. 7#Mwa 1.11,12.Nũndũ nthĩ ĩla ĩnyw’ĩte mbua ĩla ĩmyuĩaa mavinda maingĩ, na ĩimesya nyũnyi ĩmaĩle ala ĩĩmawa kwondũ wamo, yosaa ũathimo kuma kwa Ngai: 8#Mwa 3.17,18.ĩndĩ ethĩwa nĩnĩkũmesya mĩw’a na thangila, nĩleawa na ĩ vakuvĩ na kũumanĩwa; na mũminũkĩlyo wayo nĩ kũvĩvw’a.
9Ĩndĩ, endwa, o na ethĩwa nĩtũũneena ũu, nĩtwĩtĩkĩlĩte maũndũ maseo mbee kwenyu, na maũndũ ala makwatene na ũtangĩĩo: 10#Aevl 10.32–34.nĩkwĩthĩwa Ngai ti ũla ũte mũlũngalu ũndũ ũtonya kũlwa nĩ wĩa wenyu na wendo ũla mwonanĩtye kwondũ wa syĩtwa yake, nĩkwĩthĩwa nĩmwamathũkũmie ala atheu, o na yu nĩmũmathũkũmaa. 11#Aevl 3.14; Avi 1.6.Na nĩtũkwenda kĩla ũmwe wenyu onanasye kĩthing’ĩĩsyo kyu kũvikĩa wĩanĩu wa wĩkwatyo o na kũvika mũminũkĩlyo: 12nĩ kana mũikethĩwe atulu, ĩndĩ mũkĩelekan’ya na ala meũtiĩwa matho kwondũ wa mũĩkĩĩo na wũmĩĩsyo.
Mawatho ma Ngai nĩmekĩaa wĩkwatyo ngoonĩ
13 #
Mwa 22.16,17. Nũndũ yĩla Ngai wamwathie Avalaamu, nĩkwĩthĩwa ndaatonya kwĩvĩta na ũngĩ mũnene mbee, nĩwevĩtie we mwene, 14akyasya, Nĩ w’o kũũathima ngakũathima, na kwingĩvya ngakwingĩvya. 15Na kwondũ wa ũu, ĩtina wa kũmĩĩsya kwake, nĩwosie ũla watho. 16#Kuma 22.10.Nũndũ andũ mevĩtaa na ũla mũnene: na nthĩnĩ wa ngananĩo syoo syonthe wĩvĩto nĩw’o ũminaa ũvoo ũlũme. 17Nthĩnĩ wa ũvoo ũsu Ngai, akyenda kũmon’ya mũno mbee atiĩwa ma ũla watho ũndũ ũtw’ĩo wake ũtatonya kũalyũka, nĩwekĩie wĩvĩto katĩ wake namo; 18#Mot 23.19; 1 Sam 15.29.nĩ kana kwondũ wa maũndũ elĩ ala mataalyũlĩka, nao nthĩnĩ wamo kũitonyeka Ngai kũneena ũvũngũ, twĩthĩwe na ũkiakisyo wĩ na vinya, ithyĩ ala twakũkie twone wĩvitho tũkwate wĩkwatyo ũla wiĩtwe mbee waitũ: 19#Ali 16.2,12.ũla twĩ naw’o ta nanga ya ngoo, wĩkwatyo wĩ na ũlũmu na ũtakũĩka, ũlikaa nthĩnĩ wa vala ve ũla tũtũ; 20#Aevl 5.6.vala Yesũ ta mũtongoesya walikile kwondũ witũ, atw’ĩkĩte mũthembi mũnene wa tene na tene o ta ũndũ Melikiseteki wailyĩ.
Currently Selected:
AEVELANIA 6: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
