AEVELANIA 3
3
Klĩsto nĩ mũnene mũno kwĩ Mose
1 #
Aevl 4.14. Kwondũ wa ũu, ana‐a‐asa atheu, osi ma wĩtano wa ĩtunĩ, sũanĩai mũno ũla Mũtũmwa na Mũthembi Mũnene wa kumbũla kwitũ, nake nĩ Yesũ; 2#Mot 12.7.ũla waĩ na kĩthito kwa ũla wamwiie, o tondũ Mose nake wailyĩ nyũmbanĩ yake yonthe. 3Nũndũ we nĩwatalilwe nĩwaĩlwe nĩ ũtaĩo mwingĩ kwĩ Mose, o tondũ ũla wakĩte nyũmba wĩ na ndaĩa nyingĩ kwĩ ĩ nyũmba. 4Nĩkwĩthĩwa kĩla nyũmba yakĩtwe nĩ mũndũ: ĩndĩ ũla ũseũvĩtye syĩndũ syonthe nĩ Ngai. 5#Mot 12.7.Na nĩ w’o Mose aĩ na kĩthito nyũmbanĩ yake yonthe ta mũthũkũmi, ethĩwe na ũkũsĩ wa maũndũ asu ala makaneenwa ĩtina; 6#Aev 2.19; Ako 1.23.ĩndĩ Klĩsto ta mwana, ĩũlũ wa nyũmba ya Ngai; nayo nyũmba yake nĩ ithyĩ, ethĩwa nĩtũũlũmya mũno ũkũmbaũ witũ na kwĩkathĩĩa kwa wĩkwatyo witũ kũvika mũminũkĩlyo. 7Kwondũ wa ũu, o tondũ Veva Mũtheu ũnũũneena,
#
Sav 95.7–11. Ũmũnthĩ ethĩwa nĩmũkwĩw’a wasya wake,
8Mũikomye ngoo syenyu, ta yĩla ĩvinda ya kũthatya,
#
Kuma 17.7; Mot 20.2–5. Ta mũthenya wa kũtatwa weũnĩ,
9Vala aaĩthe menyu mandatĩe ũndũ wa kwĩnguũa,
Na moona mawĩa makwa myaka mĩongo ĩna.
10Kwondũ wa ũu new’ĩthiw’e woo nĩ ũsyao ũũ,
Na nasya, Nĩmavĩtasya mavinda onthe ngoonĩ syoo:
Ĩndĩ matyaamanya nzĩa syakwa;
11O ũndũ neevĩtie ũthilĩkunĩ wakwa,
#
Mot 14.21–23. Matikalika ũthũmũonĩ wakwa.
Vata wa kwĩthĩwa na kĩthito kũvika mũminũkĩlyo
12Ĩsũvĩei, ana‐a‐asa, kũikese kwĩthĩwa ũmwe wenyu wĩ na ngoo mbathe ya ũlea kwĩtĩkĩla, na kwĩvathana na Ngai ũla wĩ thayũ: 13#1 Ath 5.11.ĩndĩ taanai kĩla mũndũ na ũla ũngĩ mĩthenya yonthe, o ĩvinda yĩla yĩtawa Ũmũnthĩ; nĩ kana kũikethĩwe ũmwe wenyu ũtw’ĩka mũmũ kwondũ wa ũkengani wa naĩ: 14#Aevl 6.11; 11.1.nũndũ nĩtũw’ĩkĩte osi vamwe na Klĩsto, ethĩwa nĩtũkwataa wambĩlĩlyo wa kũĩkĩĩa kwitũ tũkĩlũmya kũvika mũminũkĩlyo: 15yĩla kũũneenwa,
Ũmũnthĩ ethĩwa nĩmũkwĩw’a wasya wake,
#
Sav 95.8. Mũikomye ngoo syenyu, ta yĩla ĩvinda ya kũthatya.
16 #
Kuma 17.1. Nũndũ naaũ ala mathatisye yĩla meewie? Ti o asu onthe ala maumie Misili makĩtongoew’a nĩ Mose? 17#Mot 14.29; 1 Ako 10.10.Na naaũ ala mamwĩw’ĩthisye woo myaka mĩongo ĩna? Ti o asu ala mavĩtisye, ala simba syoo syavalũkile weũnĩ? 18#Mot 14.22,23.Na ĩngĩ naaũ ala wevĩtie kana maikalika ũthũmũonĩ wake, ate o asu ala mataaĩw’a? 19Na ithyĩ nĩtũkwona kana matyaatonya kũlika kwondũ wa kũlea kwĩtĩkĩla.
Currently Selected:
AEVELANIA 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
