AEVELANIA 2
2
1Kwondũ wa ũu nĩtwaĩle kũmasũvĩaa mũno maũndũ ala mew’ĩtwe, tũikese kũmatia. 2#Meko 7.38,53; Aka 3.19.Nũndũ ethĩwa ndeto ĩla yaneeniwe nĩ alaika yai nũmu, na kĩla ĩvĩtyo na kũlea kwĩw’a syoosie itũvi yasyo ilũngalu; 3#Aevl 10.29; 12.25.ithyĩ tũkavonoka ata, twavũthya ũtangĩĩo ũnenevete ũu? Ũla wambie ũneenwa nĩ Mwĩaĩi, na walũlũmĩlw’e kwitũ na ala meewie; 4#Mko 16.20; 1 Ako 12.4,11.Ngai nake akĩkũsĩĩa vamwe nao, na syama na moseng’yo na mavinya ma mĩthemba mingĩ, na mĩthĩnzĩo ya Veva Mũtheu, kwĩanana na kwenda kwake.
5Nũndũ ndaaia nthĩ ĩla yũkĩte ĩtheo wa alaĩka, ĩla tũũneena ũvoo wayo. 6Ĩndĩ mũndũ ũmwe aĩ na ũkũsĩ vandũ vamwe, akyasya,
Mũndũ nĩ kyaũ, ũndũ ũmũlilikana?
#
Sav 8.4–6. Kana mwana wa mũndũ, ũndũ ũthi vala ũĩ?
7Nĩwamũtwie mũnini ĩvinda kwĩ alaĩka.
Nĩwamwĩkĩie ngovia ya ũsumbĩ ya ndaĩa na nguma,
Na wamwia ĩũlũ wa mawĩa ma moko maku:
8 #
1 Ako 15.27. Nĩwamwiĩe syĩndũ syonthe wĩnyivyonĩ ungu wa nyaĩĩ syake.
Nũndũ akia syĩndũ syonthe ĩtheo wake, ndaatialya kĩndũ kĩmwe kĩtaiĩtwe ĩtheo wake. Ĩndĩ yu tũinamba kwona syĩndũ syonthe siĩtwe ĩtheo wake. 9#Avi 2.8,9.Ĩndĩ nĩtũũmwona Yesũ ũla waniniwiv’e ĩvinda kwĩ alaĩka, kwondũ wa mathĩna ma kĩkw’ũ ekĩĩtwe ngovia ya ũsumbĩ ya ndaĩa na nguma, nĩ kana kwondũ wa mumo wa Ngai asame kĩkw’ũ vandũ va kĩla mũndũ. 10#Alo 11.36.Nũndũ nĩwaĩlwe we, ũla kwondũ wake, na kwondũ wa wĩa wake syĩndũ syonthe syĩ vo, amina kũete ana aingĩ ndaĩanĩ yake, kũmwĩanĩsya mũnene wa ũtangĩĩo woo kwondũ wa mathĩna. 11#Mko 3.34,35; Mt 25.40; Yoa 20.17.Nĩkwĩthĩwa ũla ũvathanasya na ala mavathanaw’a, onthe maumaa nthĩnĩ wa ũmwe: kwondũ wa ũu ndew’aa nthoni kũmeta ana‐a‐ĩthe, 12akyasya,
Ngatavan’ya syĩtwa yaku kwa ana‐a‐asa makwa,
#
Sav 22.22. Ngakũtaĩĩa ũmbanonĩ.
13 #
Isa 8.17,18; 2 Sam 22.3. Na ĩngĩ, Ngamwĩkwatya we. Na ĩngĩ, Sisya, nyie na syana ila Ngai ũnengete. 14#2 Tim 1.10; Yoa 12.31; Ũvu 12.10; 1 Ako 15.56.Ĩndĩ nĩkwĩthĩwa syana nĩsyosaa mwĩĩ na nthakame, we nake mwene nĩwosie o ta ũu; nĩ kana kwondũ wa kĩkw’ũ amwasye vinya ũla wai na vinya wa kĩkw’ũ, nake nĩ ndevili; 15na amathasya onthe ala kwondũ wa w’ĩa wa kĩkw’ũ maĩ ũkombonĩ thayũ woo w’onthe. 16#Isa 41.8,9.Nũndũ nĩ w’o ndeũmatethya alaĩka, ĩndĩ ematethya ala ma ũsyao wa Avalaamu. 17#Sav 22.22; Avi 2.7.Kwondũ wa ũu nĩwaĩlwe we nĩ kũvw’ananw’a maũndũni onthe na ana‐a‐ĩthe make, nĩ kana ethĩwe mũthembi mũnene wĩ tei na kĩthito maũndũnĩ ala melekele Ngai, nĩ kana ethĩwe nthembo ya wĩw’anĩthyo kwondũ wa naĩ sya andũ. 18#Aevl 4.15.Nĩkwĩthĩwa we mwene nĩwathĩniw’e aitatwa, nũtonya kũmatetheesya ala matatawa.
Currently Selected:
AEVELANIA 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
