Akalatia 4
4
Kũtuwa ana ma Ngai kwondũ wa kũĩkĩĩa Klĩsto
1Ĩndĩ nĩneena kana ĩvinda ya mũtiĩwa e kana, nde kĩvathũkan’yo na ngombo, o na kau nĩ mwene wa syĩndũ syonthe; 2ĩndĩ ke ungu wa asũvĩi na asyaĩĩsya ma syĩndũ syako, kũvika ũla mũthenya watwiwe nĩ ĩthe. 3#Aka 3.23; 5.1; Ako 2.20.Naitũ no ta ũu, yĩla twaĩ syana, twalũlũmĩlw’e ũkombonĩ momanyĩsyonĩ ma kwambĩlĩlya ma nthĩ: 4#Aev 1.10.ĩndĩ wianĩu wa ĩvinda wooka, Ngai atũma Mwana wake, wasyaiwe nĩ mũndũ mũka, wasyaiwe ungu wa ĩla mĩao, 5#Aka 3.13,26.nĩ kana amovosye asu ala maĩ ungu wa ĩla mĩao, nĩ kana tũtuwe ana. 6#Alo 8.15.Na kwa kwĩthĩwa mwĩ ana, Ngai atũmie Veva wa Mwana wake alike ngoonĩ sitũ, akĩtanaa, akyasya, Nau, Asa. 7#Aka 3.29; Alo 8.16,17.Na yu ndwĩ ngombo ĩngĩ, ĩndĩ wĩ mwana; na ethĩwa wĩ mwana, wĩ mũtiĩwa ĩndĩ kwondũ wa Ngai.
Vaulo akĩmesũva etĩkĩli matikasyoke na ĩtina
8Ĩndĩ ĩvinda yĩu, kwa kwĩthĩwa mũtyamwĩsĩ Ngai, mwatwĩe mwĩ ngombo sya ngai ila kwa mũtuo wasyo ti ngai: 9ĩndĩ yu mwamũmanya Ngai, kana kavaa kwasya nĩmwĩsĩkĩwe nĩ Ngai, mũtonya ata kwĩthyũũa na kũsyokea ĩngĩ momanyĩsyo ma kwambĩlĩlya ala monzu na ala mate vata, ala kwondũ wamo nĩmũkwenda kũsyoka ũkombonĩ ĩngĩ? 10#Alo 14.5; Ako 2.16.Nĩmũsũvĩaa mĩthenya, na myei, na mavinda, na myaka. 11#2 Yoa 1.8.Nĩngũkĩa nũndũ wenyu, no kwĩthĩwa nathĩnĩe wĩa kwondũ wenyu mana.
12 #
2 Ako 2.5. Nĩngũmwĩsũva, ana‐a‐asa, ĩthĩwai tondũ nĩilyĩ, nĩkwĩthĩwa nyie nĩilyĩ tondũ inyw’ĩ mũilyĩ. Mũtyaambĩka naĩ: 13#Meko 16.6; 1 Ako 2.3.ĩndĩ nĩmwĩsĩ kana nũndũ wa wonzu wa mwĩĩ ĩvinda ya mbee nĩnatavanisye ũvoo mũseo kwenyu: 14#Meko 14.11,12.na ũndũ ũla waĩ ũtatwa kwenyu mwĩĩnĩ wakwa mũtyaavũthya, kana kũlea; ĩndĩ mwambosa ta mũlaĩka wa Ngai, o ta Klĩsto Yesũ. 15Kũĩva ĩndĩ kwĩyĩta aathime? Nũndũ nĩngũmũkũsĩĩa, kana, kethĩwa nĩ ũndũ ũla waĩ ũtonyeka, mwĩthĩwa mwanumĩsye metho menyu mũkanenga. 16#Amo 5.10.Na ĩndĩ yu nĩtw’ĩkĩte mũmaitha wenyu, nũndũ wa kũmũtavya ũla w’o? 17#Aka 1.7.Nĩmeũmũmantha na ũthangaau, ĩndĩ ti kwa ũseo; aiee, nĩmekwenda kũmũvingĩa nza, nĩ kana inyw’ĩ mũmamanthe. 18Ĩndĩ nĩ ũseo kũmanthawa na ũthangaau ũndũnĩ ũseo mavinda onthe, na ti o yĩla nĩ vamwe nenyu. 19#1 Ako 4.15.Syana syakwa nini, ĩla ngwaũnyĩa ĩngĩ mũvaka Klĩsto ombĩke nthĩnĩ wenyu, 20ĩĩ, nenda nĩthĩwe vamwe nenyu oyu, na kũalyũla wasya wakwa; nũndũ nĩngũsaanĩw’a nĩ inyw’ĩ.
Ana elĩ
21 #
Aka 3.23. Ndavyaĩ, inyw’ĩ ala mũkwenda kwĩthĩwa ungu wa mĩao, mũtimĩw’aa ĩla mĩao? 22#Mwa 16.15; 21.2,9.Nũndũ nĩkũandĩkĩtwe, kana Avalaamu aĩ na ana elĩ aũme, ũmwe asyaĩtwe nĩ ngombo, na ũngĩ asyaĩtwe nĩ mũndũ mũka ũtaĩ ngombo. 23#Alo 9.7–9; Mwa 17.16.Ĩndĩ mwana ũla wasyaiwe nĩ ngombo asyaiwe kwondũ wa mwĩĩ; na mwana ũla wasyaiwe nĩ mũndĩ mũka ũtaĩ ngombo asyaiwe kwondũ wa watho. 24#Aka 5.1; Alo 8.15.Maũndũ asu me na ngelekan’yo: nũndũ aka asu nĩ motianĩo elĩ; ũmwe waumie kĩĩmanĩ kya Sinai, ũla ũsyaaa syana sya ũkombo, naw’o nĩ Akali. 25Na Akali ũsu nĩ kĩĩma kya Sinai kĩla kĩ nthĩ ya Alavu, na kĩvw’anene na Yelusaleme ya ĩvinda yĩĩ: nũndũ ĩ ũkombonĩ vamwe na syana syayo. 26#Aevl 12.22.Ĩndĩ Yelusaleme ĩla yĩ ĩũlũ nĩ nthasye, nayo nĩ inyia waitũ. 27Nũndũ nĩkũandĩkĩtwe,
Tana, we ngũngũ ũtaasyaa;
Ũkĩlya wasya ũsĩĩlĩle, we ũla ũtaaũnya:
#
Isa 54.1. Nũndũ syana sya ũla ũtwĩe e weka nĩ mbingĩ kũte sya ũla wĩ na mũũme.
28Ĩndĩ ithyĩ, ana‐a‐asa, twĩ syana sya watho, o ta Isaka. 29#Mwa 21.9.Ĩndĩ o ta ĩvinda yĩu, ũla wasyaiwe kwondũ wa mwĩĩ athĩnisye ũsu wasyaiwe kwondũ wa veva, na ĩvinda yĩĩ no ta ũu. 30#Mwa 21.10,12; Yoa 8.35.Ĩndĩ maandĩko measya ata? Mũlũngye mũndũ mũka ngombo na mwana wake: nũndũ mwana wa ngombo ndakatiĩwa vamwe na mwana wa ũla ũte ngombo. 31#Aka 3.29.Kwondũ wa ũu, ana‐a‐asa, ithyĩ tũi syana sya ngombo, ĩndĩ twĩ syana sya mũndũ mũka ũte ngombo.
Currently Selected:
Akalatia 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
