AKOLOSAI 4
4
1 #
Ali 25.43,53. Mavwana, nengai ngombo syenyu kĩla kyaĩle na kĩla kya katĩ; mwĩsĩ kana inyw’ĩ nenyu mwĩna Vwana ĩtunĩ.
Mboya ũndũ wa kũnyaĩĩkya Ũvoo Mũseo
2 #
1 Ath 5.17; Aev 6.18; Avi 4.6. Ĩkalai mũlũlũmĩle mboyanĩ, voyai mũkĩsyaĩĩsya vamwe na kũtũnga mũvea; 3#Alo 15.30; Aev 6.18,19; 2 Ath 3.1; 1 Ako 16.9.na vamwe na ũu mũkĩtũvoyea ithyĩ, nĩ kana Ngai atũvingũĩe mũomo kwondũ wa ĩla ndeto, kũneena nzama ya Klĩsto, nayo kwondũ wayo nĩ mwove; 4#Aev 6.20.nĩ kana nĩmyonan’ye, o tondũ naĩlwe nĩ kũneena. 5#Aev 5.15,16; 1 Ath 4.12.Endaai na ũĩ kwa ala me ũtee, mũkĩtangĩĩa ĩvinda. 6#Aev 4.29; Mko 9.50; 1 Vet 3.15.Ndeto syenyu syĩthĩwe na mumo mavinda onthe, isamae mũnyũ, nĩ kana mũmanye ũndũ mwaĩlwe nĩ ũsũngĩa kĩla mũndũ.
Ngethi syake mwene na mũminũkĩlyo
(AEVESO 6.21–22)
7 #
Aev 6.21. Maũndũ makwa onthe Tikiko akamũmanyĩthya, nake nĩ mwana‐a‐asa mwendwa, na mũthũkũmi wĩ na kĩthito, na ngombo vamwe nakwa nthĩnĩ wa Mwĩaĩi: 8#Aev 6.22.nake nĩmũtũmĩte oke kwenyu kwondũ wa ũndũ o ũsu, nĩ kana mũmanye ũndũ tũilyĩ, na nĩ kana amũkiakisye ngoo syenyu; 9#Vil 1.10.vamwe na Onesimo, ũla mwana‐a‐asa wĩ na kĩthito na mwendwa, nake nĩ ũmwe wenyu. Makamũtavya maũndũ onthe ala mekawa kũũ.
10 #
Meko 19.29; 27.2; 18.27. Alisitaliko mwovwa vamwe nakwa nĩmwamũkethya, na Maliko, mwĩvae wa Valanava (ũla mwoosie mĩao ũndũ wake; ethĩwa akooka kwenyu mũthokyei), 11na Yesũ, ũla wĩtawa Yusito, nao nĩ andũ ala maĩkawa: asu me oka nĩ atethya ma wĩa vamwe nakwa kwondũ wa ũsumbĩ wa Ngai, andũ ala mangiakiisye. 12#Ako 1.7.Evavila, nake nĩ ũmwe wenyu, ngombo ya Klĩsto Yesũ, nĩwamũkethya, aithetheesya kũvoya kwondũ wenyu mavinda onthe, nĩ kana mũũngame mwĩ ethĩanu na mwĩthĩwe mũte na nzika nongi kwendanĩ kw’onthe kwa Ngai. 13Nũndũ nĩngũmũkũsĩĩa, e na wĩa mwingĩ kwondũ wenyu, na kwondũ wa ala ma Laotisia, na kwondũ wa ala ma Ielavoli. 14#2 Tim 4.10,11; Vil 1.24.Luka, mũiiti ũla mwendwa, na Ndema nĩmamũkethya. 15Ngethesyai ana‐a‐asa ala me Laotisia, na kethyai Nimba, na ĩkanisa yĩla yĩ nyũmbanĩ yake. 16Na valũa ũũ wasomwa kwenyu, twaai ũsomwe naw’o ĩkanisanĩ ya Alaotisia; na inyw’ĩ nenyu mwĩsoma valũa ũla wĩuma Laotisia. 17#Vil 1.2.Na mwĩe Alikivo atĩĩ, Sũvĩa mũno ũthũkũmi ũla wosete nthĩnĩ wa Mwĩaĩi, nĩ kana ũwĩanĩsye.
18 #
1 Ako 16.21; 2 Ath 3.17. Ngethi yakwa, nyie Vaulo nĩngũandĩka na kw’oko kwakwa mwene. Lilikanai kwovwa kwakwa. Mumo nĩwĩthĩwe nenyu.
Currently Selected:
AKOLOSAI 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
