AKOLOSAI 3
3
Ũndũ kũkĩtĩkaa ũndũ wa kũthayũũkw’a vamwe na Klĩsto
1 #
Sav 110.1; Ako 2.12. Ethĩwa ĩndĩ mwathayũũkiw’e vamwe na Klĩsto, manthai maũndũ ala me ĩũlũ, vala Klĩsto ũĩ, ailyi nthĩ ngalĩ ya kw’oko kwa aũme kwa Ngai. 2#Mt 6.33.Mosũanĩo menyu malũme maũndũnĩ ala me ĩũlũ, na ti maũndũnĩ ala me nthĩ. 3#Alo 6.2.Nĩkwĩthĩwa nĩmwakwie, na thayũ wenyu ũvithĩtwe vamwe na Klĩsto nthĩnĩ wa Ngai. 4#1 Ako 15.43; Avi 1.21; Aka 2.20.Yĩla Klĩsto ũkonanw’a, nake nĩwe thayũ witũ, nĩvo ĩndĩ nenyu mũkonanw’a vamwe nake ũtheunĩ mũtisu.
5 #
Alo 6.6; 8.13; Aev 4.19; 5.3,5. Kwondũ wa ũu, ũaai mamutha menyu ala me kũũ nthĩ: ũlaalai, na ũvuku, na mĩmeo mĩthũku, na kwenda maũndũ mathũku, na ĩtomo, nayo nĩ kũthaitha mĩvw’anano; 6#Aev 5.6.kwondũ wa maũndũ asu ũthatu wa Ngai wũkaa kwa ana ala matew’aa: 7nenyu tene mwaendaa nthĩnĩ wamo, yĩla mwatwĩe maũndũnĩ asu; 8#Aev 4.25–31; 5.4.ĩndĩ yu vetai kũasa nenyu maũndũ asu onthe: ũthatu, na ũthilĩku, na kĩmena, na kũumana, ndeto mbathe itikethĩwe makanyw’anĩ menyu: 9#Aev 4.22.mũikaneene ũvũngũ ene kwa ene; nĩkwĩthĩwa nĩmumĩtye mũndũ ũla wa tene na meko make, 10#Aev 4.24; Mwa 1.27.na nĩmwĩvw’ĩkĩte mũndũ mweũ, ũla ũtũngawa mweũ kũvikĩa ũmanyi kũatĩĩa mũvw’ano wa ũla wamũmbie: 11#Aka 3.28.vala vatatonyeka kwĩthĩwa Mũkiliki kana Mũyuti, kwaĩkwa kana kũlea kwaĩkwa, ũla ũte na ũmanyi kana Mũsithiani, ngombo kana ũla ũte ngombo; ĩndĩ Klĩsto nĩ onthe, na e nthĩnĩ wa onthe.
12 #
1 Vet 2.9; Aev 4.2,32; 5.2. Ĩndĩ tondũ mwĩ anyuve ma Ngai, atheu na endwa, ĩvw’ĩkei ngoo yĩ na ĩnee ya kwĩw’anĩa tei, wĩnyivyo, ũuu, wũmĩĩsyo; 13#Mt 6.14; Aev 4.32; 5.2.kũmĩĩasya ũmwe kwa ũla ũngĩ, na kũekeanĩa ene kwa ene, ethĩwa mũndũ o na wĩva e na ũndũ na ũngĩ; o tondu Mwĩaĩi wamũekeie, inyw’ĩ nenyu ĩkaai o ta ũu: 14#Alo 13.8,10; Aev 4.3.na mbee wa maũndũ aa onthe ĩvw’ĩkei wendo, naw’o nĩ wovano wa wĩanĩu. 15#Aev 4.4; Avi 4.7; 1 Ako 12.13,27.Na mũuo wa Klĩsto ũsumbĩke ngoonĩ syenyu, ũla kwondũ waw’o nenyu mweetiwe nthĩnĩ wa mwĩĩ ũmwe; na ĩthĩwai na mũvea. 16#Aev 5.19.Ndeto ya Klĩsto yĩkalae na ũthwii mwingĩ nthĩnĩ wenyu; nthĩnĩ wa ũĩ w’onthe mũimanyĩan’ya na kũtaana inyw’ĩ kwa inyw’ĩ na savuli na mbathi sya kũmũkumya Ngai na mbathi sya veva, mũkĩmwinĩa Ngai na mumo ngoonĩ syenyu. 17#1 Ako 10.31; Aev 5.20.Na ũndũ o na wĩva mwĩkaa, kwa ndeto kana kwa meko, ĩkaai w’onthe syĩtwanĩ ya Mwĩaĩi Yesũ, mũimũnenga Ngai Asa mũvea kwondũ wake.
Mwĩkalĩle wa mũsyi wa Ũklĩsto
(AEVESO 5.22—6.9)
18 #
Aev 5.22—6.9. Iveti, ĩnyivĩsyei aũme menyu ũndũ waĩle nthĩnĩ wa Mwĩaĩi. 19#1 Vet 3.7.Aũme, endai iveti syenyu, na mũikasyĩw’ĩe woo. 20Syana mew’ei asyai menyu maũndũnĩ onthe, nũndũ ũu nĩwendeeasya nthĩn ĩ wa Mwĩaĩi. 21Aasa, mũikathatye syana syenyu, itikakw’e ngoo. 22Ngombo, mew’ei mavwana menyu kwondũ wa mwĩĩ maũndũnĩ onthe; ti na ũthũkũmi wa kũsyaĩĩwa, ta endeesya ma andũ, ĩndĩ na ũthalĩku wa ngoo, mũkĩmũkĩa Mwĩaĩi: 23ũndũ mũkwĩka o na wĩva, wĩkei kuma ngoonĩ, ta kũmũthũkũma Mwĩaĩi, na ti andũ: 24mwĩsĩ kana mũkoosa kuma kwa Mwĩaĩi ĩtuvi ya ũla ũtiĩwa: nũndũ nĩmũthũkũmaa Mwĩaĩi Klĩsto. 25#Alo 2.11.Nũndũ ũla wĩkaa ũthũku akoosa ĩngĩ kwondũ wa ũthũku ũla wekie: na kũi wendeesyo wa andũ.
Currently Selected:
AKOLOSAI 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
