1 ATHESALONIKA 1
1
Ngethi na kũtũnga mũvea nũndũ wa mũĩkĩĩo wa Athesalonika
1 #
Meko 15.40; 17.1; 2 Ath 1.1. Vaulo, na Silivano, na Timotheo, valũa ũũ witũ ũyĩvikĩe ĩkanisa ya Athesalonika yĩla yĩ nthĩnĩ wa Ngai Asa na Mwĩaĩi Yesũ Klĩsto: Mumo nĩwĩthĩwe nenyu na mũuo.
2 #
2 Ath 1.11. Nĩtũũmũtũngĩa Ngai mũvea mavinda onthe kwondũ wenyu inyw’onthe, tũkĩmũweta mboyanĩ sitũ; 3#1 Ako 13.13; Ako 1.4,5.tũkĩlilikana tũteũeka wĩa wenyu wa mũĩkĩĩo, na kũthĩnĩa wĩa kwenyu kwa wendo, na wũmĩĩsyo wenyu wa wikwatyo nthĩnĩ wa Mwĩaĩi waitũ Yesũ Klĩsto, mbee wa Ngai Asa waitũ: 4tũkĩmanya, ana‐a‐asa, endwa ma Ngai, kũnyuvwa kwenyu, 5#1 Ako 2.5.nĩkwĩthĩwa ũvoo mũseo witũ ndwaamũvikia na ndeto syoka, ĩndĩ na vinya, na nthĩnĩ wa Veva Mũtheu, na wĩanĩu wa ũmanyi; o tondũ mwĩsĩ ũndũ mwĩkalile witũ wailyĩ mbee wenyu kwondũ wenyu. 6#1 Ako 4.16; Meko 13.52; 2 Ath 3.9.Nenyu mwatw’ĩka eelekan’ya maitũ, na ma Mwĩaĩi, mwosete ĩla ndeto na ũnyamao mwingĩ, vamwe na ũtanu wa Veva Mũtheu; 7#1 Ath 4.10; Avi 3.7; 1 Vet 5.3.na nũndũ wa ũu mũtw’ĩkĩte ngelekan’yo kwa andũ onthe ala metĩkĩlaa Masetonia na Akaia. 8#Alo 1.8.Nũndũ isyũ ya ndeto ya Mwĩaĩi nĩyĩw’ĩkĩte yumĩte kwenyu, na ti Masetonia na Akaia kw’oka, ĩndĩ kĩla vandũ mũĩkĩĩo wenyu ũla mwi naw’o kwa Ngai nũtũnganĩte; na nũndũ wa ũu tũi na vata wa kũneena ũndũ. 9#Meko 14.15; Yoa 17.3; 1 Ako 12.2.Nũndũ mo ene nĩmeũtavan’ya ũvoo witũ ũndũ kwailyĩ kũlika kwitũ kwenyu; na ũndũ mweethyũũie kũmweiekela Ngai na kũtia mĩvw’anano, nĩ kana mũthũkũme Ngai ũla wĩ thayũ na ũla wa w’o. 10Na kũmweteela Mwana wake kuma ĩtunĩ, ũla wamũthayũũkisye kũmumya kwa akw’ũ, nake nĩ Yesũ, Mũtũtangiĩi kwa ũthatu ũla wũkĩte.
Currently Selected:
1 ATHESALONIKA 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
