2 TIMOTHEO 2
2
1We ĩndĩ, mwana wakwa, ĩthĩwa ũkyongeleelwa vinya mumonĩ ũla wĩ nthĩnĩ wa Klĩsto Yesũ. 2Na maũndũ ala weewie kwakwa na ngũsĩ nyingĩ, asu maie kwa andũ me na kĩthito, ala makatonya kũmanyĩsya angĩ nao. 3#2 Tim 1.8; 4.5.Ũmĩĩsya maũndũ maito vamwe nakwa, ta mũsikalĩ mũseo wa Klĩsto Yesũ. 4Vai mũsikalĩ e kaũnĩ ũvĩndanĩw’a na maũndũ ma thayũ ũũ; nĩ kana amwendeesye ũla wamũandĩkie ethĩwe mũsikalĩ. 5#2 Tim 4.8.Na ĩngĩ ethĩwa mũndũ etata mathaũnĩ, ndanengawe ngovĩa, ate o akakĩlan’ya ũndũ weeaiwe. 6#1 Ako 9.7,10.Nĩkwaĩle mũĩmi ũla watethisye wĩa ethĩwe wa mbee kwosa mosyao. 7Sũanĩa ũndũ ũla ngwasya; nũndũ Mwĩaĩi akakũnenga ũmanyi maũndũnĩ onthe. 8#Alo 1.3; 2.16; 1 Ako 15.4,20; 2 Sam 7.12.Mũlilikane Yesũ Klĩsto, ũla wathayũũkie kuma akw’ũnĩ, ũla waĩ wa ũsyao wa Ndaviti, kwĩanana na ũvoo mũseo wakwa: 9#Aev 3.1,13; Avi 1.12–14; 2.17.ũla kwondũ waw’o nĩthĩnaw’a kũvika kwovwa, ta mwĩki wa naĩ; ĩndĩ ndeto ya Ngai ndyovawa. 10#Ako 1.24.Kwondũ wa ũu nũmĩĩasya maũndũ onthe nũndũ wa ala anyuve, nĩ kana nao mose ũtangĩĩo ũla wĩ nthĩnĩ wa Klĩsto Yesũ vamwe na ũtaĩo wa tene na tene.
11Nĩ ndeto ya kũĩkĩĩwa:
#
2 Ako 4.11. Nũndũ ethĩwa twakwie vamwe nake, tũkeethĩwa thayũ naw’o vamwe nake;
12Ethĩwa nĩtũkũmĩĩsya, tũkasumbĩka vamwe nake:
#
Mt 10.33. Ethĩwa tũkamũkaĩa we, nake akatũkaĩa ithyĩ:
13 #
Alo 3.2,3; Mot 23.19. Ethĩwa tũti na kĩthito, we ekalaa na kĩthito;
nũndũ ndatonya kwĩkaĩa mwene.
Ũkan’yo iũlũ wa ngananĩo
14 #
1 Tim 6.4; Tito 3.9. Malilikan’ye maũndũ asu, ũkĩmeaĩa mbee wa Mwĩaĩi, maikethĩwe na ngananĩo sya ndeto, ila ite na kĩndũ imoneaa, na imaasya ala mew’aa. 15#1 Tim 4.6; Lk 12.42; Tito 2.7,8.Thangaa kwĩnengane mwene wĩtĩkĩlĩlwe nĩ Ngai, mũtethya wa wĩa ũtasonokw’a, ũivathũkan’ya ũndũ waĩle ndeto ya ũla w’o. 16#1 Tim 4.7.Ĩndĩ ĩvathane na ndeto sya mana: nũndũ ikaendeea na mbee ũndũnĩ wa kũlea kũmũkĩa Ngai, 17#1 Tim 1.20.na ndeto yoo ĩkeethĩwa ĩkĩya ta kĩtau kya yaso: asu amwe nĩ Aimenaio na Vileto; 18andũ ala mavĩtĩtye ũla w’o, makyasya kana ũthayũũkyo nĩ mũvĩtu o na yu, na maing’uthũla mũĩkĩĩo wa amwe. 19#Mot 16.5,26; Yoa 10.14; Isa 26.13; 28.16,17.Ĩndĩ wambĩlĩlyo mũlũmu wa Ngai nũũngeme, wĩ na ũsiĩlo ũũ, Mwĩaĩi nũmesĩ ala make: na, Kĩla mũndũ ũwetaa syĩtwa ya Mwĩaĩi natie ũndũ ũte ũlũngalu. 20#1 Ako 3.12.Na nyũmbanĩ nene vaiĩthĩawa mĩio ya thaavu na vetha yoka, ĩndĩ o na ya mĩtĩ na ya yũmba; na ĩmwe yĩ na ndaĩa na ĩngĩ ĩte na ndaĩa. 21#2 Tim 3.17.Ethĩwa ĩndĩ mũndũ etheasya kwa asu, akeethĩwa e mũio wa kwona ndaĩa, ũvathĩtwe ethĩwe mũtheu, waĩle wĩa wa Mwĩaĩi, ũseũvĩtw’e kwa kĩla wĩa mũseo. 22#1 Tim 6.11; 1.5.Ĩndĩ kĩa mĩmeo ya wana, na ũkĩatĩĩa ũlũngalu, na mũĩkũo, na wendo, na mũuo, vamwe na ala mamwĩkaĩlaa Mwĩaĩi na ngoo ntheu. 23#1 Tim 4.7.Ĩndĩ lea mokũlyo ma ũtumanu na ala mate na ũmanyi, ũkĩmanya kana maetae ngandanĩo. 24#Tito 1.7.Na ngombo ya Mwĩaĩi ndyaĩlwe nĩ ũkandanĩa, ĩndĩ nĩyaĩle kwĩthĩwa ĩ nduu kwa andũ onthe, ĩ na ũtonyi wa kũmanyĩsya, ĩ na wũmĩĩsyo: 25#1 Tim 2.4.ĩkĩmataa na ũuu ala akananĩi; no kwĩthĩwa Ngai emanenga ũalyũlo wa ngoo kũvika ũmanyi wa ũla w’o, 26matonye ũvindũka na kuma mũkwanĩ wa ndevili matavĩtwe nĩ mũthũkũmi wa Mwĩaĩi, kũvika kwĩka kwenda kwa Ngai.
Currently Selected:
2 TIMOTHEO 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
