2 TIMOTHEO 1
1
Ngethi na kũtũnga mũvea
1Vaulo, mũtũmwa wa Klĩsto Yesũ kwondũ wa kwenda kwa Ngai, kwĩanana na watho wa thayũ ũla wĩ nthĩnĩ wa Klĩsto Yesũ, 2valũa ũũ wakwa ũmũvikĩe Timotheo, mwana wakwa mwendwa: Mumo, na tei, na mũuo, kuma kwa Ngai Asa na Klĩsto Yesũ Mwĩaĩi waitũ.
3 #
Meko 23.1; 24.16; Avi 3.5. Nĩmũtũngĩa Ngai mũvea, ũla nĩmũthũkũmaa na wasya wa ngoo mũtheu o ta aaũmae makwa, ũndũ ngũlilikanaa vate kũeka mboyanĩ syakwa, ũtukũ na mũthenya; 4ngĩlilikana methoi maku, nĩ na mea ma ũkwona, nĩ kana ũtanu wakwa wusũe; 5#Meko 16.1.nũndũ nĩlilikanĩte mũĩkĩĩo ũte na wangangan’yo ũla wĩ naw’o; ũla tene waĩ na ũsũe waku Loisi, na waĩ na mwenyu Eunike; na nĩnĩtĩkĩlĩte vyũ, kana naku wĩ naw’o. 6#1 Ath 5.19; 1 Tim 4.14.Kwondũ wa ũu nĩngũũlilikan’ya wakan’ye ũla mũthĩnzĩo wa Ngai wĩ naw’o kwondũ wa kwilĩĩlwa moko makwa. 7#Alo 8.15.Nũndũ Ngai ndaatũnenga veva wa w’ĩa; ĩndĩ atũnengie veva wa vinya na wa wendo na wa kĩlĩko kĩanĩu. 8#Alo 1.16.Kwondũ wa ũu ndũkawĩw’ĩe nthoni ũkũsĩ wa Mwĩaĩi waitũ, o na ndũkambĩw’ĩe nthonĩ nyie mwovwa wake; ĩndĩ ũmĩĩasya maũndũ maito vamwe na ũvoo mũseo kwĩanana na vinya wa Ngai; 9#Tito 3.5.ũla watũtangĩĩe, na kũtwĩta na wĩtano mũtheu, ti kwĩanana na meko maitũ tondũ mailyĩ, ĩndĩ kwĩanana na kwenda kwake mwene na mumo ũla twanengiwe nthĩnĩ wa Klĩsto Yesũ mbee wa mavinda ma tene tene, 10#Alo 16.26; Aevl 2.14; 1 Ako 15.55,57.ĩndĩ yu nĩwonanĩtw’e kwondũ wa kumĩla kwa Mũtangĩĩi waitũ Klĩsto Yesũ, ũla wanangie kĩkw’ũ, na kumĩlya thayũ na kũveta wanangĩko kwondũ wa ũvoo mũseo, 11#1 Tim 2.7.naw’o kwondũ waw’o nyie naiiwe mũtavan’ya, na mũtũmwa, na mũmanyĩsya. 12Kwondũ wa ũu nĩngũthĩnw’a nĩ maũndũ aa nao: ĩndĩ ndiũsonoka; nũndũ nĩnĩmwĩsĩ we ũla nĩtĩkĩlĩte, na ĩngĩ nĩnĩsĩ vyũ kana we nũtonya kũsũvĩaa kĩla niĩte kwake kũvika mũthenya ũsu. 13#1 Tim 6.3; Tito 2.1.Kwata kĩeleelo kya ndeto ila syaĩle ila weewie kwakwa, na mũĩkĩĩo na wendo ũla wĩ nthĩnĩ wa Klĩsto Yesũ. 14#1 Tim 6.20.Ũndũ ũsu mũseo ũla wiĩtwe kwaku ũsũvĩe kwa nzĩa ya Veva Mũtheu ũla ũtwĩe nthĩnĩ waitũ.
Ũtao wa kwĩthĩwa na ũthangaau mũnene na ũkũmbaũ
15 #
2 Tim 4.16. Nĩwĩsĩ ũũ, kana onthe ala me Asia nĩmaalũkile na mandia; na amwe mao nĩ Vikelo na Elimakane. 16Mwĩaĩi namew’ĩe tei ala ma nyũmba ya Onesivolo: nũndũ nĩwambuũkisye kaingĩ, na ndaawĩw’ĩa nthoni ũla mũnyololo wakwa; 17ĩndĩ, yĩla waĩ Lomi, amanthie na ũthangaau, na ambona 18#Yuta 1.21.(Mwĩaĩi namũnenge kwona tei wa Mwĩaĩi mũthenya ũsu); we nĩwĩsĩ nesa nĩ maũndũ meana ata wanthũkũmie namo Eveso.
Currently Selected:
2 TIMOTHEO 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
