1 TIMOTHEO 6
6
Ngombo
1 #
Aev 6.5; Tito 2.9,10. Ngombo o na syĩva ila syĩ ĩsokinĩ nitale mavwana masyo nĩmaĩle ndaĩa yonthe, nĩ kana syĩtwa ya Ngai na ũla ũmanyĩsyo maikaumwe. 2#Vil 1.16.Na ala me na mavwana metĩkĩlĩte, maikamavũthye, nũndũ nĩ ana‐a‐ĩthe; ĩndĩ kavaa mamathũkũme, nũndũ ala monaa ũtethyo wa wĩa woo nĩ etĩkĩli na endwa. Maũndũ aa manyĩsya, noitaa.
Momanyĩsyo ma ũvũngũ
3 #
Aka 1.6–9; 2 Tim 1.13. Ethĩwa mũndũ o na wĩva amanyĩasya ũmanyĩsyo ũngĩ, na ndeũsyĩtĩkĩla ndeto syĩ na waĩlo, nasyo nĩ ndeto sya Mwĩaĩi waitũ Yesũ Klĩsto, na ũmanyĩsyo wĩanene na kũmũkĩa Ngai; 4e na ngathĩĩo, na nde ũndũ wĩsĩ, ĩndĩ mwĩkalo wake nĩ wa ũwau wa kũkũlangya na kũkananĩa ndeto, vala vaumaa kĩwĩu, na ĩteta, na kũumana, na kũtalĩlya ũthũku, 5#2 Tim 3.8; 4.4; Tito 1.14.na motũngĩthan’yo ma andũ ala manangĩkĩte kĩlĩkonĩ kyoo, na ala mevetee ũla w’o, makĩtalĩlya kũmũkĩa Ngai nĩ nzĩa ya kwona ũtandĩthyo.
Ũthwii wa w’o
6 #
1 Tim 4.8; Aevl 13.5; Avi 4.11,12. Ĩndĩ kũmũkĩa Ngai vamwe na kwĩanĩwa nĩ kĩla twĩ nakyo nĩ ũtandĩthyo mũnene: 7#Mũta 5.15; Yovu 1.21.nũndũ tũtyaaũka kũũ nthĩ twĩ na kĩndũ, o na tũitonya kuma na kĩndũ; 8#Nth 30.8.ĩndĩ tweethĩwa na kya ũya na kya kwĩvw’ika, syĩndũ isu ikatwĩanĩa. 9#Nth 23.4; 28.22.Ĩndĩ ala mekwenda kwĩthĩwa athwii nĩmavalũkaa na kũlika kũtatwanĩ na mũkwanĩ na mĩmeonĩ mingĩ ya ũtumanu na ya kũthũkya, ta ĩla ĩthikaa andũ makaa na kwanangĩka. 10#Aev 5.5.Nũndũ wendi wa mbesa nĩ kĩtina kya mĩthemba yonthe ya ũthũku: namo andũ amwe makĩsyenda mũno, nĩmaĩtw’e na kũtia ũla mũĩkĩĩo, na kwĩtonya ene na mawoo maingĩ.
Matao kwa Timotheo mwene
11 #
2 Tim 2.22. Ĩndĩ we, mũndũ wa Ngai, kĩa maũndũ asu; noiatĩĩa ũlũngalu, na kũmũkĩa Ngai, na mũĩkĩĩo, na wendo, na wũmĩĩsyo, na ũuu. 12#1 Ako 9.25,26; 2 Tim 4.7.Ĩlũlũmĩlye kũkita kaũ ũla mũseo wa ũla mũĩkĩĩo, lũmya ũla thayũ wa tene na tene, ũla weetĩwe wĩthĩwe naw’o, na wakũsĩĩe ũkũsĩ mũseo ngũsĩ nyingĩ syene. 13#Yoa 18.36,37; 19.11.Nĩngũkwĩaĩa mbee wa Ngai, ũla ũnengae syĩndũ syonthe thayũ, na mbee wa Klĩsto Yesũ, ũla wakũsĩĩe ũkũsĩ mũseo yĩla waĩ mbee wa Vondio Vilato; 14kana ũsũvĩae mwĩao ũũ, ũte ĩlanga, ũtaweteka ũthũku, kũvika kumĩla kwa Mwĩaĩi waitũ Yesũ Klĩsto: 15#1 Tim 1.11; Ũvu 17.14; Kũt 10.17.mavindanĩ makw’o we mwene nũkonan’ya, ũla Mũtonyi mũtaĩwa e weka, Mũsumbĩ wa asumbĩ, na Mwĩaĩi wa eaĩi; 16#Kuma 33.20.ũla e we weka ũtakwatawa nĩ kĩkw’ũ, ũtwĩe kyeninĩ kĩtathengeeka; o na vai mũndũ waamwona, o na ndatonya ũmwona; nĩwe mwene ndaĩa na vinya tene na tene. Ameni.
17 #
Sav 62.10; Lk 12.20; Alo 12.16. Meaĩe ala me na ũthwii wa nthĩ ĩno, maikekathĩĩe, o na maikekwatye ũthwii ũla wanangĩkaa, ĩndĩ mekwatye Ngai, ũla ũtũnengae syĩndũ syonthe na wingĩ, tũtanaw’e nĩsyo; 18kana mekae nesa, kana methĩwe athwii ma kwĩkaa nesa, methĩwe meyũmbanĩtye kumya syĩndũ syoo, methĩwe me na mũamba wa ngoo na ala angĩ; 19#Mt 6.20.meyiĩe ene mwambĩlĩlyo mũseo wa ĩvinda yĩla yũkite, nĩ kana makwate ũla thayũ wa tene na tene, naw’o nĩ thayũ wa w’o.
20 #
1 Tim 4.7; 2 Tim 1.14. Naku Timotheo, sũvĩa kĩla kyaiiwe kwaku, wĩvathane na ndeto sya mana na sya ngananĩo sya kĩla kĩtwa ũmanyi na tiw’o; 21#1 Tim 1.6; 2 Tim 2.18.amwe nĩmekwitĩkĩla ũu na nĩmavĩtĩtye ũla mũĩkĩĩo.
Mumo nĩwĩthĩwe naku.
Currently Selected:
1 TIMOTHEO 6: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
