2 ATHESALONIKA 3
3
Tũvoyeei
1 #
Ako 4.3; 1 Ath 5.25. Kũminũkĩlya, ana‐a‐asa, tũvoyeei, kana ndeto ya Mwĩaĩi ĩtonye ũthi ĩsembete na kũtaĩwa, o ũndũ ĩtilyĩ kwenyu; 2na kana tũtangĩĩwe kwa andũ mbaa matũ na andũ athe; nũndũ ti andũ onthe me na mũĩkĩĩo. 3#1 Ath 5.24.Ĩndĩ Mwĩaĩi e na kĩthito, nake akamũlũlũmĩlya, na kũmũsũvĩa kwa ũla mũthũku. 4#1 Ath 4.10; Aka 5.10; 2 Ako 7.16.Na nĩtũũmũĩkĩĩa Mwĩaĩi kwondũ wenyu, kana nĩmũkwĩka maũndũ ala tũmwĩaĩaa na mũkamekaa. 5Na Mwĩaĩi natongoesye ngoo syenyu ilike wendonĩ wa Ngai, na wũmĩĩsyonĩ wa Klĩsto.
Mwĩao wa kũtethya wĩa
6 #
Mt 18.17; Alo 16.17; 1 Ath 5.14; 4.1. Nĩtũũmwĩaĩa, ana‐a‐asa, syĩtwanĩ ya Mwĩaĩi waitũ Yesũ Klĩsto, kana mwĩvathane na kĩla mwana‐a‐asa ũla ũvikĩlaa maũndũ mataĩle, na ti kũvikĩla ũmanyĩsyo ũla mwoosie kwitũ. 7#Avi 3.17; 1 Ath 2.1; 1.6.Nũndũ inyw’ĩ ene nĩmwĩsĩ ũndũ mwaĩlwe nĩ kwĩelekan’ya naitũ: nĩkwĩthĩwa tũtyaavikĩla maũndũ mataĩle yĩla twaĩ kwenyu: 8#1 Ako 4.12; 1 Ath 2.9.o na tũtyaaya lĩu wa mũndũ o na wĩva mana, ĩndĩ wĩanĩ wĩ vinya na ũnyamaonĩ, ũtukũ na mũthenya twatethisye wĩa, nĩ kana tũikamũtw’ĩkĩe mũio mũndũ o na wĩva kwenyu: 9#Mt 10.10; 1 Ako 4.16; 1 Ath 1.6,7.ti kwĩthĩwa tũti na ũkũmũ, ĩndĩ nĩ kana twĩtw’ĩkĩthye ngelekan’yo kwenyu, nĩ kana inyw’ĩ mwĩelekanasye naitũ. 10#Mwa 3.19; 1 Ath 3.4; 4.11.Nũndũ o yĩla twaĩ nenyu, nĩtwamwĩaĩe ũũ. Ethĩwa mũndũ o na wĩva ndekwenda kũtethya wĩa, o na kũya, ndakaye. 11#1 Ath 5.14.Nũndũ nĩtũkwĩw’a ũvoo wa andũ amwe ala maendaa katĩ wenyu ũndũ ũtaĩle, ala matatethasya wĩa nongi, ĩndĩ nĩ elikya maũndũnĩ ma andũ angĩ. 12#1 Ath 4.11.Na ala mailyĩ ũu nĩtũũmeaĩa na kũmataa nthĩnĩ wa Mwĩaĩi Yesũ Klĩsto, kana matethye wĩa mauĩtye, na kũya lĩu woo ene. 13#Aka 6.9.Ĩndĩ inyw’ĩ, ana‐a‐asa, mũikanoe nĩ kwĩka nesa. 14#1 Ako 5.9,11.Na ethĩwa mũndũ o na wĩva ndew’aa ndeto yaitũ ya valũa ũũ, mũsisyei mũndũ ũsu, mũikavulane nake, nĩ kana asonoke. 15#1 Ath 5.13,14.Ĩndĩ mũikamũtale kwĩthĩwa nĩ mũmaitha, ĩndĩ mũtaei ta mwana‐a‐asa.
Ũathimo
16 #
1 Ath 5.23. Na yu Mwĩaĩi wa mũuo we mwene namũnenge mũuo mavinda onthe maũndũnĩ onthe. Mwĩaĩi nĩethĩwe vamwe nenyu inyw’onthe.
17 #
1 Ako 16.21. Ngethi yakwa, nyie Vaulo, na kw’oko kwakwa mwene, naw’o nĩ ũvano kĩla valũanĩ; ũu nĩw’o nĩandĩkaa. 18Mumo wa Mwĩaĩi waitũ Yesũ Klĩsto nĩwĩthĩwe vamwe nenyu inyw’onthe.
Currently Selected:
2 ATHESALONIKA 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
