2 ATHESALONIKA 2
2
Mavĩtyo ma kwĩsilĩlya kũka kwa Klĩsto
1 #
1 Ath 4.13–17. Ĩndĩ nĩtũũmwĩsũva, ana‐a‐asa, ũndũ wa ũvoo wa kũka kwa Mwĩaĩi waitũ Yesũ Klĩsto, na kũmbanĩa kwitũ mbee wake; 2nĩ kana mũikathingithw’e na mĩtũkĩ ilĩkonĩ syenyu, kana mũikaũũye, o na ethĩwa nĩ kwondũ wa veva, o na ndeto, o na valũa ũũtalwa ta wumĩte kwitũ ta mũthenya wa Mwĩaĩi nĩ mũviku; 3#1 Tim 4.1; Yoa 17.12; 1 Yoa 2.18; 4.3.mũndũ o na wĩva ndakamũkenge na ũndũ o na wĩva: nũndũ mũthenya ũsu ndũkoka, ũalyũko ũtambĩte kũka, na ũla mũndũ wa naĩ kũvuanw’a, mwana wa wanangĩko, 4#Nda 11.36; Esek 28.2.ũla wĩsiĩĩa na kwĩnenevya mwene ĩũlũ wa kyonthe kĩla kĩtawa Ngai kana kĩla kĩthaithawa; ũndũ wĩĩkalaa ĩkalũnĩ ya Ngai, akĩyonan’ya ta nĩwe Ngai. 5Mũtiũlilikana, kana, yĩla naĩ nenyu, namũtavisye maũndũ asu? 6Na yu nĩmwĩsĩ kĩla kĩsiĩĩaa, nĩ kana atonye kũvuanw’a ĩvinda yake mwene. 7#Meko 20.29.Nĩkwĩthĩwa ĩla nzama ya ũng’endu yu nĩnĩũtethya wĩa: ĩndĩ kwĩ ũmwe ũla ũsiĩĩaa yu, kũvika yĩla ũkathũkw’a nzĩanĩ. 8#Isa 11.4; Yovu 4.9; Ũvu 19.15,20.Nĩvo ĩndĩ ũla mũng’endu ũkavuanw’a, ũla Mwĩaĩi Yesũ wĩmũaa na mĩthũmũ ya kanyw’a wake, na kũmwananga na ũvuan’yo wa kũka kwake; 9#Mt 24.24; Ũvu 13.11–13.ũla kũka kwake nĩ kwĩanana na kwĩka kwa Satani na vinya w’onthe na syama na moseng’yo ma ũvũngũ, 10#2 Ako 2.15; 4.3.na ũkengani w’onthe wa ũla ũte ũlũngalu kwa ala maaa; nĩkwĩthĩwa matyaaosa wendo wa ũla w’o, nĩ kana matangĩĩwe. 11#2 Tim 4.4.Na kwondũ wa ũu Ngai nũmaeteae vinya wa kũmasya, nĩ kana metĩkĩle ũvũngũ: 12nĩ kana onthe masilĩlwe ala maleile kwĩtĩkĩla ũla w’o, ĩndĩ nĩmatanĩe ũla ũte ũlũngalu.
Kũtũnga mũvea ĩngĩ na mboya
13 #
Aev 1.4; Kũt 33.12; 1 Ath 2.13; 4.7. Ĩndĩ nĩtwaĩlwe nĩ kũmũtũngĩa Ngai mũvea mavinda onthe kwondũ wenyu, ana‐a‐asa, endwa ma Mwĩaĩi, nĩkwĩthĩwa Ngai nĩwamũnyuvie inyw’ĩ kuma mwambĩlĩlyonĩ mwone ũtangĩĩo kwondũ wa kũvathwa nĩ Veva na kwĩtĩkĩla ũla w’o: 14#1 Ath 4.7; 5.9.nake amwĩtĩe ũndũ ũsu kwondũ wa ũvoo mũseo witũ, mwose ũtheu mũtisu wa Mwĩaĩi waitũ Yesũ Klĩsto. 15Kwondũ wa ũu ĩndĩ, ana‐a‐asa, ũngamai na ũlũmu, na kũkwata momanyĩsyo ala mũmanyĩĩtw’e, ethĩwa nĩ ndeto, kana nĩ valũa witũ.
16 #
1 Ath 3.11–13. Na yu Mwĩaĩi waitũ Yesũ Klĩsto mwene, na Ngai Asa waitũ ũla watwendie na kũtũnenga ũkiakisyo ũtathela na wĩkwatyo mũseo kwondũ wa mumo, 17nakiakisye ngoo syenyu na kwilũlũmĩlya nthĩnĩ wa kĩla wĩa mũseo na ndeto.
Currently Selected:
2 ATHESALONIKA 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
