2 AKOLINTHO 9
9
1 #
2 Ako 8.4,20. Nũndũ ũndũ wa ũthũkũmi kwondũ wa ala atheu, ndi na vata wa ũmũandĩkĩa: 2nũndũ nĩnĩsĩ kwĩyũmban’ya kwenyu, kũla ngwĩkathĩĩa nũndũ wakw’o ngalĩ ĩla yenyu kwa ala ma Masetonia, kana andũ ma Akaia nĩmeyũmbanĩtye mwaka mũima; na ũthangaau wenyu nũthangaaĩtye aingĩ mũno moo. 3Ĩndĩ namatũma ana‐a‐asa, nĩ kana kwĩkathĩĩa kwitũ kwondũ wenyu kũtikatw’ĩke kwa mana ũndũnĩ ũũ; nĩ kana mwĩthĩwe mwĩyũmbanĩtye, o ũndũ naisye: 4nĩ kana kũikethĩwe kwa ũndũ o na wĩva, ethĩwa andũ ma Masetonia makookan’ya nakwa na kũmwona mũteyũmbanĩtye, ithyĩ tũsonoke ũndũ wa kũĩkĩĩa kũla twamũĩkĩĩe (tũikwasya nĩ inyw’ĩ mwĩsonoka). 5Ĩndĩ nonie nĩnaĩlwe nĩ kũmesũva ana‐a‐asa asu, nĩ kana maendae mbee kũvika kwenyu, na kũmban’ya ũla mũthĩnzĩo wenyu wathanĩtwe, nĩ kana wĩthĩwe wũmbanĩtw’e ũndũ waĩle mũthĩnzĩo, na ti kumw’a na vinya.
Kũnengane na ũlau mũthĩnzĩo wa Ngai nthĩnĩ wa Klĩsto
6 #
Nth 11.24; 19.17. Ĩndĩ nĩneena ndeto ii, Ũla ũvuĩaa nini akethaa nini; na ũla ũvuĩaa nyingĩ akethaa nyingĩ. 7#Alo 12.8; 1 Mav 29.17.Kĩla mũndũ nĩeke o tondũ utw’ĩte ngoonĩ yake: ti kwa kulea kwenda, kana kwa kũingĩĩw’a: nũndũ Ngai endete mũndũ ũnenganae na ũtanu. 8Na Ngai nũtonya kwingĩvya mumo w’onthe kwa inyw’ĩ; nĩ kana inyw’ĩ, mwĩanĩwe vyũ mavinda onthe maũndũnĩ onthe, mwingĩve kĩla wĩanĩ mũseo: 9#Sav 112.9.o tondũ kũandĩkĩtwe,
Nũvuĩĩte, nũnengete ngya;
Ũlũngalu wake nĩwĩkalaa tene na tene.
10 #
Isa 55.10; Osea 10.12. Na ũla ũnengae mũvuĩi mbeũ na kĩmũtũ kya kũya, akamũnenga na kwingĩvya mbeũ syenyu sya ũvuĩaa, na akaingĩvya mosyao ma ũlũngalu wenyu: 11#2 Ako 1.11; 4.15.mwĩthĩwe mũthuĩtw’e maũndũnĩ onthe kũvika ũlau w’onthe, ũla kwondũ wa wĩa witũ ũtumaa Ngai atũngĩwa mũvea. 12#2 Ako 8.14.Nũndũ kwĩka kwa ũthũkũmi ũũ kũtyĩanĩasya mavata ma ala atheu kw’oka, ĩndĩ nakw’o nĩkwingĩvasya mĩvea kwa Ngai: 13nũndũ makĩmũosya na ũthũkũmi ũũ mamũtaĩaa Ngai kwondũ wa wĩwi wa kumbũla kwenyu kwa ũvoo mũseo wa Klĩsto, na kwondũ wa ũlau wa ũelo wenyu kwamo na kwa andũ onthe; 14nao ene, makĩsũvana kwondũ wenyu, me na mea nenyu mũno nũndũ wa mumo wa Ngai ũla wingĩvĩte mũno nthĩnĩ wenyu. 15Ngai natũngĩwe mũvea kwondũ wa mũthĩnzĩo wake ũtaweteka.
Currently Selected:
2 AKOLINTHO 9: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
