2 AKOLINTHO 10
10
Vaulo aitavan’ya ũkũmũ wake wumaa kwa Ngai
1 #
1 Ako 2.3; Aka 5.2. Na yu, nyie Vaulo mwene, nĩngũmwĩsũva na wĩnyivyo na ũuu wa Klĩsto, nyie ũla nĩ na wĩnyivyo yĩla nĩ vamwe nenyu, ĩndĩ neethĩwa nĩ kũasa nenyu nĩ na ũkũmbaũ mwingĩ kwenyu: 2#1 Ako 4.21.ĩĩ, nĩngũmwĩsũva, nĩ kana yĩla nĩĩthĩwa vamwe nenyu ndikethĩwe ngyonan’ya ũkũmbaũ mũnene ũla ngũtala kũmakũmbaĩa amwe, ala matũtalaa ta tũendaa kĩ‐mwĩĩ. 3Nũndũ o na kau twĩkinya na mwĩĩ, tũikũkita kwĩanana na mwĩĩ 4#Aev 6.13–17.(nũndũ mĩio ya kaũ ya kũkita kwitũ ti ya mwĩĩ, ĩndĩ yĩ na vinya kwa Ngai wa kũomboa ngome syĩ vinya); 5tũkĩomboa malilikano, na kĩla kĩndũ kĩtũlu kĩtũlĩtye kĩlee ũmanyi wa Ngai, na tũkĩete kĩla kĩsũanĩo ũkombonĩ wa kũmwĩw’a Klĩsto; 6#2 Ako 2.9.na tũkĩthĩwa twĩyũmbanĩtye kũivanĩsya kũlea kwĩw’a kw’onthe, o yĩla kwĩwa kwenyu kũkeanĩw’a. 7Mwĩsisya maũndũ ala me mbee wa mothyũ menyu. Ethĩwa mũndũ o na wĩva nũkwĩĩkĩĩa mwene kana nĩ wa Klĩsto, nasũanĩe ĩngĩ nthĩnĩ wake, kana, o ũndũ we nĩ wa Klĩsto, naitũ no ta ũu. 8#2 Ako 12.6; 1 Ako 5.4,5.Nũndũ o na ngekathĩĩa mũnango kwondũ wa ũkũmũ witũ (ũla Ngai watũnengie wa kũmwaka, na ti wa kũmũomboa), ndikasonoka: 9ndikesa kwoneka ta ngũmũtĩsya na mavalũa makwa. 10Nĩkwĩthĩwa measya, Mavalũa make nĩ maito na me vinya; ĩndĩ yĩla wĩ vo mwĩĩnĩ nĩ kyonze, na ũneeni wake ndwĩ ũndũ ũtonya. 11#2 Ako 13.2,10.Ũla uilyĩ ũu nasũanĩe ũũ, kana, o ũndũ tũilyĩ ndetonĩ sya mavalũa tũte vo, nĩw’o tũilyĩ kwa meko twĩ vo. 12#2 Ako 3.1; 5.12.Nũndũ tũti na ũkũmbaũ wa kwĩtala kana kwĩelekan’ya na asu ala mekwĩkathĩĩa ene: ĩndĩ nao ene, makĩthima ene kwa ene, na kwĩelekan’ya ene kwa ene, mati na ũmanyi. 13#Alo 12.3.Ĩndĩ ithyĩ tũikekathĩĩa kũvita vala tũthimĩwe, ĩndĩ o kwĩanana na kĩthimo kĩla Ngai watũthimĩe, nĩ kana tũvike o na kwenyu. 14Nũndũ tũtiũvĩtũka vala tũthimĩwe, ta tũteũvika kwenyu: nũndũ twambie kũvika o na kwenyu tũkĩtavan’ya ũvoo mũseo wa Klĩsto: 15#Alo 15.20.o na ti kwĩkathĩĩa kũvĩtũka vala tũthimĩwe, ta kwĩkathĩĩa mawĩanĩ ma andũ angĩ; ĩndĩ tũkĩkwatya kana ũndũ mũĩkĩĩo wenyu wĩanaa, tũkataĩwa kwenyu mũno kwĩanana na vala tũthimĩwe, 16#Meko 19.21.nĩ kana tũtonye kũtavan’ya ũla ũvoo mũseo kũvika nthĩ ila syĩ mbee wa kwenyu, tũtekwĩkathĩĩa wĩanĩ wa mũndũ ũngĩ maũndũnĩ ala maminĩtwe kũseũvw’a. 17#Yel 9.23; 1 Ako 1.31.Ĩndĩ ũla ũnũkwĩkathĩĩa, nĩekathĩĩe nthĩnĩ wa Mwĩaĩi. 18#1 Ako 4.5.Nũndũ ti ũla ũnũkwĩkathĩĩa mwene wĩtĩkĩlawa, ĩndĩ no ũla Mwĩaĩi ũnũũmũkathĩĩa.
Currently Selected:
2 AKOLINTHO 10: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
