2 AKOLINTHO 3
3
Ala matangĩĩwe nũndũ wa Vaulo
1 #
2 Ako 5.12; Alo 16.1; Meko 18.27. Nĩtũkwambĩlĩlya ĩngĩ kwĩĩkĩĩthya ithyĩ ene? Kana twĩ vata na mavalũa ma kũtũĩkĩĩthya maetwe kwenyu kana maume kwenyu tondũ amwe mekaa? 2#1 Ako 9.2.Valũa witũ nĩ inyw’ĩ, ũandĩkĩtwe ngoonĩ sitũ, ũla wĩsĩkĩwe na ũsomawa nĩ andũ onthe; 3#Kuma 24.12; 31.18; 34.1; Nth 3.3; 7.3; Esek 11.19; 36.26; Yel 31.33; Alo 15.16.mũkyonanw’a kana mwĩ valũa wa Klĩsto, ũthũkũmĩtwe nĩ ithyĩ, ũla ũtaandĩkĩtwe na ingi, ĩndĩ na Veva wa Ngai ũla wĩ thayũ; na ti masengeanĩ ma mavia, ĩndĩ nĩ masengeanĩ ma ngoo sya nyama. 4Na wĩkwatyo ũsu twĩ naw’o ũmwelekele Ngai kwondũ wa Klĩsto: 5#2 Ako 2.16.ti atĩ nĩtwĩanĩsye ĩthyĩ ene kũsũanĩa ũndũ o na wĩva ta wumĩte kwitũ; ĩndĩ wĩanĩsyo witũ wumaa kwa Ngai; 6#Yel 31.31; 1 Ako 11.25; Alo 7.6; Yoa 6.63.ũla nake watwĩanĩsye twĩthĩwe athũkũmi ma ũtianĩo mweũ; ti wa ũandĩko, ĩndĩ nĩ wa veva; nũndũ ũandĩko nĩwũaa, ĩndĩ veva ũetae thayũ.
Ũtheu mũtisu wa Ũvoo Mũseo ũivw’ananwa na ũtheu mũtisu wa Mĩao
7 #
Kuma 34.30. Ĩndĩ ethĩwa ũla ũthũkũmi wa kĩkw’ũ, waandĩkĩtwe ũvanĩtwe masengeanĩ ma mavia, wookie na ũtheu mũtisu, ũndũ ana ma Isilaeli matyaatonya kũketeea ũthyũ wa Mose kwondũ wa ũtheu mũtisu waw’o; na nĩ ũtheu mũtisu ũla wavĩtĩte: 8#Aka 3.2,5.nĩ mbee veana ata ũthũkũmi wa veva kwĩthĩwa wĩ na ũtheu mũtisu kwĩ ũsu? 9#Kũt 27.26; Alo 1.17; 3.21.Nũndũ ethĩwa ũthũkũmi wa ũsilĩlo wĩ na ũtheu mũtisu, ũthũkũmi wa ũlũngalu wĩ na ũtheu mũtisu kũvĩtũka mũno mbee. 10#Kuma 34.29.Nũndũ nĩ w’o ũla wataĩiwe ndwaĩ ũtaĩo ũndũnĩ ũũ, nũndũ wa ũtaĩo ũvĩtũkĩte mũno. 11Nũndũ ethĩwa ũla ũvĩtĩte waĩ na ũtaĩo, ũla wĩkalaa nũvĩtũkĩte mũno mbee.
12Kwondũ wa kwĩthĩwa twĩ na wĩkwatyo ta ũsu, twĩneena na ũkũmbaũ mũnene, 13#Kuma 34.33,35.na tũtitilyĩ ta Mose, ũla wavw’ĩkie ũthyũ wake suka mũvũthũ, nĩ kana ana ma Isilaeli maikaketeee mũminũkĩlyo wa ũndũ wavĩtĩte: 14#Alo 11.25.ĩndĩ mosũanĩo moo maĩ momũ: na kũvika mũnthĩ ũũ, ũtianĩo wa tene ũkĩsomwa, suka ũsu wĩ o vo, ndwaavetwa; ĩndĩ nũvetawa nthĩnĩ wa Klĩsto. 15Ĩndĩ kũvika ũmũnthĩ, o yĩla mavuku ma Mose meũsomwa, suka ũsu nũvw’ĩkĩte ngoo syoo. 16#Alo 11.23,26; Kuma 34.34.Ĩndĩ ĩvinda o yĩla mũndũ wĩmwĩthyũũĩa Mwĩaĩi, suka ũsu nũvetawa. 17#Yoa 7.39; 8.36; Kuma 16.7; 24.17; Alo 8.2.Ĩndĩ Mwĩaĩi nĩwe Veva; na vala ve Veva wa Mwĩaĩi, nĩvo ve ũthasyo. 18Ĩndĩ ithyonthe, na mothyũ mate mavw’ĩke tũkyona ũtheu mũtisu wa Ngai ta kĩsisyonĩ, nĩtũũalyũlwa na kwosa mũvw’ano ũsu, kuma ũtheu mũtisu kũvĩkĩa ũtheu mũtisu, o ta kuma kwa Mwĩaĩi, nake nĩwe Veva.
Currently Selected:
2 AKOLINTHO 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
