2 AKOLINTHO 2
2
1 #
2 Ako 12.21; 1 Ako 4.21. Ĩndĩ nĩnatwie ũu nyie mwene, kana ndikoke kwenyu ĩngĩ nĩ na woo. 2Nũndũ ethĩwa nyie ngamwĩw’ĩthya woo, nũũ ũla ũkambĩw’ĩthya mũyo ate o ũla wĩw’ĩthĩtw’e woo nĩ nyie? 3Na nĩnaandĩkie ũndũ ũũ naw’o, nĩ kana, nooka, ndikew’ĩthw’e woo nĩ ala naĩle nĩ ũmatanĩa; ngĩmũĩkĩĩa inyw’onthe, kana ũtanu wakwa nĩ ũtanu wenyu inyw’onthe. 4#Meko 20.31.Nũndũ namũandĩkĩe na methoi maingĩ nĩ na thĩna mwingĩ na kũũũya kwa ngoo; ti kana inyw’ĩ mwĩw’ĩthw’e woo, ĩndĩ nĩ kana mũmanye wendo ũla nĩ naw’o, ũndũ wingĩvĩte kwenyu.
Mũvĩtan’ya mwĩlilu atũngwe ĩkanisanĩ
5 #
1 Ako 5.1. Ĩndĩ ethĩwa ve ũmwe o na wĩva wew’ĩthanĩtye woo, ndaambĩw’ĩthya woo nyie, ĩndĩ ũndũ ũnini amwĩw’ĩthĩtye woo inyw’onthe (nĩ kana ndikamũvivinye mũno). 6Nĩwĩanĩe kwa mũndũ ta ũsu ũkan’yo ũla ũkanĩtw’e nĩ aingĩ; 7na inyw’ĩ ĩndĩ kavaa mũmũekee na kũmũkiakisya, nĩ kana mũndũ ũsu ndakaemelelwe kwondũ wa kwingĩvĩwa nĩ woo wake. 8Kwondũ wa ũu nĩngũmwĩsũva mũlũlũmĩlye wendo wenyu kwa ũsu. 9#2 Ako 7.15.Nũndũ namũandĩkĩe kwondũ wa ũu, nĩ kana nĩmanye mwĩkalĩle wenyu, kana mwĩ ewi maũndũnĩ onthe. 10#Lk 10.16.Ĩndĩ ũla mũmũekee ũndũ o na wĩva, nyie nakwa nĩngũmũekea: nũndũ ũla naekeie nyie, ethĩwa naekeie ũndũ o na wĩva, nĩnaekeie kwondũ wenyu mbee wa Klĩsto; 11#Lk 22.31.nĩ kana tũikasesengwe nĩ Satani: nũndũ tũti ala matesĩ mosũanĩo make.
Matatwa na mokĩlan’yo ma Ũvoo Mũseo
12 #
Meko 14.27; 1 Ako 16.9. Na yĩla navikie Teloa kwondũ wa ũvoo mũseo wa Klĩsto, na yĩla navingũĩwe mũomo nthĩnĩ wa Mwĩaĩi, 13#Meko 20.1.veva wakwa ndwaausya nũndũ ndyaamwona Tito mwana‐a‐asa wakwa: ĩndĩ neanĩe nao, nauma nathi Masetonia.
14Ĩndĩ Ngai nakathwe, ũla ũtũtongoeasya mavinda onthe ũkĩlan’yonĩ nthĩnĩ wa Klĩsto, na ũla wonanĩlasya nthĩnĩ waitũ mũuke wa ũmanyi wake kũndũ kw’onthe. 15#1 Ako 1.18.Nũndũ twi mũuke mũseo wa Klĩsto kwa Ngai, kũla kwĩ ala meũtangĩĩwa, na kũla kwĩ ala mekwaa; 16#2 Ako 3.5,6; Lk 2.34.kwa amwe nĩ mũuke wumĩte kĩkw’ũnĩ kũthi kĩkw’ũnĩ; na kwa angĩ nĩ mũuke wumĩte thayũnĩ kũthi thayũnĩ. Na nũũ ũtonya kwĩanĩsya maũndũ aa? 17#2 Ako 1.12; 1 Vet 4.11.Nũndũ ithyĩ tũtiilyĩ ta aingĩ ala mathũkasya ndeto ya Ngai: ĩndĩ, twĩ ala ma w’o, ala matũmĩtwe nĩ Ngai, tũneenaa mbee wa Ngai nthĩnĩ wa Klĩsto.
Currently Selected:
2 AKOLINTHO 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
