2 AKOLINTHO 4
4
Ũndũ ũthũkũmi wa Vaulo wailyĩ: ũtavan’yo wa ũkũmbaũ
1 #
2 Ako 3.6; 1 Ako 7.25. Kwondũ wa ũu, nĩkwĩthĩwa twĩ na ũthũkũmi ũũ, o ũndũ twĩw’ĩwe tei, tũtiũteva: 2#2 Ako 2.17; 1 Ath 2.5.ĩndĩ nĩtũleete maũndũ mavithe ma nthoni, na tũtiendaa na ũseleke, kana kũvulan’ya ndeto ya Ngai na ũkengani: ĩndĩ na kwonan’ya ũla w’o, nĩtũkwĩĩkĩĩthya ene wasyanĩ wa ngoo wa kĩla mũndũ mbee wa Ngai. 3#1 Ako 1.18.Ĩndĩ o na ethĩwa ũvoo mũseo witũ nĩ mũvw’ĩke, nĩ mũvw’ĩke kwa ala mekwaa: 4#Aevl 1.3; Aev 2.2; 2 Ath 2.11; Ako 1.15.ala nthĩnĩ woo ila ngai ya nthĩ ĩno nĩyaĩtye mosũanĩo ma ala matetĩkĩlaa, nĩ kana kyeni kya ũtheu mũtisu wa ũvoo mũseo wa Klĩsto, nake nĩwe mũvw’ano wa Ngai, kĩikamaumĩlĩle. 5#2 Ako 1.24.Nũndũ tũikwĩtavan’ya ithyĩ ene, ĩndĩ twĩtavan’ya Klĩsto Yesũ kana nĩwe Mwĩaĩi, na ithyĩ ene ta ngombo syenyu kwondũ wa Yesũ. 6#2 Ako 3.18; Mwa 1.3; Isa 9.1.Nĩkwĩthĩwa nĩ Ngai ũla waisye, Kyeni kĩkakena kuma kĩvindunĩ, nake nĩwakenie ngoonĩ sitũ, kũtũnenga kyeni kya ũmanyi wa ũtheu mũtisu wa Ngai ũthyũnĩ wa Yesũ Klĩsto.
Wonzu wa mũtũmwa na vinya wa Ngai
7 #
2 Ako 5.1; Meko 9.15. Ĩndĩ twĩ na ũthwĩĩ ũsu mĩionĩ ya mũthanga, nĩ kana vinya ũsu mũnene ũvĩtũkĩte wĩthĩwe wĩ wa Ngai, na ti kuma kwitũ; 8#2 Ako 1.8; 7.5.nĩtũlĩlĩĩlawa ngalĩ syonthe, ĩndĩ ti kũthyũlũlũkwa; nĩtũsũanĩawa, ĩndĩ ti kwĩyĩtũka: 9nĩtũatĩĩawa, ĩndĩ tũtiũtiwa; nĩtũvalũkawa nthĩ, ĩndĩ tũikwanangwa; 10#1 Ako 15.31.mavinda onthe nĩtũkuaa kũawa kwa Yesũ mĩĩnĩ yaitũ nĩ kana thayũ wa Yesũ naw’o wonanw’e mĩĩnĩ yaitũ. 11#Alo 8.36.Nũndũ ithyĩ ala twĩ thayũ tũnenganawe tũkw’e mavinda onthe kwondũ wa Yesũ, nĩ kana thayũ wa Yesũ naw’o wonanw’e mĩĩnĩ yaitũ ĩla ĩkusaa. 12Kwa ũu ĩndĩ, kĩkw’ũ nĩkĩtethasya wĩa nthĩnĩ waitũ, ĩndĩ nthĩnĩ wenyu nĩ thayũ. 13#Sav 116.10.Ĩndĩ nũndũ twĩ na veva wa ũla mũĩkĩĩo, kwĩanana na ũndũ kũandĩkĩtwe, Nĩneetĩkĩlile, na kwondũ wa ũu nĩnaneenie; naitũ nĩtũkwĩtĩkĩla, na kwondũ wa ũu naitũ nĩtũneenaa; 14#1 Ako 6.14.twĩsĩ kana we ũla wamũthayũũkisye Mwĩaĩi Yesũ akatũthayũũkya ithyĩ naitũ vamwe na Yesũ, na kũtũnengane vamwe nenyu. 15#2 Ako 1.3–6. Nũndũ maũndũ onthe nĩ kwondũ wenyu, nĩ kana mumo, ũkingĩvw’a kwondũ wa aingĩ, ũtume mũvea wingĩvw’a nĩ kana Ngai ataĩwe.
Thĩna wa kavinda na ũtaĩo ũtathimika wa tene na tene
16 #
Aev 3.16. Kwondũ wa ũu tũtiũteva; ĩndĩ o na ethĩwa mũndũ ũũ waitũ wa mwĩĩ nũnũkwoa, ĩndĩ mũndũ waitũ wa nthĩnĩ nĩweũvaw’a kĩla mũthenya. 17#Alo 8.17,18.Nũndũ thĩna ũũ witũ mũvũthũ, ũla wa kavinda kanini, nũtethasya wĩa mbee na mbee mũno wa utũetee ũtaĩo ũtathimĩka wa tene na tene; 18#Ako 1.16.tũteũsyaĩĩsya syĩndũ ila syonekaa, ĩndĩ tũkĩsyaĩĩsya syĩndũ ila itonekaa: nũndũ syĩndũ ila syonekaa no sya kavinda; ĩndĩ syĩndũ ila itonekaa nĩ sya tene na tene.
Currently Selected:
2 AKOLINTHO 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
