2 AKOLINTHO 11
11
Kũtuwa mũtũmwa kwake nĩ kwa w’o
1Nĩ ũseo ethĩwa nĩmutonya kũmĩĩsya ũtũmanu wakwa mũnini: ĩĩ, mbũmĩĩsyai. 2#Aev 5.26,27.Nũndũ nĩmwĩw’ĩaa kĩwĩu, ĩĩ, kĩwĩu kya Ngai: nũndũ nyie nĩmwĩvaĩsye mũũme ũmwe, nĩtonye ũmũnenga Klĩsto ta mwĩĩtu mũtheu. 3#Mwa 3.4,13.Ĩndĩ nĩngũkĩa kũikethĩwe kwa ũndũ o na wĩva, o tondũ ĩla nzoka yamũkengie Eva na ũseleke wayo, mosũanĩo menyu manangwe na kũtia ũlũngalu na ũtheu ũla welekele Klĩsto. 4#Aka 1.8,9.Nũndũ ethĩwa ũla wĩũka emũtavya ũvoo wa Yesũ ũngĩ, ũla tũtaamũtavya, kana ethĩwa mwĩosa veva ũngĩ, ũla mũtaaosa, kana ũvoo mũseo ũngĩ, ũla mũtaawĩtĩkĩla, nĩ ũseo mũmĩĩsye. 5#2 Ako 12.11; 1 Ako 15.10; Aka 2.6,9.Nũndũ nĩngũtala kana ndi ĩtina o na vanini wa atũmwa ala anene mbee. 6#1 Ako 2.1,2,13; Aev 3.4.Ĩndĩ o na ngethĩwa nĩ mũndũ ũtesĩ ũneena, ĩndĩ ũmanyinĩ tiw’o ndilyĩ; ĩndĩ maũndũnĩ onthe kwa nzĩa syonthe nĩtũmwonetye ũu. 7#1 Ako 9.12,18.Kana nĩneekie naĩ ngĩnyivya nĩ kana inyw’ĩ mũtũlw’e, nũndũ namũtavisye ũvoo mũseo wa Ngai vate ĩtuvi? 8#Avi 4.10,15.Navutie makanisa angĩ, ngyosa ĩtuvi kwoo nĩ kana nĩmũthũkũme inywĩ; 9#2 Ako 12.13.na yĩla naĩ vamwe nenyu na naĩ mũnyivĩe, ndyaĩ mũio kwa mũndũ o na wĩva; nũndũ ana‐a‐asa, mooka kuma Masetonia, nĩmo mambusũisye kũnyivĩwa kwakwa; na maũndũnĩ onthe nesũvĩie ndikethĩwe nĩ mũio kwenyu, na ngeesũvĩaa o ũu. 10#1 Ako 9.15.O ũndũ w’o wa Klĩsto wĩ nthĩnĩ wakwa, vai mũndũ wĩnziĩĩa kwĩkathĩĩa kwakwa nĩ nthĩ sya Akaia. 11Nũndũ wa kĩ? Nĩkwĩthĩwa ndiũmwenda? Ngai nĩwĩsĩ. 12Ĩndĩ ũla ngwĩka, nĩw’o ngeka, nĩ kana nĩmaĩsye ũthei asu mekwenda ũthei; nĩ kana moneke taitũ, ũndũnĩ ũsu mekwĩkathĩia. 13#2 Ako 2.17; Avi 3.2.Nũndũ andũ ta asu nĩ atũmwa ma ũvũngũ, atethya ma wĩa na ũseleke, makĩalyũla ene methĩwe ta atũmwa ma Klĩsto. 14Na ti ũndũ wa useng’ya; nũndũ o na Satani nake nĩwĩalyũlaa mwene ethĩwe ta mũlaĩka wa kyeni. 15Na kwondũ wa ũu ti ũndũ ũnene athũkũmi make kwĩalyũla methĩwe ta athũkũmi ma ũlũngalu; namo mũminũkilyo woo ũkeethĩwa ta mawĩa moo.
Ũsyaanĩsyo wa Vaulo na atũmwa ma ũvũngũ
16 #
2 Ako 12.6. Nĩmũtavya ĩngĩ, Mũndũ ndakasye nĩ mũtumanu; ĩndĩ ethĩwa no ũu, mbosai ta mũtumanu, nĩ kana nyie nakwa nĩkathĩĩe vanini. 17Ũu ngũneena, ndiũneena ta wumĩte kwa Mwĩaĩi, ĩndĩ ta kwa ũtumanu, wĩkwatyonĩ ũũ wa kwĩkathĩĩa. 18Nĩkwĩthĩwa aingĩ mekathĩĩaa maũndũni ma mwĩĩ, nakwa ngeekathĩĩa. 19Nũndũ nĩmũmĩĩasya ala atumanu na ũtanu, nĩkwĩthĩwa mwĩ oĩ. 20Nũndũ nĩmũmĩĩasya mũndũ, akĩmũlikya ũkombonĩ, aimũya, aimũtava, akĩnenevya, aimũkũna ũthyũ. 21Nĩneena na kwĩvũthĩĩsya, ta twaĩ onzu ithyĩ. Ĩndĩ ũndũnĩ o na wĩva ve ngũmbaũ (nĩneena na ũtumanu), nyie nakwa nĩ ngũmbaũ. 22#Avi 3.5.Nĩ Ayuti mo? O nakwa. Nĩ Aisilaeli mo? O nakwa. Nĩ ũsyao wa Avalaamu mo? O nakwa. 23#1 Ako 15.10.Nĩ athũkũmi ma Klĩsto? (Nĩneena ta ũla wĩ na ndũũka) nyie nĩ mbee; mathĩnanĩ ma wĩa nyie nĩ mbee mũno, naĩ kolokolonĩ kaingĩ muno, kũkũnwa nĩ kaingĩ mbee, na kĩkw’ũnĩ nĩ kaingĩ. 24#Kũt 25.3.Kwa Ayuti nĩnakũniwe mavinda atano ivoko mĩongo ĩna kũoleka kĩmwe. 25#Meko 16.22; 14.19.Nĩkũnangĩtwe na ndata mavinda atatũ, nĩkimangĩtwe na mavia ĩvinda yĩmwe, ngalawa syaanangĩkie mavinda atatũ nĩ kyalonĩ, naĩ ũkanganĩ ũtukũ ũmwe na mũthenya ũmwe; 26naĩ syalonĩ kaingĩ, mĩisyonĩ ya mbũsĩ, mĩisyo ya ing’ei, mĩisyo ya andũ ma mbaitũ, mĩisyo ya Andũ‐ma‐mbaĩ‐ingĩ, mĩisyo ya ndũanĩ, mĩisyo ya weũnĩ, mĩisyo ya ũkanganĩ, mĩisyo ya ana‐a‐asa ma ũvũngũ; 27#2 Ako 6.5.thĩnanĩ wa mawĩa na woonĩ, kũsyaĩĩsya nĩ kaingĩ, kwĩw’a nzaa na waũni, kũtĩĩa kũya nĩ kaingĩ, mbevonĩ na kũtwĩkĩwa. 28#Meko 20.18–21.Na eka maũndũ ala ndanaweta, ve ũla ũmbivinyaa matukũ onthe, kũũũyĩa makanisa onthe. 29#1 Ako 9.22.Nũũ ũla mwonzu, nakwa ndi mwonzũ? Nũũ ũla ũnũũlulutĩkw’a, na ndikũvya nĩ woo? 30#2 Ako 12.6.Ethĩwa no mũvaka nĩkathĩĩe, ngeekathĩĩa maũndũnĩ asu ma wonzu wakwa. 31#2 Ako 1.23.Ngai, Ĩthe wa Mwĩaĩi waitũ Yesũ, ũla ũtaĩawa kũvika tene na tene nĩwĩsĩ kana ndiũneena ũvũngũ. 32Ndũanĩ ya Ndamasiku, ngavana ũla waĩ ĩtheo wa mũsumbĩ Aleta nĩwasũvĩie ndũa ĩsu ya Andamasiku, nĩ kana angwate: 33#Meko 9.24,25.na natonyelw’e mbũthinĩ natheelelw’a ũvainĩ nĩ kĩkavũnĩ nthĩnĩ, na natbonoka mokonĩ make.
Currently Selected:
2 AKOLINTHO 11: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
