2 AKOLINTHO 12
12
Mawoni na movuan’yo ma Mwĩaĩi, na mawonzu matumie atekathĩĩa
1Mũvaka nĩkathĩĩe, o na kau ti ũndũ waĩle; ĩndĩ ngaweta mawoni na movuan’yo ma Mwĩaĩi. 2Nĩnĩsĩ mũndũ nthĩnĩ wa Klĩsto, yu nĩvĩtĩte myaka ĩkumi na ĩna (ethĩwa aĩ nthĩnĩ wa mwĩĩ, ndyĩsĩ; kana ethĩwa ndaĩ nthĩnĩ wa mwĩĩ, ndyĩsĩ; Ngai nĩwĩsĩ), ũsu ambatiw’e kũvika ĩtunĩ ya katatũ. 3Nakwa nĩnĩmwĩsĩ mũndũ ũsu (ethĩwa aĩ nthĩnĩ wa mwĩĩ, kana ndaĩ nthĩnĩ wa mwĩĩ, ndyĩsĩ; Ngai nĩwĩsĩ), 4#Lk 23.43; Ũvu 2.7.ũndũ wambatiw’e alikw’a Ũseonĩ, na eew’a ndeto ila itaweteka, na ila itaĩle mũndũ kwineena. 5#2 Ako 11.30.Kwondũ wa mũndũ ũtilyĩ ta ũsu ngeekathĩĩa; ĩndĩ kwondũ wakwa ndiĩkathĩĩa, ate o mawonzunĩ makwa. 6#2 Ako 10.8; 11.16.Nũndũ o na ngethĩwa ngyenda kwĩkathĩĩa, ndikethĩwa nĩ mũtumanu; nũndũ nganeena w’o: ĩndĩ nĩngũeka, nĩ kana mũndũ o na wĩva ndakandalĩle mbee wa ũndũ wonaa niilyĩ, kana ũla wĩw’aa kuma kwakwa. 7#Yovu 2.6.Na kwondũ wa movuan’yo asu manene mũno mavĩtũku, nĩ kana ndikethĩwe ngĩnenevya mbee wa ũndũ naĩlwe, nanengiwe mwĩw’a mwĩĩnĩ wakwa, mũtũmwa wa Satani wa kũnumangya, nĩ kana ndikenenevye mbee wa ũndũ naĩlwe. 8Kwondũ wa kindũ kyu navoya Ngai katatũ, ni kana kyume kwakwa. 9Nake ambĩa, Mumo wakwa nũkwĩanĩe: nĩkwĩthĩwa vinya wakwa wĩanĩe vala ve wonzu. Ngeekathĩĩa ĩndĩ wonzunĩ wakwa na ũtanu mwingĩ, nĩ kana vinya wa Klĩsto wĩkalae ĩũlũ wakwa. 10#Avi 4.13.Kwondũ wa ũu nĩtanaa mawonzunĩ, na mbũthyanĩ, na mavatanĩ, na mathĩnanĩ, na monyamaonĩ, kwondũ wa Klĩsto: nĩkwĩthĩwa yĩla nĩ mwonzu, nĩvo nĩ na vinya.
Vaulo aionan’ya kwĩkathĩĩa kwake
11 #
2 Ako 11.5. Nĩtw’ĩkĩte mũtumanu: nĩ inyw’ĩ mwatumie nĩka ũu; nũndũ nyie naĩle kũkathwa nĩ inyw’ĩ: nũndũ ndyaĩ ĩtina wa atũmwa ala me mbee kwa ũndũ o na ũmwe, o na kau nyie ti kĩndũ. 12#Alo 15.19.Nĩ w’o, maũndũ ala monanasya mũtũmwa nĩmeekiwe kwenyu na wũmĩĩsyo w’onthe, na syama na maũndũ ma ũseng’ya na mavinya. 13#2 Ako 11.9.Nũndũ nĩ ũndũnĩ mwaũ mũnyivĩwe kwĩ makanisa ala angĩ, ate o kana nyie ndyaĩ mũio kwenyu? Ndekeai ĩvĩtyo yĩu.
14 #
2 Ako 13.1. Sisyai, yĩĩ nĩ ya katatũ nĩyũmbanĩtye kũka kwenyu; na ndikethĩwa nĩ mũio kwenyu: nũndũ ndiũmantha syĩndũ syenyu, ĩndĩ nĩ inyw’ĩ: nũndũ syana ityaĩlwe nĩ kũmbanĩsya asyai, ĩndĩ asyai nĩmaĩlwe nĩ kũmbanĩsya syana. 15#Avi 2.17.Nakwa nyie nganengane na ũtanu mwingi na kwĩnengane vyũ kwondũ wenyu. Ethĩwa nyie nĩmwendaa mũno mbee, nĩw’o ũtuma mũnyivya kũmbenda? 16Ĩndĩ o na ethĩwa nĩ ũu, nyie mwene ndyaamwilĩĩla mũio; ĩndĩ kwa kwĩthĩwa nĩ mũĩ, namũkwatie na ũseleke. 17Nĩmũsesengetwe nĩ ũmwe o na wĩva wa ala natũmie kwenyu? 18#2 Ako 8.6,16–18.Namũtaie Tito, na natũmie ũla mwana‐a‐asa vamwe nake. Tito nĩwamũsesengie? Tũiaendaa na Veva o ũmwe? Na matambya o amwe?
19Na ĩvinda yĩĩ yonthe mwaasya kana nĩtũkwĩmila kwenyu. Mbee wa Ngai tũneenaa nthĩnĩ wa Klĩsto. Ĩndĩ maũndũ onthe, endwa, nĩ kwondũ wa kũmwaka. 20#2 Ako 10.2; 1 Ako 4.6.Nũndũ nĩngũkĩa, kũikethĩwe kwa ũndũ o na wĩva, yĩla nĩũka, nĩmwone mũilyĩ ũndũ ndekwenda, nakwa mwene noneke nĩ inyw’ĩ nĩilyĩ ũndũ mũtekwenda; kũikethĩwe kwa undũ o na wĩva ĩteta, na kĩwĩu, na mothiliku, na ngananĩo, na nzukũ, na kũwetana na kĩwe, na mĩyimbyo na ituu; 21#2 Ako 2.1; 13.2.nakwa yĩla nĩũka ĩngĩ Ngai wakwa ndakese kũnyivya mbee wenyu, nise kwĩthĩwa na kĩmako ũndũ wa aingĩ ala meekie naĩ, na matyaalyũla ngoo ũndũ wa ũvuku na ũlaalai na mĩmeo mĩthũku ala meekie.
Currently Selected:
2 AKOLINTHO 12: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
