1 ATHESALONIKA 4
4
Matao ũndũ wa mwĩkalĩle
1 #
2 Ath 3.6. Kũminũkĩlya ĩndĩ, ana‐a‐asa, nĩtũũmwĩsũva na kũmũtaa nthĩnĩ wa Mwĩaĩi Yesũ, kana, o ũndũ mwoosie kwitũ ũndũ mwaĩlwe nĩ kũendaa na kũmwendeesya Ngai, o ũndũ mũendaa, kana mwongeleele ũu mũno mbee. 2Nũndũ nĩmwĩsĩ mĩao ĩla twamũnengie kwondũ wa Mwĩaĩi Yesũ. 3#1 Ath 5.23; Aevl 10.10; 1 Vet 1.16.Nũndũ ũũ nĩw’o ũla wendetwe nĩ Ngai, naw’o nĩ kũvathwa kwenyu mwĩthĩwe atheu, nĩ kana mwĩvathane na ũlaalai; 4#1 Ako 6.13,15.kana kĩla ũmwe wenyu amanye ũndũ wa kwĩkalya mwĩĩ wake mwene kũvathwanĩ na ndaĩanĩ, 5#Yel 10.25; Sav 79.6.ti nthĩnĩ wa wendi mũthũku, o ta Andũ‐ma‐mbaĩ‐ingĩ ala matamwĩsĩ Ngai; 6#Sav 94.2.nĩ kana mũndũ o na wĩva ndakavĩtye, na kũmwĩka mwana‐a‐ĩthe naĩ ũndũnĩ ũsu: nĩkwĩthĩwa Mwĩaĩi nĩ mũĩvanĩsya maũndũnĩ asu onthe, o ũndũ twamwonisye mbee na twakũsĩĩa. 7#2 Ath 2.13,14.Nĩkwĩthĩwa Ngai ndaatwĩtĩa ũvuku, ĩndĩ nĩ kũvathwa. 8#Lk 10.16; Esek 36.27; 37.14.Kwondũ wa ũu ũla ũnũũlea, ndeũmũlea mũndũ, ĩndĩ emũlea Ngai, ũla ũmũnengae inyw’ĩ Veva Mũtheu wake.
9 #
Yoa 13.34; Yel 31.33,34. Ĩndĩ ũndũ wa wendano wa ana‐a‐asa mũi na vata wa mũndũ kũmũandĩkĩa: nũndũ inyw’ĩ ene nĩmũmanyĩaw’a nĩ Ngai kwendana ene kwa ene; 10#2 Ath 3.4.nũndũ nĩ w’o nĩmwĩkaa ũndũ ũũ kwa ana‐a‐asa onthe ala me Masetonia kw’onthe. Ĩndĩ nĩtũũmwĩsũva, ana‐a‐asa, nĩ kana mwongeleele ũu mũno mbee; 11#Aev 4.28; 2 Ath 3.8,12.na nĩ kana mwĩmanyĩsye kwĩthĩwa na ũuu, na kwĩka maũndũ menyu ene, na kũtethya wĩa na moko menyu, o ũndũ twamwĩaĩe; 12#Ako 4.5; 1 Ako 5.12,13.nĩ kana mũendae ũndũ waĩle mbee wa ala me ũtee, na ĩngĩ mũikethĩwe na vata wa kĩndũ o na kĩva.
Ũndũ wa ala akw’ũ
13 #
1 Ako 15.20; Aev 2.12. Ĩndĩ, ana‐a‐asa, tũikwenda mũlee kũmanya ũvoo wa ala makomaa; nĩ kana mũtikethĩwe na kĩmako, ta ala angĩ mate na wĩkwatyo. 14#Alo 14.9; 1 Ako 15.3,4,12.Nũndũ ethĩwa nĩtũkwĩtĩkĩla kana Yesũ nĩwakwie na athayũũka ĩngĩ, o ta ũu nao ala makomete nthĩnĩ wa Yesũ, Ngai akamaete vamwe nake. 15#1 Ako 15.51; 7.10,25.Nũndũ ũũ nĩtũũmũtavya kwondũ wa ndeto ya Mwĩaĩi, kana ithyĩ ala twĩ thayũ, ala tũkatiala kũvika kũka kwa Mwĩaĩi, tũikamatongoesya nongi ala makomie. 16#1 Ako 15.52; 2 Ath 1.7.Nĩkwĩthĩwa Mwĩaĩi mwene akatheea kuma ĩtunĩ, na wasya mũtũlu, na wasya wa mũlaĩka mũnene, na soo wa Ngai: na ala makwie nthĩnĩ wa Klĩsto makathayũũka mbee; 17#Yoa 12.26; 17.24.na ĩndĩ ĩtina ithyĩ ala twĩ thayũ ala twatialile, tũkavulw’a vamwe nao mathweonĩ, kũmũthaũa Mwĩaĩi yayayanĩ: na ũu tũkeethĩwa vamwe na Mwĩaĩi tene na tene. 18Kwondũ wa ũu kiakianasyai na ndeto ii.
Currently Selected:
1 ATHESALONIKA 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
