1 ATHESALONIKA 3
3
Ũtũme wa Timotheo
1 #
Meko 17.14,15. Kwondũ wa ũu yĩla twaĩ tũtatonya kũmĩĩsya mbee wa ũu, nĩtwoonie nĩ ũseo tũtiwe Athene ithyoka; 2#Meko 16.1–3.na twamũtũma Timotheo, mwana‐a‐asa waitũ na mũthũkũmi wa Ngai ũvoonĩ mũseo wa Klĩsto, amũlũlũmĩlye, na kũmũkiakisya mũĩkĩĩonĩ wenyu; 3nĩ kana kũikethĩwe mũndũ o na wĩva kũthingithangw’a nĩ mathĩna aa; nĩkwĩthĩwa inyw’ĩ ene nĩmwĩsĩ nĩmo twiĩwe. 4#2 Ath 3.10; Meko 14.22.Nũndũ nĩ w’o, yĩla twaĩ nenyu, nĩtwamũtavisye mbee kana tũkathĩnw’a; o tondũ kweekĩkie, nenyu nĩmwĩsĩ. 5#Avi 2.16.Kwondũ wa ũu nyie nakwa, yĩla ndaĩ ndonya kũmĩĩasya ĩngĩ, natũmanie nĩ kana nĩmanye mũĩkĩĩo wenyu, kana ũla mũtati nĩwĩthĩwa amũtatie inyw’ĩ na ũndũ o na wĩva, na wĩa witũ ũla twathĩnĩaa ũkethĩwa wĩ wa mana. 6#Meko 18.5.Ĩndĩ yu yĩla Timotheo woka kwitũ kuma kwenyu, na atũetee ũvoo mũseo wa mũĩkĩĩo wenyu na wendo, na ĩngĩ kana mũtũlilikanaa nesa mavinda onthe, mwĩ na mea ma kũtwona, o ũndũ naitũ twĩ na mea ma kũmwona; 7#2 Ath 1.4.kwondũ wa ũu, ana‐a‐asa, nĩtũkiakiiw’e kwondũ wenyu thĩnanĩ na ũnyamaonĩ witũ w’onthe kwondũ wa mũĩkĩĩo wenyu: 8nũndũ yu twĩ thayũ ethĩwa inyw’ĩ nĩmũkũũngama na ũlũmu nthĩnĩ wa Mwĩaĩi. 9Nũndũ nĩ mũvea wĩva ũla tũtonya kũmũtũngĩa Ngai kwondũ wenyu, nũndũ wa ũtanu w’onthe ũla tũtanaa kwondũ wenyu mbee wa Ngai waitũ; 10tũkĩvoya mũno ũtukũ na mũthenya nĩ kana tũtonye kwona mothyũ menyu, na kwĩanĩsya kĩla kĩtiele mũĩkĩĩonĩ wenyu?
11 #
2 Ath 2.16. Na yu Ngai mwene Asa waitũ, na Mwĩaĩi waitũ Yesũ, natũtongoesye nzĩanĩ yaitũ tũvike kwenyu; 12na Mwĩaĩi namwongeleele na kũmwingĩvĩsya wendo inyw’ĩ kwa inyw’ĩ, na kwa andũ onthe, o ũndũ naitũ tũilyĩ kwenyu; 13#Avi 1.10; 2 Ath 1.7,10.nĩ kana atonye kũlũlũmĩlya ngoo syenyu syĩkalae itailĩĩlĩka ũthũku ũtheunĩ mbee wa Ngai Asa waitũ, ĩvinda ya kũka kwa Mwĩaĩi Yesũ vamwe na atheu make onthe.
Currently Selected:
1 ATHESALONIKA 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
