1 ATHESALONIKA 2
2
Vaulo ayĩtetea nũndũ wa wĩa wake wa kũtwaa Ũvoo Mũseo
1 #
1 Ath 1.5,9; 2 Ath 3.7. Nũndũ inyw’ĩ ene, ana‐a‐asa, nĩmwĩsĩ kũlika kwitũ kwenyu, kana kũiaaĩthĩwa kwa mana: 2#Meko 16.20–24; 17.1–5.ĩndĩ nũndũ nĩtwathĩniw’e mbee na kwĩkwa maũndũ mathũku ndũanĩ ya Vilivi, o ũndũ inyw’ĩ mwĩsĩ, nĩtwongelekile ũkũmbaũ nthĩnĩ wa Ngai waitũ wa kũneena nenyu ũla ũvoo mũseo wa Ngai o na tũkĩsiiĩwa mũno. 3Nũndũ ũtao witũ ti wa kwasya andũ, kana wa ũvuku, kana nthĩnĩ wa ũĩ wa ũkengani: 4#Yel 11.20; Aka 1.10; 1 Tim 1.11.ĩndĩ o ũndũ tweetĩkĩlilwe nĩ Ngai tũsũvĩe ũla ũvoo mũseo, nĩw’o tũũneena; ti kwondũ wa kũmendeesya andũ, ĩndĩ nĩ kũmwendeesya Ngai ũla ũoasya ngoo sitũ. 5#Meko 20.33; Mko 12.40; 2 Vet 2.3.Nũndũ tũtyaaoneka o na ĩvinda yĩva tũkĩneena ndeto sya kũkathĩĩa andũ, o ũndũ mwĩsĩ, kana kũvw’ĩka wendi wa syĩndũ, Ngai nĩwe ngũsĩ; 6#Yoa 5.41,44.o na tũtyaamantha ndaĩa kuma kwa andũ, o na inyw’ĩ kana andũ angĩ, o na kau twaĩ tũtonya kwĩthĩwa mũio mũito kwenyu nũndũ twaĩ atũmwa ma Klĩsto. 7Ĩndĩ twaĩ auu katĩ wenyu, o tondũ mũei ũsũvĩaa syana syake mwene: 8o ta ũu, tũkĩmwenda na wendo mwingĩ, nĩtweewie mũyo mũno kũmũnenga inyw’ĩ ti ũla ũvoo mũseo wa Ngai w’oka, ĩndĩ o na mathayũ maitũ, nĩkwĩthiwa mũtw’ĩkĩte endwa maitũ. 9#1 Ako 4.12; Meko 20.34.Nũndũ nĩmũũlilikana, ana‐a‐asa, kũthĩnĩa wĩa kwitũ na ũnyamao witũ; tũkĩtethya wĩa ũtukũ na mũthenya, nĩ kana tũikethĩwe mũio kwa mũndũ o na wĩva wenyu, twamũtavisye ũla ũvoo mũseo wa Ngai. 10Inyw’ĩ mwi ngũsĩ, o na Ngai nake, ũndũ twekalile kwenyu inyw’ĩ ala mwĩtĩkĩlaa twĩ na mwĩkalĩle wa ũtheu na ũlũngalu na tũtyailĩĩlĩka ũthũku: 11#Meko 20.31.o tondũ mwĩsĩ ũndũ twamwĩkĩe kĩla ũmwe wenyu, ta ũndũ ĩthe wĩkaa syana syake mwene, tũkĩmũtaa, na kũmwĩkĩa vinya ngoonĩ, na kũkũsĩĩa, 12#Aev 4.1; Avi 1.27; 2 Ath 1.5; 1 Vet 5.10.nĩ kana mũendae ũndũ kwaĩle kwa Ngai, ũla ũmwĩtaa mũlike ũsumbĩnĩ na ũtheunĩ wake mũtisu.
Kũthĩnw’a
13 #
1 Ath 1.2; Aka 1.11; 2 Ath 2.13. Na kwondũ wa ũu ithyĩ nĩtũmũtũngĩaa Ngai mũvea tũtekũeka, nũndũ yĩla mwoosie kwitũ ĩla ndeto ya ũtũmane wa Ngai, mũtyaamyosa ta ndeto ya andũ, ĩndĩ, o ũndũ ĩtilyĩ w’o, ndeto ya Ngai, ĩla nayo ĩtethasya wĩa nthĩnĩ wenyu ala mwĩtĩkĩlaa. 14Nũndũ inyw’ĩ, ana‐a‐asa, nĩmũtw’ĩkĩte eelekan’ya ma makanisa ma Ngai ala me Yutia nthĩnĩ wa Klĩsto Yesũ: nĩkwĩthĩwa inyw’ĩ nĩmwathĩniw’e nĩ andũ ma nthĩ yenyu, o mathĩna ala mathĩniw’e namo nĩ Ayuti; 15#Meko 2.23; 7.52.ala mamũaie Mwĩaĩi Yesũ na athani, na matũlũngya ithyĩ, na maimwendeeasya Ngai, na nĩmakananĩasya andũ onthe; 16#Mwa 15.16; Mt 23.32,33.makĩtũvata kũneena na Andũ‐ma‐mbaĩ‐ingĩ matangĩĩwe: nĩ kana meanĩsye naĩ syoo mavinda onthe: ĩndĩ ũthatu nũmavikĩe kũvika ũminũkĩlyo.
Vaulo ayendeew’a nĩ asomi make
17 #
Alo 1.11,13. Ĩndĩ ithyĩ, ana‐a‐asa, twataanĩsya nenyu ĩvinda ĩnini, kwa mwĩĩ na ti ngoonĩ, nĩtwatatie mũno na kwenda kũnene kwona mothyũ menyu: 18nĩkwĩthĩwa nĩtwendie kũka kwenyu, nyie Vaulo ti ĩvinda yĩmwe; na Satani atũsiĩĩa. 19#Avi 2.16; 4.1; 2 Ath 1.4.Nũndũ wĩkwatyo witũ, kana ũtanu witũ, kana ngovia ya ũsumbĩ yaitũ ya kwĩkathĩĩa kwitũ nĩ kyaũ? Ti o inyw’ĩ, mbee wa Mwĩaĩi waitũ Yesũ ĩvinda ya kũka kwake? 20Nũndũ inyw’ĩ mwĩ ũtaĩo witũ na ũtanu witũ.
Currently Selected:
1 ATHESALONIKA 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
