ZAKARIA 5
5
Okorora igoro y’ebuku ekoiruruka
1Nkaimokia amaiso aane naende, nkarora ebuku eringanirie ekoiruruka. 2Omomalaika oria akamboria, “Ninki oroche?” Nkairaneria, nkamotebia, “Nigo ndoche ebuku eringanirie ekoiruruka; obotambe bwaye nobw’amaboko emerongo ebere, na obogare bwaye amaboko ikomi.”
3Erio agantebia, “Okwo nokoragererigwa gwachiereire ense yonsi. Kera oyokoiba narusigwe korwa aiga, buna koreng’ana arikire ase ebuku eyio, na kera oyogotiana narusigwe boigo korwa aiga, buna koreng’ana arikire ase ebuku eyio. 4Omonene bw’Emeganda nigo agoteba iga: Nintome ebuku eyio ase enyomba y’omoibi, na ase enyomba y’oyo ogotiana ogotiana kw’oborimo ase erieta riane; ebuku eyio nebeere ase chinyomba chi’abanto abwo echisirie kegima, chibao chiabo amo namagena abo.”
Okorora igoro y’omokungu ore egetonga ime
5Omomalaika oria orenge gokwana nainche agacha naende, agantebia, “Imokia amaiso ao, orore ngento ki keria kegocha.”
6Nkamoboria, “Ngento ki keria?”
Akang’iraneria agantebia, “Keria negetonga gi’okorenga kegocha; kerokio nigo getenenerete obobe bw’abanto b’ense yonsi.”
7Nkarigereria, nkarora ekemumeko kiaroiseirie risasi gekomumoka, na omokungu oikaransete ase egetonga keria ime.
8Omomalaika oria agateba, “Obo nabwo Obobe.” Erio akaigatera omokungu oria ime ase egetonga keria, agakong’ontera ekemumeko igoro ase omonwa bw’egetonga keria. 9Erio nkaimokia amaiso aane, nkarora abakungu babere bakooroka. Embeo egasoa ase chimbaba chiabo chiarenge buna echie riagonga. Abakungu abwo bakaimokia egetonga keria, bakairuruka nakerokio gochia gati‐gati y’ense na igoro.
10Nkaboria omomalaika oria orenge gokwana nainche, “Ng’ai bakoira egetonga keria?”
11Akairaneria, agantebia, “Nigo bagokeira ase ense ya Sinari, na aroro agwo baagachere omokungu oria enyomba, erinde ekoera bamobekeo, abeere aase aye.”
Currently Selected:
ZAKARIA 5: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
