ZAKARIA 2
2
Okorora igoro y’engori y’okorengera
1Naende nkarigereria, nkarora omonto obwate engori y’okorengera ase okoboko kwaye. 2Erio nkamoboria, “Ng’ai okogenda?”
Ere akairaneria agantebia, “Yerusalemu ngochia korenga, erinde imanye obogare bwaye, na obotambe bwaye.”
3Erio nkarora omomalaika oria konya okwanire nainche ogocha, na omomalaika onde agacha koumerana nere, 4akamotebia, “Minyoka, otebie omomura oria obwate engori y’okorengera ng’a Yerusalemu nomenywe buna emechie etagiteiri chindwaki, ekiagera nobe nabanto abange ne chitugo chinyinge. 5Omonene otebire ng’a nere bweka omonyene orabe orwaki rw’omorero ase chinsemo chionsi chi’omochie oyio, ere neorokie imeo abe obonene bwaye.”
Abanto bakorangerigwa bairane korwa ase obosomba
6Omonene nigo agoteba iga: “Imoka! Imoka motame, morue ase ense ya sugusu, ekiagera ninche nabasiarerete buna ngosiarera chimbeo inye chia igoro.” Nabo Omonene agoteba.
7“Inwe abanto ba Sayoni, inwe abamomenyete amo nabanto ba Babeli, imoka motame, mwetoorie!” 8Aya naro Omonene bw’Emeganda agoteba: “Ere oyontomire ase abanto b’ebisaku abwo babasakorete ing’orokie obonene bwaye, ekiagera oyo orabakune inwe, oyio nabe okunire endorero y’eriso riaye. 9Rora, ninsamunse amaboko aane igoro yabo, barabwo mbabe abasomba b’abwo barenge kobakorera.”
Erio nario moramanye ng’a Omonene bw’Emeganda ontomire.
10“Inwe abanto ba Sayoni, goka na gochenga! Naama! Ngocha inde komenya ase egati yaino.” Nabo Omonene atebire.
11“Ase ekero ekio abanto b’ebisaku ebinge mbabwatane nainche Omonene; barabwo mbabe abanto baane. Ee, inche nimenye ase egati yaino.” Erio nario moramanye ng’a Omonene bw’Emeganda nere ontomire gocha asemore. 12Omonene naire Abayuda babe omwando oye ore ase ense eye enchenu, nachore Yerusalemu obe omochie oye naende.
13Inwe abanto bonsi, tegerera mokire‐kiri ase obosio bw’Omonene, ekiagera otenenire ngosoka are korwa ase Obomenyo bwaye Obochenu.
Currently Selected:
ZAKARIA 2: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
