OGOT GWA SULEMANI 1
1
1Ogotera okuya gwa Sulemani.
Ogotera Kwe Ritang’ani
(Omoriakari)
2Tiga anyunyunte nokonyunyunta kw’omonwa oye.
Obwanchani bwao nobuya kobua edivai.
3Amaguta ao akweakwa nigo are ne rimisu rigiya;
erieta riao nigo ringa buna amaguta aumoirwe,
ase ayio abaiseke abekungi nigo bagwanchete.
4Ing’use nkobwatie, tominyoke kogenda.
Omoruoti ondetire ase chiero chiaye.
Ntokogokere na kogochengera,
ntotogie obwanchani bwao kobua edivai.
Ekeene, nigo bagwanchete bori.
5Inwe abakungu ba Yerusalemu,
inche nigo inde omomwamu ti,
nonya naboigo nigo inde oyo bw’okogokia.
Nigo inga buna chiema chia Kedari,
naende buna ebitambaa bi’ogosungwa bia Sulemani.
6Timobaisa kondigereria, ekiagera inde omomwamu ti;
nomobaso bw’erioba onsambire.
Abamura ba baba nigo bambeete,
bakambeka korenda emegondo y’emesabibu,
korende omogondo one bw’emesabibu tinarendete.
7Aye omwanchi bw’omoyo one,
ntebie ng’ai okorisia riicho riao.
Ng’ai okoriira riakenderera mobaso gati?
Nase ki ndabe nkona‐gotayaya
ase egati y’amaicho ’abagisangio bao?
(Omonyuomi)
8Aye ore omoseera kobua abakungu bonsi;
onye tomanyeti, bwatia amabarato e riicho,
obe gokorisia chimanwa chiao chie chimbori
ang’e ne chiema chi’abarisia.
9Aye omwanchi one,
nigo ngokoreng’ania nebarasi eaberi ekong’usa egari ya Farao.
10Chinsea chiao nechinseera, chichabeire nebinto bi’oboseera,
ne rigoti riao nigo richabeire ne chisonoi.
11Intwe ntokoroiserie ebinyuri bie chitahabu bi’ogwechabera,
ebitonire ne chifeta.
(Omoriakari)
12Ekero omoruoti arenge aase aye agotimokera,
amaguta aane akorokwa narada agatioka rimisu rigiya.
13Omwanchi one nigo are asende buna omobuko o manemane,
oyo nkobeka ase egekuba kiane.
14Omwanchi one nigo are asende buna egesago ki’ebisicha bikorokwa hena,
bire ase emegondo y’emesabibu y’Eni‐Gedi.
(Omonyuomi)
15Naama! Aye omwanchi one, naki ore omoseera mono!
Ee, nabo ore omoseera mono.
Ekieni ki’amaiso ao nigo kenga eki’amaruma.
(Omoriakari)
16Aye omwanchi one, nigo ore omoseera.
Ee, aye nigo ore oyo bw’okogokia,
oborere bwaito togotimokera nigo bonga obonyansi obwororo.
17Ebisigisa bi’enyomba yaito nebi’emecharake,
ne chindote nechi’emetarakwa.
Currently Selected:
OGOT GWA SULEMANI 1: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
