ZABURI 62
62
Okoba nogosemeria ase oborendi bwa Nyasae
(Ogotera gwa Daudi)
1Omoyo one nigo oganyete Nyasae bweka ase okonyora obotoereru;
ogotooreka kwane nigo gokorwa asare.
2Ere nere bweka egetare kiane, na ogotooreka kwane,
nere orwaki rwane, tinkonyegerigwa mono.
3Inee! Inwe mwensi, ngoika ririri moragenderere korwania omonto ore bweka,
erinde momoakere inse, inwe mwensi amo,
buna nigo are enyasi ere ang’e kogwa na orwaki rwatandokire?
4Abanto abwo nigo bakoroberia bamoiyerie korwa ase obonene bwaye.
Barabwo nigo bakogokigwa mono gokwana oborimo;
nigo bagosesenia nebikoba biabo bosa,
korende ase chinkoro chiabo ime nigo bakoragereria.
5Omoyo one nigo omoganyete Nyasae bweka ase okonyora obotoereru;
ogosemeria kwane nigo gokorwa asare.
6Ere bweka negetare kiane, na ogotooreka kwane,
na egekengero kiane egekong’u; tinkonyegerigwa.
7Ogotooreka kwane, na obonene bwane, nigo bikonyorekana ase Nyasae.
Nyasae negetare kiane gie chinguru, na obotamero bwane.
8Inwe abanto, mwegene Omonene ase chingaki chionsi,
morentere emechando yaino;
Nyasae nere obotamero bwaito.
9Ekeene, mwanyabanto nigo bare buna omooki rioka,
abanto baeire obonene nigo bare bosa;
ekero bakorengwa nigo bare abagusu;
bonsi nigo bare abagusu kobua omooki.
10Timobaisa gosemeria obourereria, timobaisa koba nogosemeria kwa bosa ase ebinto bi’oboibi.
Onye obotenenku bwaino bwabeire obonge, timobaisa kobosemeria.
11Nyasae okwanire ara rimo,
ee, nabeire nkoyaigwa chintunda ibere,
ng’a Nyasae nere omonyene okobua.
12Aye Nyasae, nigo ore nobwanchani bogendererete botambe;
aye nigo ogoakana omonto koreng’ana buna emeremo yaye ere.
Currently Selected:
ZABURI 62: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
