ZABURI 61
61
Ogosaba gw’okonyora okorendwa
(Ogotera gwa Daudi)
1Aye Nyasae one, igwa ekerero kiane;
tegerera oigwe ogosaba kwane.
2Ekero enkoro yane yarusirie moyo,
nigo ngokorangeria korwa ase chinsinyo chi’ense.
Aye ondaae gochia egetare keria kere egetambe mono kombua.
3Aye naye obotamero bwane,
eburi enkong’u egonkengera korwa ase ababisa baane.
4Ing’a ribaga ingenderere komenya botambe ase eema yao;
ninganetie inyore oborendi obuya
inse y’ekiriri gie chimbaba chiao.
5Aye Nyasae kwaigure chiira chiane narire ase ogotiana,
abanto bairogete erieta riao kwabaeire omwando obo.
6Omentere omoruoti amatuko agenderere koba moyo;
emiaka yaye ebe ey’ebiaare ebinge.
7Tiga agenderere botambe koba omoruoti ase obosio bwao aye Nyasae;
obwanchani bwao bogendererete botambe, na obwegenwa bwao, bimorende,
8Igo nimbe ngotera ase ogotogia erieta riao botambe,
naende rituko ase rituko imbe ngoikeranie chiira chiane.
Currently Selected:
ZABURI 61: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
