ZABURI 48
48
Sayoni, omochie o Nyasae
(Ogotera kwa basinto ba Kora)
1Omonene nigo are omonene mono, goika atogigwe;
ere goika atogigwe agwo ase omochie o Nyasae oito,
ase egetunwa kiaye egechenu.
2Sayoni, egetunwa kia Nyasae egeseera, keimokererete igoro agwo sugusu,
nigo kere omogoko bw’ense engima;
omochie oyio noyo bw’omoruoti omonene.
3Agwo ase chiburi chi’omochie oyio,
Nyasae bweorokirie ng’a nere obotamero bw’ogwekengera,
4Rora, abaruoti nigo basangererekanete,
bagacha amo.
5Ekero baroche omochie oria, nigo bakumetie,
bakaondoka, bagatama.
6Bagasogwa nobwoba, bakaiguswa,
bagaichana na koba nobororo buna obw’omokungu okobina aibore.
7Nigo kwababunete buna chimeeri chia Tarisisi nomwaga okogusa korwa moocha.
8Amang’ana twaigwete,
bono twayarorire agwo ase omochie bw’Omonene bw’Emeganda,
omochie o Nyasae oito.
Nyasae nigo ayorendete na koyokong’ia goika kare na kare.
9Nyasae, ekero tore ase Hekalu yao ime,
nigo tokorengereria igoro y’obwanchani bwao bogendererete botambe.
10Nyasae, buna koreng’ana erieta riao rikumete,
naboigo nogotogigwa kwao gokumete goikera chinsinyo chi’ense.
Okoboko kwao gw’okorio nigo goichire noboronge.
11Tiga abanto b’egetunwa gia Sayoni bagoke;
boigo nab’emechie y’Abayuda,
ekiagera aye nigo okonacha ebina bia boronge.
12Taara moetanane Sayoni,
mobare emerobiri yaye.
13Rigereria chindwaki chiaye,
eta motaare ime ase chiburi chiaye;
erio nario morache gotebia ebigori bigochi‐gocha:
14“Nyasae oyo nere Nyasae oito o kare na kare.
Ere nabe omoraai oito kogenderera botambe.”
Currently Selected:
ZABURI 48: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
