ZABURI 47
47
Omogambi ore omonene mono
(Ogotera kwa basinto ba Kora)
1Inwe abanto bonsi, aka chinkobi,
moterere Nyasae amatera ’omogoko neriogi rinene!
2Omonene ore Igoro Mono nigo are oyo bw’okoirokia,
ere nomoruoti omonene bw’ense yonsi.
3Omonene obekire abanto inse yaito,
otoeire okobua kogambera abanto b’ebisaku.
4Nigo atochorerete omwando,
oyio ore obwari bwa Yakobo, oria Omonene anchete.
5Nyasae otiirire namariogi ay’ogochengerwa,
Omonene nigo akobugerigwa ebirombeta.
6Tera amatera ay’ogotogia Nyasae, tera amatera ay’ogotogia!
Tera amatera ay’ogotogia omoruoti oito, tera amatera ay’ogotogia!
7Nyasae nigo are omoruoti bw’ense yonsi,
motogie namatera are nengencho.
8Nyasae nere okogamba igoro ase ebisaku;
ere nigo aikaransete ase ekerogo kiaye ki’obonene kere egechenu.
9Abagambi b’abanto basangererekanire amo,
babe abanto ba Nyasae o Ibrahimu. Chinguba chi’ense nigo chire echia Nyasae;
ere oimokererigwe igoro mono kegima.
Currently Selected:
ZABURI 47: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
