ZABURI 45
45
Ogotera kw’enyangi y’omoruoti
(Ogotera kw’obwanchani korikire na basinto ba Kora)
1Enkoro yane nigo eichire namang’ana amaya,
engero yane nigo ere igoro y’omoruoti;
oromeme rwane nigo rore buna ekaramu y’omoriki omuya.
2Aye nigo ore omoseera kobua abanto bonsi;
ebikoba biao nigo bigokwana amang’ana ’obwanchani.
Ase ayio Nyasae ogosesenirie goika kare na kare.
3Aye omobui, eboeranie omoyio o birende ase ekenema kiao,
aye nigo ore nobonene na ogosikwa okonene.
4Genda bosio nobobui na obonene!
Okengere ekeene, na obwororo, na oboronge;
na okoboko kwao gw’okorio ngokworokererie amang’ana ’ogokumia.
5Emegwe yao nigo ere emioge,
nigo ekobeta chinkoro chi’ababisa bao aye omoruoti
abanto nigo bakogwa inse yao.
6Aye Nyasae, ekerogo kiao ki’obonene nigo kegendererete kobao kare na kare.
Enyimbo yao y’oboruoti nigo ere ey’oboronge.
7Aye nigo bwanchete oboronge na kogechete ebibe.
Ase ayio, Nyasae, oyore Nyasae oo ogoakire amaguta,
okorenteire omogoko kobua oyo bw’abande bamino.
8Chiganchwa chiao nigo chikouboka rimisu ri’amaguta a manemane,
na ay’omogaka, na aya kasia.
Korwa ase chinyomba chichabeire amaino e chinchogu
abanto nigo bakobugia amakano na gokogokia.
9Abaiseke b’abaruoti nigo bare amo nabwo bakogokorera ase amasikani;
eting’ana bwechaberete netahabu ekorwa Ofiri,
nigo ateneine ase okoboko kwao gw’okorio.
10Aye omoiseke, igwa! Ntegerera mono!
Eba bono abanto baino na ab’enyomba ya iso.
11Oboseera bwao mbogere omoruoti agosanere,
ekiagera ere nomonene oo, goika bwekumbe ase obosio bwaye.
12Abanto ba Turo, abare abanda mono, nigo barakorentere ebiegwa,
barigie ogwancherwa kwao.
13Omoiseke bw’omoruoti nigo are ime ase eero yaye ore nobonene,
obegete eganchwa yaye eroiseirie etahabu.
14Nigo akoirwa ase omoruoti obegete chiganchwa chi’ebieni ao ao,
nigo agotunyanwa nabaiseke abekungi abare abagisangio baye;
bonsi nigo bakoirwa ase omoruoti.
15Nigo bakoirwa bare nomogoko na omochengo,
erio basoigwa ase enyomba y’omoruoti.
16Abana bao abamura mbabe ribaga rie chisokoro chiao,
naye nobabeke babe abagambi igoro ase ense yonsi.
17Ninkore erieta riao ribe rikoinyorwa nebiaare bionsi;
ase ayio, abanto b’ebisaku mbabe bakogotogia goika kare na kare.
Currently Selected:
ZABURI 45: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
