ZABURI 38
38
Ogosaba kw’omonto obwate emechando
(Ogotera gwa Daudi)
1Omonene, tontogonyera ekero ore nendamwamu,
tong’a egesusuro gi’okondongeyia ekero ore nekeririanda.
2Kwandasire emegwe yao yasoeire ime yane,
kwanyiyeirie inse nokoboko kwao.
3Ase engencho y’ekeririanda kiao omobere one bwensi orwarire,
nase engencho y’ebibe biane amauga aane nigo akonyatia.
4Ebibe biane biantubire nonya nomotwe bwonsi,
bianditoeire na kombua.
5Amaote aane agundire atiokire bobe
ase engencho y’oboriri bwane.
6Igo ng’umaime na koumata,
nigo ingendererete korera na goichana omobaso boira.
7Chibachwa chiane nigo chikoyia buna omorero,
omobere one bwonsi orwarire.
8Chinguru chiane chionsi chiaerire, nasenyentekire,
nigo nkona‐kweumia ase engencho y’obororo bw’enkoro yane.
9Omonene, aye nigo omanyete okogania kwane gwonsi,
na ogochandeka kwane tikobisekaneti asore.
10Enkoro yane nigo egotiesana, chinguru chiang’ereire;
amaiso aane asoirwe orotutu, tindi korora.
11Abanchi na abasani baane babeereire aare korwa ase amaakwa aane,
na abanto baminto boigo bambeereire aare.
12Abanto abwo baganetie gosiria obogima bwane bantegeire oboreba;
na abwo baganetie gonkora bobe nigo bagokwana amang’ana
’ogosirigwa kwane,
bakorengereria amang’ana ’obong’ainereria omobaso boira.
13Korende inche nabeire buna omotino, tindi koigwa,
nabeire buna omonto rimama, tindi gokwana.
14Ee, inche nabeire buna omonto otari koigwa,
buna oyo omonwa oye otabwati amang’ana okoiraneria.
15Korende Omonene, naye nsemereretie.
Omonene, Nyasae one, naye oranyare koiraneria.
16Nigo nkogosaba ng’a ababisa baane tibagokera emechando yane;
na tibetogeria okogwa kwane.
17Inche nabeereire ang’e kogwa,
na obororo bwane nigo bogendererete kobeera asende.
18Bono nigo nkoorokia ogosaria kwane,
neitirie ase engencho y’ebibe biane.
19Ababisa baane nigo bare abagima, naende bare ne chinguru,
abwo bangechete bosa nabange bare.
20Abwo bagoakana amabe ase amaya
nigo babeire ababisa baane, ekiagera ngokora ayare amaya.
21Omonene, tontiga!
Aye Nyasae one, tobaisa kombeera aare!
22Aye Omonene ore ogotooreka kwane, ayerera onkonye!
Currently Selected:
ZABURI 38: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
