EMERENG’ANIO 24
24
19
1Aye tobaisa koba ne ribero ase abakori amabe, gose togania koba amo nabarabwo, 2ekiagera ebirengererio biabo nigo bikoroberia ay’ogosiria, na ebikoba biabo nigo bigokwama ayakorenta emechando.
20
3Enyomba nigo ekoagachwa nobong’aini na yakong’igwa goetera ase okomanya. 4Ase chisemi chire, chiero chi’enyomba eyio nigo chigoichorigwa nebinto ao ao bi’engencho enene, na ebi’okogokia.
21
5Omonto omong’aini nigo are ne chinguru, na oyore nokomanya nigo akoorokia okobua okonene. 6Ase ogosemia kw’obong’aini kore, nonyare korwana esegi, na ase abasemia abange abaya bare, obobui nigo bokonyorekanao.
22
7Obong’aini nigo bore egento kere aare korwa ase omonto omoriri; ere tari komaanora omonwa oye agwo ase egeita.
23
8Ere oyokoroberia gokora amabe narokwe omonto okorenta emechando. 9Ebirengererio bi’oboriri nebibe, na omonyacheche nigo are okogechia ase abanto.
24
10Korarose na gotang’ang’a ase engaki y’obokong’u rirorio aye nigo ore omoreu otari na nguru.
25
11Tooria abwo bakoirwa gochia gokwa; irania abwo bakoirwa gochia goitwa. 12Oise goteba, “Intwe titwamanyete amang’ana aya”, Inee, oyio okorenga chinkoro tamanyeti ayio? Oyio origereretie omoyo oo nigo amanyete ayio, na nigo araakane kera omonto buna ogokora kwaye kore.
26
13Aye omwana one, karie obooke, ekiagera nobuya; obooke bogotonya korwa ase eriana nigo bore obwansu asore. 14Manya ng’a obong’aini buna obwo mboganeirie ase omoyo oo, korabonyore, rirorio nonyore amaya ase amatuko agochi‐gocha, na ogosemeria kwao tikogosira bosa.
27
15Aye omokori amabe, tobaisa koboera omonyene oboronge ase amenyete, tosaria aase aye agotimokera. 16Omonyene oboronge nigo akogwa ara gatano na kabere, naende oboka, korende abakori amabe nigo bagosira ekero banyorire emechando.
28
17Tobaisa kogoka ekero omobisa oo agure, na enkoro yao tebaisa gosasoka ekero agochirwe. 18Omonene nigo ararore okogoka okwo agechigwe, erio aonchore endamwamu yaye erue ase omobisa oo.
29
19Aye togechigwa ase engencho y’abagokora amabe, gose tobaisa koba ne ribero ase abakori amabe. 20Abagokora amabe tibakonyora amaya ase amatuko agochi‐gocha; etaya y’abakori amabe nerimigwe.
30
21Aye omwana one, omoiroke Omonene, oiroke na omoruoti, tobaisa gosang’anana nabasaria. 22Abwo nigo baranyore emechando ya mobosokano, na ning’o oranyare komanya ogosirigwa kwabo?
Amang’ana ande ay’obong’aini
23Amang’ana aya boigo nay’abang’aini.
Tari buya gwanchereria abanto ekero ebina bikonachwa. 24Oyo ogotebia omonto omomochi, “Aye tori nokomocha”, oyio abanto mbamoragererie, na abanto b’ebisaku nigo baramogeche. 25Korende abwo bakoa omomochi egesusuro mbanyore amaya amo nogosesenigwa okuya.
26Omonto okoiraneria amairanerio amaronge nigo anga okonyunyuntwa kw’ebikoba.
27Roisia emeremo yao isiko onsi, naende kora emeremo yao ya mogondo eere, na nyuma y’ayio oagache enyomba yao.
28Tobaisa koba kirori o bosa mamincha y’omonto onde, na tobaisa kong’ainereria nebikoba biao. 29Tobaisa goteba, “Goika nainche imokorere buna ankorera; goika imoakane buna ogokora kwaye kore.”
30Ngaeta ase omogondo bw’omonto omworo, na ase omogondo bw’emesabibu bw’omonto otari nobong’aini. 31Nkarora omogondo oyio omerire amagwa, na amasa ayotubire, na amagena aagacheire chindwaki chiaye konya atagokire. 32Nkayorigereria na korengereria mono igoro y’omogondo oyio, nkanyora amorokererio aya: 33Okorara ake, na ogosundoka ake, na okoringania amaboko ake, 34goika obotaka bogochere buna omouri, na okoremerwa kogochere buna omorwani esegi.
Currently Selected:
EMERENG’ANIO 24: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
