OMOBARO 36
36
Omwando bw’abakungu banyuomire
1Abateneneri be chinyomba chie chiamate chi’egesaku kia Gileadi, mosinto o Makiri, o Manase, o Yusufu, bakagenda gokwana na Musa amo nabaraai bande be chiamate amo nabaraai bande be chiamate chi’Abaisraeli. 2Barabwo bakabora, “Omonene nigo agochigete aye omonene oito ng’a bwatanane ense ase Abaisraeli ebe omwando obo, ase ogoaka omobera. Naende Omonene akagochika ng’a omwando o Selofehadi ominto oegwe abaiseke baye. 3Korende kobaranyuomwe nabamura b’ebisaku binde b’Abaisraeli, rirorio omwando obo orusigwe korwa ase omwando oito, erinde abanto abwo bayoire. Ase enchera eyio omwando oito nokee. 4Ekero omwaka bw’Omochengo oraike ase Abaisraeli omwando obo nigo orarusigwe korwa ase omwando bw’egesaku keria keranyuome abaiseke abwo. Obwando obo nigo orarusigwe korwa ase omwando bw’egesaku giaito.”
5Ase igo Musa agachika Abaisraeli koreng’ana ne ring’ana ri’Omonene, agateba, “Abanto b’egesaku kia Yusufu nigo bagokwana amang’ana ay’ekeene. 6Amang’ana aya naro Omonene achikire igoro y’abaiseke ba Selefehadi: Tiga banyuomwe nabanto baria banchete, korende goika babe abanto be chiamate chi’egesaku kiabo. 7Omwando bw’egesaku ekemo ki’Abaisraeli tokonyara koonchorwa koirwa ase egesaku kende. Kera omonto ore bw’Abaisreali nigo arabe nomwando bw’egesaku kiaye. 8Kera omoiseke obwate omwando ase egesaku kende gionsi ki’Abaisraeli anyuomwe nomonto ore bw’eamate y’egesaku ki’omoiseke oria, erio nario kera omonto ore bw’eamate y’egesaku kiaye. 9Omwando onde tokonyara koonchorwa korwa ase egesaku ekemo na koirwa ase ekende. Kera omonto ore ase ebisaku bi’Abaisreali nig arabe nomwando ore ase egesaku kiaye.” 10Abaiseke be Selefehadi bagakora buna Omonene konya achikire Musa. 11Ase ayio Mala, na Tirisa, na Hogila, na Milka, na Noa, abaiseke ba Selofehadi, bakanyuomwa nabamura b’abaise moke. 12Barabwo bagasoka ase chiamate chi’egesaku kia Manase, mosinto o Yusufu. Omwando obo ogitigara ore ase egesaku ki’eamate yabo.
13Ayio naro amachiko na emeroberio Omonene achigete Abaisraeli goetera ase Musa, agwo ase ebirubo ebiomo bia Moabu, ang’e na Yorodan, Kororia Yeriko.
Currently Selected:
OMOBARO 36: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
